Lebitiku 4:3 - Fanawbuid tagsibaliwas Fakayabian

³ “Dewa sik tagfon fanggalangun way at nasalan ay doma at algan, ay ngay taw Israel nu ntaip way, masine kanya nu namon sas Yawi sik tama baka tumad, at yud e malong, laman famalyam at asalanan.

Lebitiku 4:3 ပူးပေါင်းရင်းမြစ်များ

2 Krunika 29:21

Ay kanya fagayu nataban fituk tama baka, fituk tama tupa, fituk riangan tupa, ay fituk tama kambing, laman at fanggalangun famalyam fagfagtainanan at asalanan, ay sas Dius at bale, ay sa sangay taw Uda. Ay fun Esekyas nasugu sas Arun at ngay baguama fag ngay tagfon fanggalangun laman nangirug kanya fag ngay fanggalangun sas Yawi.

Esra 8:35

“Ay fagayu taw Israel at kinfoli siginan at fagatabananan nafon at fagirugun fag ngay fanggalangun sat Dius: labi duak tama baka, siamk safulu e unumk tama tupa, ay fituk safulu e fituk riangan tupa tama. Ay kanya fagayu nafon yangay labi duak tama kambing laman at fanggalangun famalyam asalanan. Kanya fag ngay fanggalangun at nafon sas Yawi.

Nu Galin 29:14

Dewa katanya, sai ways day fagmafulan nu nangirug am at bilug, at balat, ay at bitua laman fanggalangun famalyam asalanan.

Nu Galin 29:21

Namul o tiba at taguk tagsis tungud fagirugan ay fagamuti sas langis fanrarus, ay faramsigi sas talamean anggan sat ngay lanbung laman kanya ay anggan at ngay lanbung mafasamanan sa angku.

Nu Galin 29:7

Namul yangay o langis ay ugwagi sas Arun at alfuyu sik fakatoglagan te, nafatigwanan o anya sa angku.

Nu Galin 30:10

Galay sik banwa, sayginan Arun nu nanrarus sas fagirugan at ngay sunge taguk tagsiginans famalyam asalanan fag fanggalangun. Fakamuluni ban takatanya galay banwa, anggan ban sat fadogan ay kasugfunanan. Aroro tuy fag fagirugan mafasamanan fia sa angku.”

Esekyel 40:39

Ay sisad basad dua tigyangan sakbawan at tangbi e duak fagfatungkudan fagfilasan at fagnangirugun fag ngay fagbaugun. Kanya sik ngay fanggalangun laman famalyam asalanan.

Esekyel 43:19

At manangakbang sa angku fag ngay tagfon fanggalangun Saduk way lang at ngay kasugfunanan fag ngay taw Lebi. Foni sa kafag ngay tagfon fanggalangun sik baka tama riangan laman ay fanggalangun famalyam asalanan.

Esekyel 44:27

Ay kanya nu nasakbo wan sa ku bale at basad alad laman namakamulun sanya, ginanya fag menit kanya masine nu gfon sik fanggalangun famalyam at ngay asalanan. Au, Fun Dius Yawi, taglong tuy.

Lebitiku 1:10

“Ay sik taw at fanggalangun nu sik tupa way ay mannga sik kambing, fasik tamai at yud e malong.

Lebitiku 1:3

“Sik taw at fagirugun fag fanggalangun nu sik baka, masine nu sik tama, ay at yud e malong, ay tabanani sas aturunan Yawi at sakbawan bale, laman Yawi gfasine kanya fag taw.

Lebitiku 16:11

“Arun namabul sik riangan baka tama laman famalyam at asalanan ay anggan fagayu at kalongan at ngay asalanan.

Lebitiku 16:3

Katatuy Yawi at suguan laman sas Arun, gina kanya nansakbo sat Mafasamanan Fia fag Suluk: “Kanya masine nu gbuba sik riangan baka tama laman sik fanggalangun famalyam asalanan, ay gbuba yangay sik riangan tupa tama laman sik fagirugun fag fanggalangun.

Lebitiku 16:5

Sanya ginan ngay taw Israel gfon sa anya duak tama kambing laman sik fanggalangun laman sa nu gfasine, ay sik riangan tupa laman sik fagirugun fag fanggalangun.

Lebitiku 16:6

“Ay Arun namon kafag riangan baka laman at fanggalangun sa nu gfasine, laman at fagmauriun umkalyam wan, anggan sat ngay kalongan.

Lebitiku 4:14

Ay kanya fagayu nu nasaful te, anke asalanan, masine nu namon sik tama baka tumad laman at fanggalangun famalyam at ngay asalanan. Ay nantaban at fanggalangun sas Yawi at bale.

Lebitiku 4:23

Ay nu nasaful te, anke asalanan, masine kanya nu gfon sik kambing at yud e malong laman at fanggalangun.

Lebitiku 4:28

Ay kanya fag taw nu nasaful te, anke asalanan, kanya masine nu gfon sik tina kambing at yud e malong laman at fanggalangun, famalyam at asalanan.

Lebitiku 4:5

Ay kafag fun tagfon fanggalangun gbul kafag baka at taguk ay namuba sas Yawi at bale.

Lebitiku 5:6

Ay masine nu namon sas Yawi sik tina tupa ay mannga sik tina kambing laman at fanggalangun. Ay tagfon fanggalangun namon sas Yawi kafag fanggalangun laman famalyam kafag taw at ngay asalanan.

Lebitiku 6:18

Arun at kasugfunanan fag ngay mangama anggan sat fadogan fag ngay kasugfunanan at masine kon kafag fakonun, aroro kanya sik nafasaman fag afud fanggalangun, famauseganan Yawi. Nusnga sinu at nanted kanya fag fanggalangun at yud tua e malong.

Lebitiku 8:12

Sanya ginan, kanya naugwag langis sas Arun at alfuyu laman famatoglag te, sik nafili laman sas Yawi.

Lebitiku 9:2

Muisis nalong sas Arun te, “Buli sik riangan baka tama, ay sik tama tupa yud e malong, ay foni sas Yawi laman sik fanggalangun. Kanya fag baka sik fanggalangun laman famalyam asalanan, ay kafag tupa laman sik fagirugun fag fanggalangun.

Lebitiku 9:3

Sanya ginan, longi sa sangay taw Israel te, ‘Bubai sik kambing tama laman sik famalyam asalanan fag fanggalangun. Bubai yangay sik tama baka ay tupa tagsadik banwa, ay yud e malong laman sik fagirugun fag fanggalangun.

Tap 16:22

Dewa katanya, Muisis ay Arun anlub ay nalong te, “Em Dius tagfon leleg sas fagayu taw, o gfalag wo am fandotama sas fagdaul taw Israel at ngay talananan dewa sadi wayk taw at nasalan?”

Tap 8:8

Sanya ginan, foni anya fagayu sik riangan baka tama, ay at masine fag fangawat tinapay at mafasuglatan langis laman sik famauseganan fanggalangun sas Yawi. Ay foni yangay sik riangan baka tama laman sik fanggalangun famalyam asalanan.

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Ebreu 5:3

Ay aroro kanya e asalanan yangay, masine kanya nu gfon fanggalangun bundi lang famalyam at ngay iba at ngay asalanan, nu bunway anggan tua sat sadili asalanan.

Ebreu 9:12

Dius at Nafili sadi ginan way gsakbo sat Mafasamanan Fia fag Suluk, ay ansak wan. Ay gina kanya gsakbo at buba bunwa kambing ay baka riangan at taguk, nu bunway at sadili tua taguk, ay nafon tua sa antam sik fakalangfean at yud ban e fakatabuan kabavn.