Lebitiku 3:8 - Fanawbuid tagsibaliwas Fakayabian

⁸ masine kanya nu gfoli at daluap sat fanggalangun fag tupa at tungud alfuyu ay nu gfabul sis salubangan Yawi at bale. Ay Arun at kasugfunanan fag tagfon fanggalangun gfaramsig kafag fanggalangun at taguk sas fagirugan at ligung.

Lebitiku 3:8 ပူးပေါင်းရင်းမြစ်များ

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Lebitiku 1:11

Ay kanya namilas at fanggalangun sas wala baliwa fag day fagirugan fanggalangun, sas Yawi at daga salubangan. Sanya ginan, Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung.

Lebitiku 1:4

Ay kafag taw masine nu gfoli at daluap sat fanggalangun fag baka at tungud alfuyu, laman Yawi gfasine anya ay gfalyam at ngay asalanan.

Lebitiku 1:5

Sanya ginan, kanya namilas kafag baka sis Yawi at daga salubangan. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas fagirugan at ligung, sis aturunan Yawi at sakbawan bale.

Lebitiku 3:13

masine kanya nu gfoli at daluap sat fanggalangun at tungud alfuyu, ay nu gfabul fasii sis salubangan Yawi at bale. Ay Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung.

Lebitiku 4:15

Sanya ginan, ngay taw Israel at ngay fagtainan nanamoli sanya fag tama baka tumad at tungud alfuyu at ngay daluap, ay gfabul laman at fanggalangun sas Yawi.

Lebitiku 4:24

Kanya wan at famalyam at asalanan. Ay kanya gfoli at daluap sat fanggalangun at tungud alfuyu ay namabul kafag kambing sas fagfabulan ngay fagirugun fag ngay fanggalangun laman sas Yawi.

Lebitiku 4:4

Kanya masine nu nantabanan kafag baka tama sas Yawi at daga salubangan, sit sakbawan bale. Ay folii at daluap sat fanggalangun at tungud alfuyu ay sanya ginan, fabuli wan.

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

2 Kurintu. 5:19

Katatuy ku longan at masuad: siginan tam Fun Isus, Dius nafafoli fagayu taw sa anya, ay wa ban gamatangan ya kafag ngay taw at asalanan. Ay kanya nafatigwanan wan sa emi takatanya laman namafoli ami ngay taw sa anya.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Efesu 2:18

Aroro sa tam Fun Isus, gsud tua tam manangakbang sa tam Mama siginan at Masine fag Falad.

Efesu 3:12

Aroro siginan tam fagafanudun sa anya, manangakbang tua tam sas Dius, ay antuyan tua tam te, gdungugan antam.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.