Lebitiku 3:3 - Fanawbuid tagsibaliwas Fakayabian

^3-4 Sanya ginan, tagfon fanggalangun gbul kafag fanggalangun at taba ay at amuslun fagdua ay tagsanya fag taba, ay at masine fag afud dangdangun, laman sik fagirugun fag fanggalangun sas Yawi.

Lebitiku 3:3 ပူးပေါင်းရင်းမြစ်များ

Alubad. 119:70

Kafag ngay taw we fagsafulun ay wa gtogdungug, dewa katanya au, guseganan ktua gfaning am faugali.

Nu Galin 29:13

Ay sanya ginan, buli kafag baka at taba tagsisad ungdan, ay tagbia fag afud dangdangun, ay at amuslun fagdua ay anggan at taba, ay irugi sas fagirugan.

Nu Galin 29:22

“Ay sanya ginan, buli tupa at taba, ay taba tagsit iug, ay fagayu taba sad basad ungdan, ay at masine fag afud dangdangun ay amuslun fagdua, anggan tagsanya fag taba, ay at siun fag balangbang. Kata kanya ay fanggalangun nu gfatigwanan sa angku sik tagfon fanggalangun.

Fangatulun 23:26

Ku sisian, dungugani ku foyungan ay faningi tua ku ngay ugali,

Isayas 6:10

Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Esekyel 36:26

Namon kban sa ayu at bagu fag amatanganan ay at bagu fag falad. Ay ay ngay fakamaboun ban nantubus kwan at mafamaning.

Esekyel 44:15

“ ‘Dewa katanya, e ngay tagfon fanggalangun yay fag ngay taw Lebi tagsiginans Saduk at kasugfunanan tagfataglayun tua gfakamulun at matuyan si ku bale, gina ngay taw Israel nafamabo angku. Kanya fag ngay tagfon fanggalangun at masine gfataglayun gfakamulun sa angku laman at namon sa angku ngay fanggalangun fag taba ay taguk. Au, Fun Dius Yawi taglong tuy.

Lebitiku 1:12

Ay kanya nu naramyuk wan at fanggalangun, ngay tagfon fanggalangun gfoli kafag ngay yamas sas tungud fagirugan, gasfuan kafag fanggalangun at alfuyu ay at taba.

Lebitiku 1:8

Kanya yangay fagayu tagfoli ngay yamas sas tungud famaygang anggan at fanggalangun at alfuyu ay at taba.

Lebitiku 16:25

Ay kanya girug at fanggalangun at ngay taba sas fagirugan laman sik famalyam asalanan fag fanggalangun.

Lebitiku 3:16

Ay arodi, tagfon fanggalangun nangirug sas fagirugan fagayu at nabul laman sik famonun fag fanggalangun. Ay kafag fanggalangun sik mabebanglu sas Yawi. Foni sas Yawi fagayu taba.

Lebitiku 3:2

Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan.

Lebitiku 4:10

Katanya yangay at fakamulun sas fanggalangun fag fagbaugun laman sas nasadian. Sanya ginan, kafag tagfon fanggalangun nangirug kafag ngay taba sas fagirugan ngay fanggalangun.

Lebitiku 7:30

Ay kanya wan fag taw at namuba sas fagirugan at nafasaman fag fanggalangun laman sas Yawi. Kanya gbuba yangay at fanggalangun at taba ay at dubdub sas fagirugan, ay gfabat kafag mangilafang at dubdub sis Yawi at daga salubangan, laman gfon at nafasaman fag fanggalangun.

Lebitiku 7:5

Kanya fagayu girug kafag ngay fanggalangun laman sik fanggalangun sas Yawi. Kanya famalyam asalanan fag fanggalangun.

Lebitiku 9:10

Sanya ginan, Arun nairug sas fagirugan kafag fanggalangun at taba, ngay amuslun, ay dangdangun, kata Yawi at suguan sas Muisis.

Mateu 13:16

Dewa katanya, am, mauseganan tuam, aroro glag tuam ay gdungug.

Mateu 15:8

‘Tuy fag ngay taw, nu gseg angku si way lang at aringang, dewa katanya at amatanganan ngayayu way siginan angku.

Ruma 5:5

Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.

Ruma 6:6

Saful watam te, tam dan fag ugali anrabing wan sas fasulungan kayu gasfuan tam Fun Isus, laman tam dan fag ugali kamin wan, ay laman wa tam gafagsuguanan ya sas asalanan.

Deuterunumyu 30:6

Ay sanya ginan ban ay Dius Yawi gfabali ay ngay amatanganan ay anggan ay ngay kasugfunanan at ngay amatanganan, laman ban kesug tuam fia anya, ay ngaduge tua ban nu gleleg am.

1 Samwel 2:15

Ay gina nangirug taba, at fagsuguan nangakbang sa tagirug ay glong te, “Foni sas tagfon fanggalangun yamas laman at sinugba. Aroro wa kaylat at maseudan, at fakaylatun at yud way antama.”