Lebitiku 3:2 - Fanawbuid tagsibaliwas Fakayabian

² Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan.

Lebitiku 3:2 ပူးပေါင်းရင်းမြစ်များ

Nu Galin 29:10

“Tabanani riangan baka tama sis salubangan Dius at bale ay Arun talamean namasa kafag baka at tungud alfuyu at ngay daluap.

Nu Galin 29:11

Sanya ginan, filasi kanya fag baka sis Yawi at daga salubangan, sat sakbawan bale.

Nu Galin 29:15

“Sanya ginan, buli sik tama tupa ay Arun talamean namasas tupa at tungud alfuyu at ngay daluap.

Nu Galin 29:16

Ay filasi kafag tupa, ay faramsigi at taguk sas fagirugan at ligung.

Nu Galin 29:19

“Ay sanya ginan, namul yap o gayvd sik tupa, ay Arun talamean namasas tupa at tungud alfuyu at ngay daluap.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Lebitiku 1:11

Ay kanya namilas at fanggalangun sas wala baliwa fag day fagirugan fanggalangun, sas Yawi at daga salubangan. Sanya ginan, Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung.

Lebitiku 17:3

“Nusnga sinu si ayu nu girug at fanggalangun fag ngay fagbaugun nu sa way tibak furuan,

Lebitiku 17:4

nu dway sis Yawi at bale, kanya kata sik takamabul fag taw, nu katanya, tuyani anya te, bunwa ya ay kaiban. Nasugu tuy fag faugali laman nu gfon am ay fanggalangun, sis Yawi tua at aturunan sakbawan bale ay wam sa tibak furuan. Foni sa sangay tagfon fanggalangun ay fanggalangun laman sas fagmanabayanun, laman kanya namon sas Yawi.

Lebitiku 3:3

Sanya ginan, tagfon fanggalangun gbul kafag fanggalangun at taba ay at amuslun fagdua ay tagsanya fag taba, ay at masine fag afud dangdangun, laman sik fagirugun fag fanggalangun sas Yawi.

Lebitiku 3:8

masine kanya nu gfoli at daluap sat fanggalangun fag tupa at tungud alfuyu ay nu gfabul sis salubangan Yawi at bale. Ay Arun at kasugfunanan fag tagfon fanggalangun gfaramsig kafag fanggalangun at taguk sas fagirugan at ligung.

Lebitiku 8:22

Sanya ginan, Muisis nadog yay nasugu te, “Tabanani sa anya sadi yak tama tupa laman sik fanggalangun sa nu gfadante.” Ay Arun talamean nadog yay nafoli at ngay daluap sa kafag fanggalangun at tungud alfuyu.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Tap 18:17

Dewa katanya, lag gfabayad ya taguna kasalug fag baka, tupa ay kambing aroro kanya fagayu ku fagagbilugun wan. Filasi kafag ngay fagbaugun ay faramsigi at taguk sas fagirugan ay irugi at ngay taba. Ay kafag ngay fanggalangun at ayuk at mabebanglu sik famauseganan angku.

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.