Lebitiku 3:1 - Fanawbuid tagsibaliwas Fakayabian

¹ “Sik taw at fanggalangun nu sik baka laman sas nasadian sis Yawi at daga salubangan, at masine nu sik baka at yud e malong.

Lebitiku 3:1 ပူးပေါင်းရင်းမြစ်များ

1 Krunika 21:26

Sanya ginan, Dabid nawat sanya sik fagirugan fanggalangun laman sas Yawi, ay kanya nafon at fagirugun fag ngay fanggalangun, ay at ngay fanggalangun laman sas fagmanabayanun. Ay Yawi nabalus anya siginan nu gfadasug afuy siginans banwa laman tagirug ngay fanggalangun sis fagirugan.

Nu Galin 20:24

“Nangawat am sik fagirugan fanggalangun mawatan siginans lutuk laman sa angku, ay stie ban nu nangirug am ay ngay fanggalangun fag ngay tupa, kambing ay ay ngay baka laman ay fagirugun fag fanggalangun, ay fanggalangun laman sas fagmanabayanun. Namakamulun am tuy sa ku nafili fag buknga ay fagnansegan sa angku, ay nanlag au ayu sanya, ay namon au sa ayu nusnge wain.

Nu Galin 24:5

Ay sanya ginan, Muisis nasugu ngay baguama te, “Namon am sas Yawi fagirugun fag ngay fanggalangun ay namon yangay am ngay tama baka laman sik ngay fanggalangun laman sas fagmanabayanun sas Yawi.”

Nu Galin 29:28

Katatuy ban gugat ngay taw Israel nu gfon sas Arun talamean. Kanya siginans taw Israel at ngay fanggalangun sik afud laman sas nasadian sa angku.

Fangatulun 7:14

“Nafafasludan kwan ku fatuyanan nu namon au fanggalangun, ay si ku bale, ngayu at yamas, ku fanggalangun at nagsawadan.

Esekyel 43:27

Ay siginans fawaluk menit, ngay tagfon fanggalangun namon wan ay fagirugun fag ngay fanggalangun ay ngay fanggalangun laman sas fagmanabayanun. Sanya ginan kaylat kwa ayu. Au, Fun Dius Yawi taglong tuy.”

Esekyel 45:15

Ay tupa nu duak sandan, foni at sadi. Kanya fagayu ay fanggalangun fag ngay gutluan ay fagirugun fag fanggalangun, ay ay fanggalangun laman sas fagmanabayanun ay laman famalyam ay ngay asalanan. Au, Fun Dius Yawi taglong tuy.

Lebitiku 1:10

“Ay sik taw at fanggalangun nu sik tupa way ay mannga sik kambing, fasik tamai at yud e malong.

Lebitiku 1:3

“Sik taw at fagirugun fag fanggalangun nu sik baka, masine nu sik tama, ay at yud e malong, ay tabanani sas aturunan Yawi at sakbawan bale, laman Yawi gfasine kanya fag taw.

Lebitiku 3:6

“Ay at fanggalangun nu sik tupa ay mannga sik kambing, masine way dewa sik tama ay sik tina at yud e malong, kanya at fanggalangun laman sas fagmanabayanun.

Lebitiku 9:18

Ay Arun nafabul yangay sik tama baka ay sik tama tupa ngay taw at fanggalangun laman sas fagmanabayanun. Ay at ngay baguama nabuba sa anya kafag ngay fanggalangun at taguk, ay kanya nafaramsig sas fagirugan at ligung.

Lebitiku 9:4

Bubai yangay sik tama baka ay sik riangan tupa, laman sik fanggalangun laman sas fagmanabayanun. Kanya gfon kafag ngay fagbaugun gasfuan sik rawvg at mafasuglatan langis, aroro katsi fag menit Yawi nafasure sa ayu at fagmasineun.’ ”

Amus 5:22

Nu katanya, dewa am namuba sa angku ay fagirugun fag ngay fanggalangun ay gutluan fag fanggalangun, ay ay nafataglu fag fagbaugun, kwa kaylat.

Malakyas 1:14

Gfauri au tagsi ayu fag ngay takamuag tagfatuyanan te, nangirug at masine fag ngay fagbaugun, ay aroro mangaro, at fanggalangun at ke malong way. Gfaurianan au takatanya fag taw, aroro au wan at mabalyanan fag Fun ngay talun at fakalimuun. Au, Yawi at Mabalyanan, taglong tuy.”

Malakyas 1:8

“Ay fanggalangun sa angku ngay fagbaugun way at yud glag, ay tagalbi ay at ke fakasaitun. Takatanya fagayu masuya way! Ay agvd, namon am takatanya fag ngay fanggalangun sa ay fun, o guseganan ro?”

Tap 15:8

“Ay nusnga sinu tagfon sik riangan baka laman sik fanggalangun fagirugun ay mannga sik fanggalangun tagfafasludan sik fatuyanan ay mannga sik fanggalangun laman sas fagmanabayanun,

Tap 6:14

sanya nu namon sas Yawi at yud e kalong fag ngay fagbaugun: sik tupa tama tagsik banwa laman sik fagirugun fag fanggalangun, sik tupa tina tagsik banwa yangay laman fanggalangun famalyam asalanan, ay sik tama tupa laman at fanggalangun laman sas fagmanabayanun.

Deuterunumyu 12:27

Ay foni yangay ban ay fagirugun fag fanggalangun sa ay Dius Yawi, anggan at ngay taguk ay at yamas. Ay ugwagi way ban sas ligung fagirugan fanggalangun at taguk laman sa ay Dius Yawi, dewa katanya, masine wayam kon at yamas.

Kulusas 1:20

ay Dius at fakaylatun fagayu at awatan umsadi sa anya siginan at Baguama. Ay siginan at Baguama at taguk at kinbusbus sis fasulungan kayu anke fagmanabayanun, laman fagayu at awatan tagsis banwa ay tagsis daga umsadi sas Dius.

Ebreu 10:22

Nu katanya, masinei tua tam amatanganan nu kakbang tam sas Dius aroro tam ngay basad ansine wan, ay tam ngay bilug anfegus wan, kata nu nfegus tam sat malyo fag mamam.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

Tagfangguna 20:26

Nu katanya, ngay taw Israel gdog yay naundaud sas Betel ay gfainfanyuan sis Yawi at daga salubangan. Kanya fagayu wa gfangon laman gdarangin yakmay anyabi ay gfon at fagirugun fag ngay fanggalangun ay ngay fanggalangun sas Dius laman sas nasadian.

Tagfangguna 21:4

Balabag di, kanya fagayu nawat sik fagirugan ay nairug fagirugun fag ngay fanggalangun ay anggan ngay fanggalangun laman sas fagmanabayanun.