Lebitiku 27:30 - Fanawbuid tagsibaliwas Fakayabian

³⁰ “Yawi wan tagagbilug fagayu gutluan taguna.

Lebitiku 27:30 ပူးပေါင်းရင်းမြစ်များ

Fakasigadan 28:22

Tuy fag gang ku nafalindug laman sik famamatang te, ste am bale. Ay gfon kban emu at fasafuluk afud nusnge wain fagayu am fon angku.”

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Nemyas 13:12

Ay fagayu tagbanwan sis Uda gdog yay nabuba at fasafuluk afud at trigu, ay at bagu fag fanlangu, ay langis sas bale fagfungsuan.

Lukas 18:12

Kayu linggu duak menit nu yud au gfangon laman gdarangin. Ay gafud ktua fagayu ku nabul, ay gfon ktua sa emu ku fasafuluk afud.’

2 Krunika 31:12

Ay ngay taw nabuba sanya at ngay fanggalangun, at ngay fasafuluk afud, at fanggalangun sas Yawi. Ay nafatigwanan sas Kunanya, sik taw Lebi, kanya fag ngay fanggalangun ay fag ngay fasafuluk afud, ay at faduksay Simei nagubuk anya.

Fakasigadan 14:20

Segi Tiba Tungud fag Dius, at nafababo emu sa am ngay fawayan.” Ay Abram nafon sas Melkisedek at fasafuluk afud at nabul siginan at ngay fawayan.

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Nemyas 13:5

ay Tubya nafon anya sik suluk daul sis Dius at bale. Ebi kafag suluk fagsuadan famonun fag ngay fakonun, famaebebanglu, ngay fagagbilugun sis Dius at bale, ay tiba yak famonun sa sangay tagfon fanggalangun, ngay fasafuluk afud trigu, at bagu fag fanlangu, ay langis, kata at faugali laman sa sangay taw Lebi, sa sangay tagalubad, ay sa sangay tagulit sakbawan.

Nemyas 12:44

Ginanya fag menit, nafili sik ngay mangama tagalaga bale fagfungsuan ngay famonun, taguna fag gutluan, ay at fasafuluk afud. Kanya fagayu at namaful famonun siginan ngay furuan at ligung fag ngay gamasun laman sa sangay tagfon fanggalangun ay sa sangay taw Lebi, gfaning at Faugali. Aroro ngay taw Uda guseganan ngay tagfon fanggalangun ay taw Lebi at ngay fakamulun.

Lebitiku 27:29

Ay nu sik taw at fanggalangun sas Yawi, lag gbayad anya. Fabuli wan.

Lebitiku 27:31

Ay sik taw nu kaylat way gbayad at fanggalangun fag gutluan taguna, kanya masine nu gbayad nu seyu kanya fag fanggalangun nu kabayad, ay kanya gfamut yay duak safuluk afud.

Deuterunumyu 18:8

Kanya e fagmafabulun yangay at ekwan siginan sa sangay fanggalangun dewa yay e fagmabulun siginan at iba laman at famul at ngay fagayudanun.

Deuterunumyu 26:12

Galay fatuluk banwa, foni sa sangay taw Lebi ay fasafuluk afud siginan ay gutluan, ay sa ay ngay betaw tagbanwan si ay talun, ay sat ngay yud e fagtainan ya, ay sa sangay fagbubayun, laman kanya fagayu ngayu yangay at fakonun.

Fakasigadan 47:24

Ay nu nagutlu ban am, foni sas Igiptu at fun kayu falimak afud. Ay nu seyu at sawad, kanya ayu, laman e fananum tuam ay e fakonun ay mesa talananan.”

Fakasigadan 47:26

Nu katanya, Use nafakamulun sis talun Igiptu at faugali te, galay falimak afud ay gutluan foni sas Igiptu at fun. Ngay taw Igiptu gfaning yay gugat kafag faugali dasug katsi. Ngay tagfon fanggalangun way lang at daga Igiptu at fun at nayud nagbilug.