Lebitiku 27:3 - Fanawbuid tagsibaliwas Fakayabian

^3-7 at famayad nu sik salapi, kafag salapi at kayuan kata ngay tagfon fanggalangun nu gfabudbungguan salapi: siginan sik magdanun sitsigons ufatk banwa, nu sik mangama: limak sanbung salapi, nu sik mangena: tuluk sanbung salapi; siginan limak banwa sitsigons labi siamk banwa, nu sik mangama: duak safuluk sanbung salapi, nu sik mangena: safuluk sanbung salapi; siginans duak safuluk banwa sitsigons limak safulu e siamk banwa, nu sik mangama: limak safuluk sanbung salapi, nu sik mangena: tuluk safuluk sanbung salapi; siginans unumk safuluk banwa sat tungud baliwa, nu sik mangama: labi limak sanbung salapi, nu sik mangena: safuluk sanbung salapi.

Lebitiku 27:3 ပူးပေါင်းရင်းမြစ်များ

2 Fun 12:4

Uas nalong sa sangay tagfon fanggalangun te, “Fafuli ngay taw at fanggalangun fag ngay salapi at nabuba sas Yawi at bale. Kafag ngay salapi at nafaful siginan sa ngay taw at famayad gina gtap anya fagayu, ay at famayad laman sat fatuyanan, ay at ngay fanggalangun.

Nu Galin 30:13

Galay sik taw at kintap at famayad sik lifung salapi, kayu sik tagfon fanggalangun at salapi. Kanya at fanggalangun sa angku.

Nu Galin 38:24

Ngay taw nafon at ngay fanggalangun laman fangawat Yawi at Bale, sadik libuk fabudbungguan gintu kata tagsis tagfon fanggalangun at famabudbungguan.

Lebitiku 27:14

“Ay sik taw at fanggalangun sas Yawi nu sik bale, tagfon fanggalangun nanlingaman yay kafag bale te, o mogat yay ay mannga duan ya, ay kanya fag tagfon fanggalangun glong nu sefanud kanya fag fanggalangun nu kabayad.

Lebitiku 27:25

“Famayad ngay fanggalangun laman sas Yawi, kabyat ngay salapi tagsi sangay tagfon fanggalangun at famabudbungguan.

Lebitiku 5:15

“Sik taw nu nafamabo way Yawi at suguan, siginan nu yud gfon nusnga setaw fag fanggalangun, dewa yud at algan, kanya masine nu gfon sik tupa riangan yud e malong laman at fanggalangun famalyam at asalanan. Ay kanya masine yangay gfon salapi kabyat famayad kafag tupa ay gsud si sangay tagfon fanggalangun at fabudbungguan nu gfabudbungguan. Kanya famalyam asalanan fag fanggalangun.

Lebitiku 6:6

Kanya foni yap fia sa tagfon fanggalangun sik riangan tupa at yud e malong, laman at fanggalangun sas Yawi, famalyam at asalanan; ay mannga foni salapi nu sefanud famalyam asalanan fag fanggalangun nu kabayad.

Tap 18:16

Faebayadi anya fagayu nu sik magdanun wan ay bayadi anya limak sanbung salapi, kata ngay tagfon fanggalangun nu gfabudbungguan sanbung salapi.

Tap 3:47

Galay sik mangama nu kabayad limak salapi kabyat ngay tagfon fanggalangun nu gfabudbungguan sanbung salapi.