Lebitiku 26:3 - Fanawbuid tagsibaliwas Fakayabian

³ “Ay nu gfaning tua ban am fagayu ku ngay suguan ay ku ngay faugali,

Lebitiku 26:3 ပူးပေါင်းရင်းမြစ်များ

Nemyas 1:9

Dewa katanya, nu kafoli tuam sa angku ay namafasludan ku ngay suguan, dewa ban am nasaruayan sa tangayayu fag ngay talun, namaful kyay ban fia ayu sa ku nafili fag talun, laman namauseganan am angku.’

Nu Galin 23:25

Nanseg am angku, ay Dius Yawi, ay namon au ayu tangayu fag fakonun, ay mamam, ay namafia au ayu,

Isayas 1:19

Nu gfaning tua ban am angku, gfon kban ayu ngayuk gutluan siginan ay daga, laman ay fakonun.

Isayas 30:23

Yawi ban gfarak gina sis fantanuman fag buknga, ay umkayu ban ay tanum at rawvg. Ay fagayu ay ngay fagbaugun nu gfangonan sat tagbia fag fagnamafangonan.

Eremyas 11:4

Katatuy em nasadian: gina au gfaduksun ay ngay mangaguyang siginans talun Igiptu takata sik faygangan daul at mafatinas sanbung, nalong au sa anya fagayu te, ‘Faningi ku ngay suguan, aroro nu gfaning tua ban am angku ay ku ngay suguan, am waban ku ngay taw, ay au ay Dius.

Lebitiku 19:25

Ay si bans falimak banwa, masine wam kon ay ngay tanum at rawvg. Ay nu nafaning tua ban am takatatuy fag ngay faugali, ngayu tua ban ay ngay fananumun at rawvg. Au wan ay Dius Yawi.

Sakaryas 8:12

Manabayan tua ban nu gfananumun am, ay grawvg tua ban ay ngay wat ubas, ay ngayu tua ban ay gutluan ay e damug tua ban siginans kiwang. Namon kban takatanya sa ayu, am at kinsawad, laman ay fagagbilugun.

Malakyas 3:10

Dewa katanya, katsi glong au ayu te, faskudi angku. Bubai fagayu ay fasafulu ay suadi sas fagfungsuan si ku bale laman e fakonun sanya. Nu nafakamulun tua ban am takatanya, gluang kban banwa at fagbanawanan laman gfadasug au sa ayu ngayuk famonun, ay wa ban sak ya sa ay ngay fagfungsuan.

Deuterunumyu 7:12

Nung tua ban am gfafasludan ay gfaning masine ngay suguan, ay Dius Yawi gfafasludan ban at nasadian te, kesug ban ayu kata at nafatuyanan sa ay ngay mangaguyang.

At Nafasure 22:14

“Mauseganan tagbakbak gugat at ngay lanbung, aroro gfasakbo ban anya sas furuan daul ay nangon tagfon leleg fag fun kayu at rawvg.