Lebitiku 22:4 - Fanawbuid tagsibaliwas Fakayabian

^4-7 “Nusnga sinu si ayu wa masine kon sik fanggalangun kanya nu e bangbang way, ay at yud kafaragang nu gtifus ay at nated nusnge wain at masuya aroro natayuk sa sik mabulan, ay at naduksun at famafafion, ay at nated at mabulan fag fagbaugun ay natuyan te, masuya. Ay kanya nu naigus tua, masine way kon ngay fanggalangun. Dewa katanya, kanya gfanya yay menit nu kafalyu, laman manangon ngay tagfon fanggalangun at afud fag ngay fanggalangun.

Lebitiku 22:4 ပူးပေါင်းရင်းမြစ်များ

Lebitiku 11:39

Sik fagbaugun at natuyan te, masine, nu nbul way, nusnga sinu fag taw at nated kafag fagbaugun, tuyani anya te, masuya wan yakmay menit anfalyu.

Lebitiku 15:17

Ay sik lanbung nu nantingan way mangama at famatabu, masine nu gbakbak kanya fag lanbung, ay tuyani yangay kafag lanbung te, masuya yakmay menit anfalyu.

Lebitiku 2:10

Ay kafag fanggalangun at sawad mafalganan laman sas Arun ay sat ngay kasugfunanan aroro kanya at mafilian fag afud fanggalangun laman sas Yawi.

Lebitiku 2:3

Ay kafag fanggalangun at sawad mafalganan laman sas Arun ay sat ngay kasugfunanan aroro kafag afud fanggalangun mafilian laman sas Yawi.

Lebitiku 21:1

Yawi nasugu Muisis laman nanlong sas Arun at kasugfunanan fag ngay tagfon fanggalangun te, “Lag gfauri ay sadili siginan nu kakbang am ay gted sik taw at mabulan,

Agay 2:13

Ay Agay nainto te, “O sik taw at masuya aroro nated sik taw at kinbul ay kanya nu natayuk kafag ngay fakonun, o kanya ro fag ngay fakonun masuya yangay?” Ay kafag ngay tagfon fanggalangun gbalus te, “Sabv.”

Tap 18:19

Gfon au sa ayu ngay taw Israel at nafabat fag ngay fanggalangun laman sa angku. Kanya wan am ay am ngay kaiban at ngay afud kabavn ban. Katatuy ku nasadian sa emu ay sam ngay kaiban, ay di ginbalian kabavn ban.”

Tap 18:9

E afud am siginans ngay fanggalangun yud nairug, ngay taw at fanggalangun sa angku laman sik yud e malong fag fanggalangun. Gasfuan yangay ngay fanggalangun nu gfauseganan angku, fanggalangun sat nafian, ay fanggalangun famalyam asalanan. Tuy wan fagayu am ngay afud.

Tap 19:20

Dewa katanya, at masuya fag taw nu dway kaylat gfafasine at sadili, lag am gtap ya anya te, ay kaiban, aroro kanya nafauri ku bale. Ay kanya masuya wan aroro wa nafaramsig sa anya famasine fag mamam.