Lebitiku 22:2 - Fanawbuid tagsibaliwas Fakayabian

² laman nanlong sas Arun talamean te, “Lag gfae fakaplaun ku ngayan. Aylati fia ngay taw Israel at ngay fanggalangun laman sa angku. Au Yawi.

Lebitiku 22:2 ပူးပေါင်းရင်းမြစ်များ

Esra 8:28

“Ay nalong au sa sangay tagfon fanggalangun te, ‘Am ay kanya fag ngay fagagbilugun mafasamanan am laman sas Yawi. Ngay salapi ay ngay gintu sik nafalganan fia fag fanggalangun laman sas Yawi, tam ngay mangaguyang at Dius.

Nu Galin 13:12

fatigwanani sas Yawi fagayu ay baguama tiba kaka ay fagayu fagbaugun taguna at riangan, aroro kanya Yawi at fagagbilugun.

Nu Galin 28:38

laman kalag tua gugat sit dangasan, ay gfalag te, kanya gbuba nusnge wain taw Israel at ngay asalanan gina gfon sas Yawi. Kanya fag fagrirukan fasii way gugat sArun at dangasan laman Yawi kaylat tua ngay taw.

Isayas 52:11

Duksuni wan siginans Babilunya ay lag am gted nusnge wain at masuya. Duksuni wan fagayu am tagbuba ngay fagagbilugun tagsis Yawi at bale, ay masinei tua.

Esekyel 44:8

Abat ngate am gfakamulun ay fanamakamulunun laman gseg am angku, nafatigwanan wayam ay fakamulun sa tibak taw.

Lebitiku 15:31

Yawi nalong sas Muisis ay sas Arun te, “Foyungi sa sangay taw Israel nu setain nu gsaruy nusnge wain tagfasuya anya fagayu, laman kanya fagayu di kabul gina nangakbang sas bale ramit sis wabilug fagmafulan.”

Lebitiku 18:21

“Lag gfon am sisian laman am fanggalangun sas Mulek fag fagsegan, aroro takatanya sik maksvn fag fakaplaun sa angku am Dius. Au Yawi.

Lebitiku 19:12

“Lag gfatuyanan at yud matuyan sa ku ngayan, aroro takatanya gfauri wayam ku ngayan. Au Yawi.

Lebitiku 20:3

Kadotama au anya ay lag gtuyan ya anya te, ay kaiban, aroro kanya nafon at sisian sas Mulek fag fagsegan laman at fanggalangun, kanya nafasik masuya ku bale nu inda nu gseg am angku ay kanya wa nasuyu ku ngayan yud e malong. Nu dway am nasalag ya takatanya fag taw,

Lebitiku 21:6

Fatigwanani wan ay sadili sa angku ay Dius, ay lag gfae fakaplaun ku ngayan. Fakamuluni ban gugat takatanya aroro am wan tagirug ngay fanggalangun laman ku fakonun.

Lebitiku 22:1

Yawi nasugu Muisis

Lebitiku 22:32

Suyui tua ku ngayan, ay asafuli te, kdi e malong. Au Yawi at nafili ayu laman sa angku.

Tap 18:32

Diam gasalanan nu kon am takatanya, nu nafon tuam taguna tiba tungud fag afud laman sas Yawi. Fatuyani te, diam gfauri ngay fanggalangun yud e malong siginans taw Israel at ngay fanggalangun, siginan nu kon am ay ngay afud, ay deyud am nafon sik afud sa angku, laman diam kabul.”

Deuterunumyu 15:19

Fasamani ay ngay fagbaugun at riangan taguna laman sa ay Dius Yawi. Lag am gfaali ay daga sa ay ngay baka at riangan taguna, ay lag am gufo ay ngay tupa at riangan taguna.