Lebitiku 20:3 - Fanawbuid tagsibaliwas Fakayabian

^3-4 Kadotama au anya ay lag gtuyan ya anya te, ay kaiban, aroro kanya nafon at sisian sas Mulek fag fagsegan laman at fanggalangun, kanya nafasik masuya ku bale nu inda nu gseg am angku ay kanya wa nasuyu ku ngayan yud e malong. Nu dway am nasalag ya takatanya fag taw,

Lebitiku 20:3 ပူးပေါင်းရင်းမြစ်များ

Nu Galin 30:33

Nusnga sinu at nagbilug tuy fag langis at mabebanglu, ay at nararus sat yud tagfon fanggalangun, aiyani wan anya siginan at ngay kaiban.”

Esekyel 20:39

Fun Dius Yawi gdog yay nalong sa sangay taw Israel te, “Nu dway am kaylat gfaning angku, fataglayuni wan nu gfaning am ay ngay fagsegan. Dewa katanya, kadasug ban tibak menit wa ban am mafauri ya ku ngayan siginan nu gfon am ay fanggalangun sa ay ngay fagsegan.

Esekyel 5:11

Au, Fun Dius Yawi, gfatuyanan au te, kafanud nu gleleg au, namamin kban ayu, ay kwa ban kafanyu ya ayu, aroro nafasuya am ku bale siginan nu gseg am at yud matuyan fag ngay fagsegan ay siginan nu gfakamulun am nusnga setaw fag ngay fakamulun at maksvn nu mauri.

Lebitiku 15:31

Yawi nalong sas Muisis ay sas Arun te, “Foyungi sa sangay taw Israel nu setain nu gsaruy nusnge wain tagfasuya anya fagayu, laman kanya fagayu di kabul gina nangakbang sas bale ramit sis wabilug fagmafulan.”

Lebitiku 17:10

“Nusnga sinu si ayu at naon taguk, tuyani anya te, Yawi at fawayan ay tuyani yangay te, bunwa ya ay kaiban.

Lebitiku 18:21

“Lag gfon am sisian laman am fanggalangun sas Mulek fag fagsegan, aroro takatanya sik maksvn fag fakaplaun sa angku am Dius. Au Yawi.

Lebitiku 19:12

“Lag gfatuyanan at yud matuyan sa ku ngayan, aroro takatanya gfauri wayam ku ngayan. Au Yawi.

Lebitiku 21:6

Fatigwanani wan ay sadili sa angku ay Dius, ay lag gfae fakaplaun ku ngayan. Fakamuluni ban gugat takatanya aroro am wan tagirug ngay fanggalangun laman ku fakonun.

Lebitiku 7:20

Dewa katanya, nusnga sinu fag taw at natuyan te, at masuya, ay naon kafag fanggalangun, lag am gtuyan ya te, ay gaban.

Lebitiku 7:21

Nusnga sinu fag taw at nated nusnge wain at masuya, kata taw at kek, fagbaugun at kek, ay tiba yak masuya, ay arodi kanya naon way ngay yamas laman fanggalangun sas Yawi, tuyani anya te, bunwa ya ay gaban.

Tap 19:13

Ay nusnga sinu fag taw at nated at mabulan ay nu dway nafasine at sadili, kanya nafauri yangay Yawi at bale ramit. Ay lag am gtap ya anya te, ay kaiban, aroro kanya ansik mauri wan, siginan nu yud nafaramsig sa anya famasine fag mamam.

Tap 19:20

Dewa katanya, at masuya fag taw nu dway kaylat gfafasine at sadili, lag am gtap ya anya te, ay kaiban, aroro kanya nafauri ku bale. Ay kanya masuya wan aroro wa nafaramsig sa anya famasine fag mamam.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

1 Pedru 3:12

Tam Fun at fagdamaun at matuyan tua fag ngay taw, ay kanya masakit nu gdungug at ngay darangin. Dewa katanya, fagayu tagfakamulun at mauri, at fawayan way.”