Lebitiku 20:2 - Fanawbuid tagsibaliwas Fakayabian

² laman nanlong sa sangay taw Israel ay anggan sa sangay betaw tagbanwan sanya te, “Nusnga sinu si ayu at nafon at sisian laman sik fanggalangun sas Mulek fag fagsegan, ngay taw sis furuan masine nu gfana anya gang yakmay anbul.

Lebitiku 20:2 ပူးပေါင်းရင်းမြစ်များ

1 Fun 11:7

Ay Sulumun nafawat sik fagnansegan sa sik buksul sabaliwas Erusalem at fakamenitan, laman sas Kemus, taw Muab at fagsegan at maksvn nu mauri, ay laman sas Mulek, taw Amun at fagsegan at maksvn yangay nu mauri.

2 Fun 17:17

Kanya fagayu nafadotama Yawi siginan nu girug at ngay sisian laman at fanggalangun, ay nu nangakbang sa sangay taginsaful, ay nu nangasadi sa sangay kinbul at falad ay nu gfalao at ngay sadili laman mafakamulun at mauri.

2 Fun 23:10

Fun Usyas nasugu yangay laman giklas fagnansegan sis Tufet, sis datag Ben-Inum, laman we namon ya at ngay sisian laman at fanggalangun sas Mulek.

2 Krunika 28:3

Ay kanya girug gugat at ngay famaebebanglu fag lune sis datag Ben-Inum, ay girug yangay at ngay baguama laman at fanggalangun. Kanya nafaning tibak gaban taw at maksvn nu mauri, Yawi at naiyan siginan sangay taw Israel.

2 Krunika 33:6

Ay sis datag Ben-Inum, kanya nairug at ngay sisian laman at fanggalangun. Ay kanya nafakamulun kata ngay taginsaful ay tagfangufit, ay nainto sa sangay tagfakamatoan sat ngay kinbul at falad. At ngay fakamulun maksvn nu mauri, ay gfadotama Yawi.

Alubad. 106:38

Kanya fagayu nafasik masuya at talun, siginan nu gfabul at ngay sisian dewa yud e asalanan, laman at fon sa sangay taw Kanaan at ngay fagsegan.

Eremyas 32:35

Kanya fagayu nawat sik bale laman at fagnansegan Baal sis datag Ben-Inum ay sanya yangay nu namon at ngay sisian sas Mulek fag fagsegan. Kwa nasugu sa anya fagayu takatanya, ay kwa yangay e algan te, kanya fagayu gfakamulun takatanya fag fagmauriun at nafae asalanan ngay taw Uda.”

Eremyas 7:31

Ay kanya fagayu nawat sik fagirugan sis tungud buksul at nafangayan te, Tufet, tagsis datag Ben-Inum. Ay nairug sanya at ngay sisian laman at fanggalangun. Kdoma nasugu sa anya fagayu takatanya, ay kwe algan takatanya.

Esekyel 20:26

Nafabayan kwan kafag ngay taw nu gfauri at ngay sadili siginan nu gfon ngay fanggalangun sat ngay fagsegan. Ay nafabayan kyangay nu gfon at ngay baguama tiba kaka laman at fanggalangun. Nafabayan au kanya fagayu nu gfakamulun takatanya laman kanya fagayu garinun kalimu ay sumaful te, au Yawi.

Esekyel 20:31

Siginan nu gfon am ay fanggalangun sa sangay fagsegan anggan nu gfon am ay ngay sisian tiba kaka laman ay fanggalangun, nafauri am ay ngay sadili. Nu katanya, au, Fun Dius Yawi, gfatuyanan au te, kafanud nu gleleg au, kwa ban gfoyung sa ayu at matuyan fag longan, dewa am get angku.

Esekyel 23:37

Aroro duksay nafamatugtug ay nafamabul. Kanya fag dua nafamatugtug siginan nu gseg ngay fagsegan. Ay at ngay sisian at nafatigwanan sa angku gina bagu kasalug, kanya wan at fon sat ngay fagsegan laman at fakonun.

Lebitiku 17:13

“Nusnga sinu am at nagamat sik fagbaugun ay mannga sik manuk tungud at natuyan te, masine, kanya masine nu gbul at taguk ay saksaki sas lutuk,

Lebitiku 17:15

“Nusnga sinu si ayu, dewa sik taw Israel ay sik taw tagsiginans tibak talun, nu naon way at fagbaugun at kinbul, ay mannga tibak mangilafang at nafabul fag fagbaugun, kanya masine nu gbakbak at lanbung, ay gigus, ay gtuyan anya te, masuya yakmay menit anfalyu.

Lebitiku 17:8

“Am fag ngay taw Israel ay ngay taw tagsiginan tibak talun amatangi gugat te, nusnga sinu si ayu nu gfon at fanggalangun nu si way tibak furuan,

Lebitiku 18:21

“Lag gfon am sisian laman am fanggalangun sas Mulek fag fagsegan, aroro takatanya sik maksvn fag fakaplaun sa angku am Dius. Au Yawi.

Lebitiku 20:1

Yawi nasugu Muisis

Lebitiku 20:27

“Si ayu nung way e gfakamatoan sat ngay kinbul at falad, fanai anya ngay gang yakmay anbul. Sia yay ro at ke mamalong dewa nbul.”

Lebitiku 24:14

“Tabani at nafalingun angku fag taw sas day fagmafulan. Ay nusnga sinu at nadungug nu kamalingun, namoli at ngay daluap sa kafag taw at tungud alfuyu laman gfatuyan te, kanya e asalanan, ay sanya ginan ngay taw fanai anya ngay gang yakmay kanya anbul.

Lebitiku 24:23

Muisis nu nalong wan takatanya sa sangay taw Israel, ngay taw nataban kafag taw at nafalingun Dius sat day fagmafulan ay nafana anya ngay gang kata Yawi at suguan sas Muisis.

Fakamulun 7:43

Nabuba am ay fagsegan Mulek at bale, ay anggan sik galeme takata ay fagsegan Refan. Nawat am kanya fagayu laman ay fagsegan. Nu katanya, gaiyan au ayu tsiuy tua baliwas talun Babilunya.’

Deuterunumyu 12:31

Nu gfauseganan am ay Dius Yawi, dangay kata kanya fag ngay taw nu gseg at ngay fagsegan, aroro kanya fag ngay taw nu gseg, gfakamulun way nusnga setaw at mauri, Yawi at fakauriun. Kanya fagayu girug yangay at ngay sisian laman at fon sat ngay fagsegan.

Deuterunumyu 17:2

Sik mangama ay sik mangena tagbanwan sis Yawi at nafon ayu fag ngay furuan at sadi nu nalagan way nu gfakamulun at mauri sa ay Dius Yawi, kanya nafayud e masuad at nasadian sas Yawi,

Deuterunumyu 18:10

Nusdi sadi si ayu lag girug at sisian laman at fanggalangun. Ay lag yangay gfangabalo, ay lag am gfangalga, ay lag am gbalawvn,

Deuterunumyu 21:21

Sanya ginan, fagayu tagbanwan sanya fag furuan namana kanya fag baguama yakmay anbul. Falyami wan siginan ayu takatanya fag fagmauriun. Ay fagayu taw Israel dumungug takatanya ay umlimu.

Deuterunumyu 22:21

tabani kanya fag baguina sat mama at salubangan bale, ay ngay mangama namana anya yakmay anbul. Kanya fag baguina at nafakamulun mapla sa sangay taw Israel, aroro kanya kamatugtug kaduge nu si yay at fagtainan. Falyami wan siginan ayu takatanya fag fagmauriun.