Lebitiku 2:9 - Fanawbuid tagsibaliwas Fakayabian

⁹ Ay tagfon fanggalangun gbul yay kafag fanggalangun tiba ay nangirug laman famauseganan Yawi. Ay at mabebanglu fag ayuk tagsiginans fagirugan, sik mauseganan sas Yawi.

Lebitiku 2:9 ပူးပေါင်းရင်းမြစ်များ

Nu Galin 29:18

Fagayu tuy irugi sas fagirugan laman gfalag te, gfauseganan am angku. Ay guseganan au at mabebanglu fag ayuk siginan kafag fagirugun fag fanggalangun.

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Lebitiku 1:9

Ay kanya yangay fagayu tagfegus at fanggalangun fag ngay yamas ay anggan at ngay bitis. Sanya ginan, nangirug wan kafag fanggalangun, laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 2:16

Ay tagfon fanggalangun gbul tiba ay nasanglay ay ay nalubuk at mafasuglatan langis ay famaebebanglu ay nangirug laman gamatang tuam gugat Yawi. Kanya sik fagirugun fag fanggalangun laman sas Yawi.

Lebitiku 2:2

Ay kanya namuba at fanggalangun sas Arun at kasugfunanan fag ngay tagfon fanggalangun. Ay kanya fag ngay tagfon fanggalangun gbul sik galumut kafag fangawat tinapay at mafasuglatan langis ay famaebebanglu, ay nangirug sas fagirugan. Sanya ginan, ngay tagfon fanggalangun nangirug kafag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 2:8

“Takatanya fag ngay fanggalangun ay fagnamonun sa sangay tagfon fanggalangun at fagnangirugun laman sas Yawi.

Lebitiku 24:7

Ay folii at yud e suglat fag famaebebanglu sa kafag duak talad tinapay at mesa tigyangan. Kafag famaebebanglu sik fanggalangun laman gamatang tuam gugat Yawi. Kanya tua at fagnangirugun fag famaebebanglu at fanggalangun sas Yawi abat ngate kafag tinapay.

Lebitiku 4:31

Sanya ginan, kanya gbul kanya fag fagbaugun at taba, kata at nafakamulun sas fanggalangun laman at Fanggalangun sas Nasadian. Ay kanya nangirug kafag taba. Ay kafag ngay fanggalangun at ayuk at mabebanglu sik famauseganan Yawi. Ngay tagfon fanggalangun nu nafakamulun tua takatanya, Yawi gfalyam kanya fag taw at ngay asalanan.

Lebitiku 5:12

Ay kanya ro namuba at fanggalangun fag fangawat tinapay sa tagfon fanggalangun ay tagfon fanggalangun ro gbul sik galumut ay girug sas fagirugan, laman ngay taw gamatang tua gugat Yawi. Ay girug yangay sik galumut gasfuan tibak fanggalangun laman sas Yawi. Katanya famalyam asalanan fag fanggalangun.

Lebitiku 6:15

Ay tagfon fanggalangun gbul sik galumut kafag fangawat tinapay at mafasuglatan langis, ay anggan famaebebanglu at mafasuglatan fangawat tinapay, ay nangirug sas fagirugan kafag fangawat tinapay magamut at mabebanglu. Ay kafag fanggalangun at ayuk at mabebanglu sik famauseganan Yawi.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Tap 5:26

Tagfon fanggalangun namul sik galumut fanggalangun laman ginsaful kafag mangena te, o e asalanan o ay duan, ay kanya nangirug sas fagirugan. Sanya ginan, namainum sanya fag mangena mamam.

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Filipus 2:17

Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.