Lebitiku 2:3 - Fanawbuid tagsibaliwas Fakayabian

³ Ay kafag fanggalangun at sawad mafalganan laman sas Arun ay sat ngay kasugfunanan aroro kafag afud fanggalangun mafilian laman sas Yawi.

Lebitiku 2:3 ပူးပေါင်းရင်းမြစ်များ

Esra 2:63

Ay talun Uda at fun sirut nalong anya fagayu te, kanya fagayu wa masine nangon ngay fakonun at nafon sas Dius, yakmay ngay tagfon fanggalangun nainsaful sas Yawi siginans Urim ay Tumim fag fanginsaful, sabaliwa kanya fagayu nu sik tagfon fanggalangun.

Nu Galin 29:37

Namakamulun o katanya kaduge fituk menit. Ay nu katanya, fagirugan mafasamanan fia sa angku, ay at nanted tuy, mafasamanan yangay sa angku.

Esekyel 44:29

At ngay fakonun siginan wan sangay taw at gutluan fag ngay fanggalangun, at fanggalangun famalyam asalanan, ay fanggalangun famayad asalanan. Nusnge wain at nafalganan laman sa angku, kanya fagayu gagbilug wan.

Esekyel 46:20

Kafag taw nalong sa angku te, “Ste, ngay tagfon fanggalangun nu gseud ngay fanggalangun famayad asalanan, ay famalyam asalanan, ay nu gfatama at gutluan fag fanggalangun. Sanya wan kanya fagayu nu gfatama laman wa namuba ya fanggalangun sas tagbia fag basad alad laman ngay taw Israel di kafaurianan.”

Lebitiku 10:15

Sik taw Israel nu gfon way at fanggalangun, masine nu gfon at fanggalangun fag fagbaugun at dubdub ay at balangbang gasfuan at ngay taba laman sik fagirugun fag fanggalangun. Fabati sis Yawi at daga salubangan kafag fanggalangun at dubdub ay at balangbang. Kanya wan ay ekwan ay anggan sa ay ngay kasugfunanan kabavn ban, kata Yawi at suguan.”

Lebitiku 14:13

Kanya gfabul ngay tupa sis Yawi at bale at basad alad, sis fagfabulan ngay fanggalangun laman famalyam asalanan ay fagirugun fag ngay fanggalangun. Kafag fanggalangun sik mafilian fag fanggalangun, ay mafalganan laman sa sangay tagfon fanggalangun, kata sik fanggalangun famalyam asalanan.

Lebitiku 2:10

Ay kafag fanggalangun at sawad mafalganan laman sas Arun ay sat ngay kasugfunanan aroro kanya at mafilian fag afud fanggalangun laman sas Yawi.

Lebitiku 5:13

Katanya tagfon fanggalangun at fakamulun laman Yawi gfalyam kafag taw at ngay asalanan. Ay at sawad fag fangawat tinapay, kanya tagfon fanggalangun at afud, kata at nafakamulun sas famauseganan fag fanggalangun.”

Lebitiku 6:26

Nusnga sinu fag tagfon fanggalangun at nangirug kafag fanggalangun, masine nu kon yangay ay nu nangon sis Yawi at bale at basad alad.

Lebitiku 7:7

Katanya yangay at faugali sabaliwa famalyam ay famayad asalanan fag ngay fanggalangun. Ay kanya fag ngay fanggalangun at yamas ngay tagfon fanggalangun at afud.

Lebitiku 7:9

Anggan ngay fanggalangun fag ngay rawvg at nasanglay sas awali, laman famauseganan Yawi, ngay tagfon fanggalangun yangay at afud.

Tap 18:9

E afud am siginans ngay fanggalangun yud nairug, ngay taw at fanggalangun sa angku laman sik yud e malong fag fanggalangun. Gasfuan yangay ngay fanggalangun nu gfauseganan angku, fanggalangun sat nafian, ay fanggalangun famalyam asalanan. Tuy wan fagayu am ngay afud.

1 Samwel 2:28

Sas fagayu Israel at kasugfunanan, nafili au Arun laman tagfon fanggalangun tagfakamulun si ku fagirugan, laman tagfon famaebebanglu, ay tagsulun at mafilian fag lanbung laman sa sangay tagfon fanggalangun. Nafae afud kyangay sa anya fagayu siginan sangay taw Israel at ngay fanggalangun.