Lebitiku 18:2 - Fanawbuid tagsibaliwas Fakayabian

² “Longi sa sangay taw Israel te, “Au wan ay Dius Yawi.

Lebitiku 18:2 ပူးပေါင်းရင်းမြစ်များ

Fakasigadan 17:7

Ay gfafasludan kban ku nasadian sa emu ay sa am ngay kasugfunanan te, au tua ban gugat at Dius. Ay gfataglayun kban ku nasadian kabavn.

Alubad. 33:12

Mauseganan sik talun at ngay taw, at Dius nu Yawi tua. Ay mauseganan at nafili fag ngay taw aroro anya wa fia.

Nu Galin 20:2

“Au wan ay Dius Yawi at nafaduksun ayu siginans talun Igiptu nu inda nu gafagsuguanan am.

Nu Galin 6:7

Ay nafili au ayu laman ku ngay taw, ay au wan ay Dius. Ay sumaful am te, au Yawi at nafalfas ayu siginan nu gafagsuguanan am ngay taw Igiptu.

Esekyel 20:5

Longi sanya fag ngay taw te, ‘Katatuy Fun Dius Yawi at longan: Gina au gfili ngay taw Israel, Akub at kasugfunanan, nafatoglag au sa kafag ngay taw ku sadili sis talun Igiptu, ay nafatuyanan au sa anya fagayu te, “Au Yawi, kafag ngay taw at Dius.”

Esekyel 20:7

Sanya ginan, nalong au sanya fag ngay taw te, talyuyani wan ay ngay fagsegan, lag am gfasuya ay ngay sadili siginan nu gseg am talun Igiptu at ngay fagsegan, aroro au ay Yawi at mabalyanan.’

Lebitiku 18:1

Yawi nasugu sas Muisis te,

Lebitiku 18:30

Nu katanya, faningi ku suguan ayu ay lag gfakamulun kata ngay taw tagbanwan sanya at ngay fakamulun at maksvn nu mauri. Au wan ay Dius Yawi.”

Lebitiku 18:4

Faningi fia fagayu ku suguan ayu ay ku ngay faugali, aroro nusnga sinu tagfaning ngaduge tua ban nu gleleg. Au ay Dius Yawi.

Lebitiku 19:10

Ay lag yangay gfamin nu ggutlu am ay ngay tanum ubas, ay lag gfuyut ya ay ngay nafatong, kanya fagayu famatoi wan laman sa sangay taw at yud e kwa, ay sa sangay taw tagsiginan tibak talun. Au wan ay Dius Yawi.

Lebitiku 19:34

Ay tapi anya fagayu te, ay kaiban, ay esugi anya fagayu kata nu kesug am ay sadili, aroro ebi, sik ngay betaw yangay am sis talun Igiptu. Au wan ay Dius Yawi.

Lebitiku 20:23

Fagayu ban tagfakamulun takatanya fag ngay fakamulun at mauri gaiyan kwan, ay kadotama kban anya fagayu. Nu katanya, lag gfaning kanya fagayu at fakamulun.

Lebitiku 20:7

“Falganani ay sadili laman sa angku, ay dangay am e malong aroro au ay Dius Yawi.