Lebitiku 17:4 - Fanawbuid tagsibaliwas Fakayabian

^4-5 nu dway sis Yawi at bale, kanya kata sik takamabul fag taw, nu katanya, tuyani anya te, bunwa ya ay kaiban. Nasugu tuy fag faugali laman nu gfon am ay fanggalangun, sis Yawi tua at aturunan sakbawan bale ay wam sa tibak furuan. Foni sa sangay tagfon fanggalangun ay fanggalangun laman sas fagmanabayanun, laman kanya namon sas Yawi.

Lebitiku 17:4 ပူးပေါင်းရင်းမြစ်များ

Fakasigadan 17:14

Nusnga sinu fag mangama at yud kaylat gfae fakatoglagan, lag am gtuyan ya anya te, ay ibama, aroro kanya nafae yud e masuad ku nasadian.”

Alubad. 32:2

Mauseganan sik taw, Yawi nu ddi gamatang ya at ngay asalanan, ay nu ddi gfandaya ya sat amatanganan.

Nu Galin 12:15

Kaduge fituk menit, ay fakonun fag tinapay at yud yakman e famabia. Gina taguna fag menit, ukasi wan famabia tinapay tagsi ay ngay bale, aroro nusnga sinu ban at naon tinapay at ke famabia siginan taguna sitsigons fafituk menit wa katap ya te, taw Israel.

Nu Galin 12:19

Kaduge fituk menit, lag e famabia tinapay si ay ngay bale. Fagayu ban at naon tinapay at ke famabia, kanya dewa sik taw Israel ay sik betaw, kanya wa katap ya te, taw Israel.

Nu Galin 30:33

Nusnga sinu at nagbilug tuy fag langis at mabebanglu, ay at nararus sat yud tagfon fanggalangun, aiyani wan anya siginan at ngay kaiban.”

Nu Galin 30:38

Nusnga sinu at nagbilug kafag famaebebanglu laman sat sadili, tuyani anya te, bunwa kaiban ya.”

Isayas 66:3

Dewa katanya, wa ban kata kanya nu gdama au ngay taw tagfaning at sadili fakaylatun, ay taguseganan gfakamulun at maksvn fag fagmauriun. Kanya ban fagayu dewa nafilas sik baka laman at fanggalangun, gtap kway anya fagayu te, takamabul. Ay nu nanamon ban sik tupa laman at fanggalangun, gtap kway te, kata way sik idu at nafabul. Ay nu nanamon ban at gutluan fag ngay fanggalangun, at ngay fanggalangun ban kata way bumbu at taguk. Ay kanya ban fagayu nu nairug at mabebanglu fag lune, laman gamatang angku, gtuyan kway ban te, kanya fagayu gseg way ngay fagsegan.

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Lebitiku 1:3

“Sik taw at fagirugun fag fanggalangun nu sik baka, masine nu sik tama, ay at yud e malong, ay tabanani sas aturunan Yawi at sakbawan bale, laman Yawi gfasine kanya fag taw.

Lebitiku 17:10

“Nusnga sinu si ayu at naon taguk, tuyani anya te, Yawi at fawayan ay tuyani yangay te, bunwa ya ay kaiban.

Lebitiku 17:14

aroro fagayu tagleleg at leleg siginans taguk. Nu katanya, Yawi nalong sa ayu te, ‘Lag am kon taguk. Nusnga sinu at naon taguk, tuyani anya te, bunwa ya ay kaiban.’

Lebitiku 17:3

“Nusnga sinu si ayu nu girug at fanggalangun fag ngay fagbaugun nu sa way tibak furuan,

Lebitiku 17:9

ay nu dway sis Yawi at sakbawan bale, tuyani anya te, bunwa ya ay kaiban.

Lebitiku 18:29

Nusnga sinu at nafakamulun takatanya fag fakamulun at maksvn nu mauri, tuyani te, bunwa ya ay kaiban.

Lebitiku 20:18

“Sik mangama nu natugtug way sik tagfangigusan fag mangena aroro kafag mangena kaylat yangay, lag gtuyan ya anya fag dua te, ay kaiban.

Lebitiku 20:3

Kadotama au anya ay lag gtuyan ya anya te, ay kaiban, aroro kanya nafon at sisian sas Mulek fag fagsegan laman at fanggalangun, kanya nafasik masuya ku bale nu inda nu gseg am angku ay kanya wa nasuyu ku ngayan yud e malong. Nu dway am nasalag ya takatanya fag taw,

Lebitiku 3:2

Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan.

Lebitiku 7:18

Ay sik taw nu naon kafag nagsawadan gina sis fatuluk menit, wa mauseganan ya sas Yawi kafag fanggalangun, aroro umsik yud e tungkul wan ay umsik masuya. Ay nusnga sinu at naon, umfaurianan kata at nafakamulun.

Uan 10:7

Isus gdog yay glong te, “Matuyan nu glong au ayu te, au wan ngay tupa at sakbawan.

Uan 10:9

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Ruma 4:6

Katanya yangay fun Dabid at longan at masuad te, Mauseganan sik taw Dius at nafangayan te, yud e asalanan, nu bundi siginan kafag taw at fakamulun.

Ruma 5:13

Asalanan ste wa gugat swa daga siginan yay nu yud andasug Muisis at Faugali. Dewa katanya, nu dway ro e Faugali, wa ro kasaful te, e asalanan.

Ruma 5:20

Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu.

Deuterunumyu 21:8

Yawi, nafalangfe tuo am ngay taw Israel siginans talun Igiptu. Nu katanya, falyami at ngay asalanan. Lag o gfae malong emi siginan tuy fag taw at nabulan, aroro wami nasaful at nafabul anya.”