Lebitiku 17:16 - Fanawbuid tagsibaliwas Fakayabian

¹⁶ Ay kanya nu dway nabakbak at lanbung ay nu dway naigus, kanya e asalanan.”

Lebitiku 17:16 ပူးပေါင်းရင်းမြစ်များ

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Lebitiku 18:1

Yawi nasugu sas Muisis te,

Lebitiku 19:8

Nusnga sinu at naon takatanya, umke asalanan, aroro kanya nafayud e masuad at mafasamanan fag fanggalangun laman sa angku. Ay tuyani kafag taw te, bunwa ya ay kaiban.

Lebitiku 20:17

“Sik mangama nu ndadwa way sat faduksay fag mangena, nu duksay way sat mama ay mannga sat mina, kafag mangama nafae fakaplaun at faduksay, ay kanya anke malong. Kanya fag dua nafakamulun at maksvn fag fagmauriun, nu katanya, lag gtuyan ya anya fag dua te, ay kaiban.

Lebitiku 5:1

“Ay nu nafauro sik taw sas faginsafulan laman namatuyan kata at nalag at kinfasludan, ay kanya nu dway nasanya, kanya e asalanan wan.

Lebitiku 7:18

Ay sik taw nu naon kafag nagsawadan gina sis fatuluk menit, wa mauseganan ya sas Yawi kafag fanggalangun, aroro umsik yud e tungkul wan ay umsik masuya. Ay nusnga sinu at naon, umfaurianan kata at nafakamulun.

Uan 13:8

Ay Pedru glong anya te, “Kwa kaylat nu owo tagfegus ku darafa.” Isus gbalus te, “Nu dway ro au at nafegus am darafa, wo e fagmasadiun sa angku.”

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.