Lebitiku 14:4 - Fanawbuid tagsibaliwas Fakayabian

⁴ tagfon fanggalangun gsugu te, bubai sa anya duak manuk tungud at natuyan te, masine, ay sik lifung kayu sidru at sanga, ay sik fansiuk at maraska, ay sik sanga isupu.

Lebitiku 14:4 ပူးပေါင်းရင်းမြစ်များ

Alubad. 51:7

Lisgisi sa angku sik balugu laman umfegus au. Fegusi angku laman ku amatanganan umsine kata sik dingin at barugwak nu malaksi.

Nu Galin 12:22

Sanya ginan, fantingi kafag fagbaugun at taguk sas taya takarufa. Ay namul am sik sanga isupu ay fasurungi sanya fag taguk, ay rarusi say ngay mesa tungud sakbawan ay sa ay dua tigyangan sakbawan. Ay lag am gduksun siginan ay bale yakmay sbalabag.

Lebitiku 1:14

“Ay sik taw at fanggalangun sas Yawi nu sik manuk tungud, kanya nangus sik labikung, ay mannga sik udkuruan.

Lebitiku 14:5

Ay kafag tagfon fanggalangun gfabul at sadi fag manuk tungud sis tungud tikung at ke mamam siginans bubun.

Lebitiku 14:6

Sanya ginan, kanya gbul yangay at faduak manuk tungud, ay kayu sidru at sanga, ay at maraska fag fansiuk, ay sanga isupu, ay gfasurung kanya fagayu sasad mamam at ke taguk, sat nafabul fag manuk tungud at taguk.

Lebitiku 5:7

“Dewa katanya, kanya fag taw way makatu gfon sik tupa laman at fanggalangun, foni duak labikung ay mannga duak udkuruan; at sadi famalyam at asalanan ay at sadi at fagirugun fag fanggalangun.

Tap 19:18

Sanya ginan, at kinsine fag taw namul sik sanga isupu ay gfasurung sas famasine fag mamam, ay gfaramsig sas bale ramit at ke mabulan fag taw ay anggan sas fagayu fagagbilugun sanya, ay sa sangay taw at masakboan sanya. Ay gfaramsig yangay sas taw at nated sik taw at bini ay sik fagfolian ay sik taw at kinbul ay dewa sik taw at kinbul maugali.

Tap 19:6

Sanya ginan, Elyasar namul sik lifung kayu sidru, ay sik sanga isupu ay sik maraska fag fansiuk, ay gukas kanya fagayu sas fagirugun fag baka.

Ebreu 9:19

Muisis gina gfoyung Dius at longan sas fagayu taw, kanya nabul sik baka riangan at taguk ay kambing at taguk gsuglatan sik mamam, ay sik tupa sigyu maraska, ay sik balanuy, ay kanya nafaramsig sas Dius at Longan fag fafil ay sa sangay taw.