Lebitiku 10:2 - Fanawbuid tagsibaliwas Fakayabian

² Nu katanya, Yawi nafadasug sik afuy ay nairug duksay ay kanya fag dua anbul sis Yawi at daga salubangan.

Lebitiku 10:2 ပူးပေါင်းရင်းမြစ်များ

2 Samwel 6:7

Ay Yawi maksvn nu kadotama Usa ay nafabul anya aroro sat nafakamulun, ay Usa nbul sis day Fagsuadan Nasadian.

1 Fun 13:28

Sanya ginan, kanya nalao ay nalag Dius at fagsuguan nu mataygilid sisad dalan, ay at asnu ay kafag liun sit day tigyangan. Dewa katanya kanya fag liun di naon kafag taw at bilug, ay wa yangay nagat at asnu.

1 Fun 18:38

Ay ginanya yay, afuy andasug siginans banwa, ay nairug fanggalangun, famaygang, gang, ay lutuk, ay nafalanggang tagsis alian fag mamam.

2 Fun 1:10

Ay Elyas nabalus sa kafag fun tagfawayan te, “Nu Dius ktua at fagsuguan, sik afuy nangus umtong siginans banwa laman girug emu gasfuan am fadgaloan fag limak safuluk tagfawayan.” Ay tagsiginans banwa fag afuy antong, ay kanya fag tagfawayan at fun ankirug gasfuan at tagfawayan fag limak safulu.

2 Fun 1:12

Ay Elyas nabalus te, “Nu Dius ktua at fagsuguan, sik afuy nangus umtong siginans banwa laman girug emu gasfuan am fadgaloan fag limak safuluk tagfawayan.” Ay tagsiginans Dius fag afuy antong siginans banwa, ay kanya fag tagfawayan at fun ankirug gasfuan at tagfawayan fag limak safulu.

1 Krunika 13:10

Ay Yawi maksvn nu kadotama Usa aroro nated Fagsuadan Nasadian. Nu katanya, Usa anbul sis Dius at daga salubangan.

1 Krunika 15:13

Aroro ebi taguna bunwa am at nanamuba Fagsuadan Nasadian. Nu katanya, Yawi nafaurianan antam aroro wa tam nainto sa anya te, setain at masine nu namuba Fagsuadan Nasadian.”

1 Krunika 24:2

Dewa katanya, Nadab ay Abyu naguna at mama Arun anbul ay wa nke sisian, nu katanya, Elyasar ay Itamar at nafakamulun laman sik ngay tagfon fanggalangun.

Ub 1:16

Ay kaduge kafag fagsuguan garingang, sik fagsuguan andasug yangay ay glong te, “Sik limbad nairug wan am ngay tupa gasfuan ngay tagulit, ay au way lang at nalagyu laman nanlong sa emu.”

Alubad. 50:3

Dius kadasug aroro e fagnanlongun. Gina kadasug, sit fagunan sik afuy at mairug nusnge wain, ay sit ligung maksvn nu gfulug.

Nu Galin 24:1

Yawi nalong sas Muisis te, “Undaudi stae sa angku ay adgaloani Arun, Nadab, Abyu, ay anggan taw Israel at ngay fagtainan fag fituk safulu. Ay nu gseg am angku, ngayayui tua sirut.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Lebitiku 10:5

Nu katanya, duksay nanamul, dewa katanya, nu gted si way at lanbung ay nabuba sas day fagmafulan kata Muisis at suguan.

Lebitiku 16:1

Gina Arun at baguama at dua anbul gina gfon fanggalangun, Yawi nalong sas Muisis te, “Longi sa am faduksay Arun te, lag gsakbo sat Mafasamanan Fia fag Suluk sis day guyuy famalabag fag ramit, dewa snga ginain nu kaylat. Kanya ro kabul nu nasakbo way. Aroro sanya nu gfalag au ku fagmabalyananun siginan sik linyabu sis tungud fanuklub Fagsuadan Nasadian.”

Tap 16:35

Sanya ginan, Yawi nafadasug afuy, ay nafamin Kura at ufud fag duak sandan limak safuluk taw, gina girug famaebebanglu fag fanggalangun.

Tap 16:49

At kinbul labi ufatk libu fituk sandan, ya katap sanya at kinbul aroro sas Kura at asalanan.

Tap 26:61

Dewa katanya, Nadab ay Abyu anbul gina kanya fag dua nabul afuy at yud masine gina gfon fanggalangun laman sas Yawi.

Fakamulun 5:10

Ay ginanya yay Safira antaygilid ay anbul. Ay kafag ngay baguama nu ndasug, nalag te, Safira anbul wan, nu katanya, kanya fagayu nafaduksun ay nanamoli munakbang sit indugan.

Fakamulun 5:5

Ay Ananias nu nadungug, antaygilid way lang ay anbul wan. Ay fagayu taw nu nadungug at kinfasludan, maksvn nu kalimu.

1 Kurintu 10:11

At kinfasludan sa kafag ngay taw sik famasaful sa antam, ay at fagnarirukun takatanya laman sik famararang sa antam, tagleleg yay katsi fag ngay buknga taguyan.

1 Samwel 6:19

Dewa katanya, Yawi nafabul fituk safuluk taw Bet-Semes, aroro kanya fagayu nananlag Fagsuadan Nasadian at bilug. Ay ngay taw Bet-Semes maksvn nu kabalu, aroro maksvn at faurianan sa kafag fituk safuluk taw.