Lebitiku 1:9 - Fanawbuid tagsibaliwas Fakayabian

⁹ Ay kanya yangay fagayu tagfegus at fanggalangun fag ngay yamas ay anggan at ngay bitis. Sanya ginan, nangirug wan kafag fanggalangun, laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 1:9 ပူးပေါင်းရင်းမြစ်များ

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

1 Krunika 6:34

Elkana, Erukam at baguama. Ay Erukam, Elyel at baguama. Ay Elyel, Tua at baguama.

2 Krunika 4:6

Kanya nafawat yangay safuluk fagsuadan laman fagfegusan ngay fagagbilugun laman sas fagirugun fag ngay fanggalangun. At lima nafatungkud sibaliwas fasiunan ay at lima sibaliwas fawalan. Dewa katanya, fagfegusan at nafangayan te, Dagat, kanya ngay tagfon fanggalangun at fagfegusan.

Alubad. 51:6

Am fakaylatun sa angku sik matuyan fag amatanganan, nu katanya, fae fagsafuluni angku.

Alubad. 66:15

Ay namon au sa emu at mataglu fag ngay fagbaugun, laman sik fagirugun fag ngay fanggalangun; kata ngay tupa, ngay baka tama, ay ngay kambing.

Nu Galin 12:9

Lag am kon ay filasan at yud antama ay nu maseudan way. Abat ngate, sugbai wa daul mabilug, anggan at alfuyu ay at ngay si ay tagsisad basad.

Nu Galin 29:18

Fagayu tuy irugi sas fagirugan laman gfalag te, gfauseganan am angku. Ay guseganan au at mabebanglu fag ayuk siginan kafag fagirugun fag fanggalangun.

Nu Galin 29:25

Buli tuy siginans talamean ay irugi sas fagirugan gfasfuan at fagirugun fag fanggalangun. Ay at mabebanglu fag ayuk tagsiginan sad afuy gfauseganan angku.

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Esekyel 20:28

Aroro gina au natabanan kafag ngay taw sa ku nafatuyanan fag daga, kanya fagayu nafon at ngay fanggalangun: ngay famaebebanglu fag lune ay ngay fanginum, si tangabat fag buksul ay sis daga fun kayu at marabung. Nu katanya, andotama au anya fagayu.

Esekyel 20:41

Gina kban nafaful ayu siginan ay mesa fagbanwanan fag ngay talun, kaylat kwa ban ayu kata nu kaylat au gayuk at mabebanglu fag fanggalangun laman sa angku. Kaduge ban tibak furuan gdama gfalag kban sa ayu ku fagyudun e malong.

Esekyel 40:38

Sanya ginan, e nalag au sik suluk e sakbawan, sas tigyangan fasiunan baliwa fag sakbawan at tangbi. Sanya fag suluk ngay fagfegusan fagnangirugan fag fanggalangun.

Lebitiku 1:13

Sanya ginan, kanya masine nu gfegus kafag fanggalangun at funa ay at ngay bitis, ay arodi gfon sa sangay tagfon fanggalangun laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 1:17

Ay nu gbaltak kafag manuk tungud, rangguti at fakfak fagdua, dewa katanya, wa masine gfasaruayan. Sanya ginan, irugi kafag fanggalangun sas fagirugan laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 2:16

Ay tagfon fanggalangun gbul tiba ay nasanglay ay ay nalubuk at mafasuglatan langis ay famaebebanglu ay nangirug laman gamatang tuam gugat Yawi. Kanya sik fagirugun fag fanggalangun laman sas Yawi.

Lebitiku 2:2

Ay kanya namuba at fanggalangun sas Arun at kasugfunanan fag ngay tagfon fanggalangun. Ay kanya fag ngay tagfon fanggalangun gbul sik galumut kafag fangawat tinapay at mafasuglatan langis ay famaebebanglu, ay nangirug sas fagirugan. Sanya ginan, ngay tagfon fanggalangun nangirug kafag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 2:9

Ay tagfon fanggalangun gbul yay kafag fanggalangun tiba ay nangirug laman famauseganan Yawi. Ay at mabebanglu fag ayuk tagsiginans fagirugan, sik mauseganan sas Yawi.

Lebitiku 3:11

Kafag ngay afud fanggalangun, at fagnangirugun laman sik ngay fagirugun fag fanggalangun sas Yawi.

Lebitiku 3:5

Ay Arun at kasugfunanan fag ngay tagfon fanggalangun nangirug kanya fagayu gasfuan fagirugun fag ngay fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 4:31

Sanya ginan, kanya gbul kanya fag fagbaugun at taba, kata at nafakamulun sas fanggalangun laman at Fanggalangun sas Nasadian. Ay kanya nangirug kafag taba. Ay kafag ngay fanggalangun at ayuk at mabebanglu sik famauseganan Yawi. Ngay tagfon fanggalangun nu nafakamulun tua takatanya, Yawi gfalyam kanya fag taw at ngay asalanan.

Lebitiku 6:14

Katatuy ngay faugali sabaliwa famauseganan fag fanggalangun: Arun at ngay kasugfunanan fag ngay tagfon fanggalangun at namuba kafag ngay fanggalangun sas Yawi, sa salubangan fagirugan.

Lebitiku 8:28

Sanya ginan, Muisis nabul kanya fagayu siginans talamean ay nairug sas fagirugan gasfuan fagirugun fag fanggalangun. Kanya at fanggalangun laman gfadante Arun talamean. Ay at mabebanglu fag ayuk tagsiginan sad afuy nafauseganan Yawi.

Lebitiku 9:14

Arun nafegus kafag fagbaugun at basad ungdan ay at ngay si, ay nairug kanya fagayu sas fagirugan gasfuan tiba yak afud fanggalangun.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Tap 15:3

foni angku ay ngay fanggalangun siginan ay ngay fagbaugun. Foni fagirugun fag ngay fanggalangun, ay ngay fanggalangun laman gfafasludan sik fatuyanan, ay at nafalganan fia fag ngay fanggalangun, ay ngay fanggalangun galay fagmafulun. Ay kafag ngay fanggalangun at ayuk at mabebanglu sik famauseganan angku.

Tap 28:11

“ ‘Galay fasadik menit si sik magdanun, foni ay fagirugun fag fanggalangun laman sas Yawi. Ay fanggalangun duak tama baka, sik tama tupa ay fituk tupa riangan tagsadik banwa. Ay fanggalangun at yud tua e malong fag ngay fagbaugun.

Tap 28:7

Ay ay fanggalangun fag fanginum ay fagfasfuanun sas galay sik tupa at kayuan sik baringan fanlangu. Busbusi sit Mafasamanan fag Suluk laman sas Yawi.

Tap 28:8

Fakamuluni yangay takatanya sas faduak tupa ay fagnamonun galay fafun. Fasfuani yangay foni sik fanggalangun famauseganan Yawi ay sik fanggalangun fag fanginum. Kanya at fagirugun fag fanggalangun, ay at ayuk at mabebanglu sik famauseganan Yawi.

2 Kurintu. 2:15

Kata ami at mabebanglu fag fanggalangun tam Fun Isus at nafon sas Dius. Kanya fag fanggalangun at ayuk karapyag sa sangay taw takalangfe, ay anggan sa sangay taw takafaurianan.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Deuterunumyu 12:27

Ay foni yangay ban ay fagirugun fag fanggalangun sa ay Dius Yawi, anggan at ngay taguk ay at yamas. Ay ugwagi way ban sas ligung fagirugan fanggalangun at taguk laman sa ay Dius Yawi, dewa katanya, masine wayam kon at yamas.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.