Lebitiku 1:3 - Fanawbuid tagsibaliwas Fakayabian

³ “Sik taw at fagirugun fag fanggalangun nu sik baka, masine nu sik tama, ay at yud e malong, ay tabanani sas aturunan Yawi at sakbawan bale, laman Yawi gfasine kanya fag taw.

Lebitiku 1:3 ပူးပေါင်းရင်းမြစ်များ

Fakasigadan 22:13

Abrayam nafamanawan, ay nalag sik tama tupa at sunge masayangan si sangay sanga kayu. Nu katanya, Abrayam nanamul kafag tupa ay nafon laman at fagirugun fag fanggalangun fantubus at baguama.

Fakasigadan 22:2

Ay Dius nalong anya te, “Tabani am fakesugun fia am baguama Isak, ay loi sas talun Muria. Undaudi sa ku foyungan emu fag buksul, ay foni wan sa angku am baguama kata sik fagirugun fag fanggalangun.”

Fakasigadan 22:8

Ay Abrayam nabalus te, “Ku baguama, tagfon ro anta ta fanggalangun fag tupa, Dius wan.” Ay talame gfataglayun nu glao.

Fakasigadan 8:20

Ay Nui nawat fagirugan fanggalangun laman sas Yawi. Sanya ginan, kanya nabul ngay mangilafang at masine ay anggan yangay manuk tungud at masine, ay nairug sas fagirugan laman at fanggalangun sas Yawi.

2 Krunika 29:32

Ay nu fagayu wan ngay taw at nabuba fag fagirugun fag fanggalangun: fituk safuluk baka tama, ay sadik sandank tupa tama, ay duak sandank tupa riangan.

2 Krunika 35:12

Sanya ginan, kanya fagayu nafon sa sangay taw sas galay sik gaban talanan, ngay fagirugun fag fanggalangun laman namon sas Yawi, kata at marirukan sis Muisis at fafil. Ay katanya yangay at nafakamulun sa sangay baka.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 40:8

Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Nu Galin 12:5

Kafag tupa ay fag kambing, filii tua at mataglu ay tagsik banwa at kadaulan ay at yud e malong.

Nu Galin 24:5

Ay sanya ginan, Muisis nasugu ngay baguama te, “Namon am sas Yawi fagirugun fag ngay fanggalangun ay namon yangay am ngay tama baka laman sik ngay fanggalangun laman sas fagmanabayanun sas Yawi.”

Nu Galin 29:18

Fagayu tuy irugi sas fagirugan laman gfalag te, gfauseganan am angku. Ay guseganan au at mabebanglu fag ayuk siginan kafag fagirugun fag fanggalangun.

Nu Galin 29:4

“Tabani Arun fag talamean sas Yawi at sakbawan bale, ay faigusi.

Nu Galin 29:42

Kata at nairug fag fanggalangun, masine anggan ban sat fadogan ay kasugfunanan nu gfon ban gugat kayu menit. Ay namubai tuy sa ku salubangan, sa ku bale at sakbawan nu inda nu nangablang au ayu ay nu namakamatoan au ngay taw Israel, ay namasaman au ku bale siginan ku kamasuloan.

Nu Galin 32:6

Ay nu katanya wan, fagayu taw Israel masurip nu kafulo laman namon at fagirugun fag ngay fanggalangun ay anggan at ngay fanggalangun laman sas fagmanabayanun. Fagayu gfangon ay ginum ay gfauseganan at fagsegan.

Nu Galin 35:21

Fagayu takaylat gfon sas Yawi, nabuba fagayu at ngay fanggalangun at fangawat Yawi at bale ay anggan at fagagbilugun, ay fangawat ngay tagfon fanggalangun at lanbung at mafasamanan laman sas Yawi.

Nu Galin 35:29

Nu katanya, fagayu taw Israel, mangama man ay mangena, takaylat ggubuk Yawi at nalong fag fakamulun siginan at fagsuguan Muisis, nabuba at mesa fanggalangun sas Yawi.

Nu Galin 35:5

Foni at yud mabyat say amatanganan tagsiginans ay ngay ramraman laman ay fanggalangun sas Yawi: gintu, sanbung salapi, ay tansu,

Nu Galin 36:3

Ay Muisis nafon wan ngay taw Israel at fanggalangun sa sangay tagfakamulun laman famawat Yawi at Bale. Ay tiba gfataglayun yay nu gfon ay nu gbuba at fanggalangun kayu balabag.

Nu Galin 38:1

Besalel nawat sik fagirugan fanggalangun at fangawat akasya. Fituk siu at kabaan, fitu yangayk siu at kadaulan ay ufatk siu at kabatan.

Isayas 1:11

Katatuy Yawi at longan te, “We tungkul sa angku ay ngay fanggalangun dewa ngayu. Kasuya kwan ay ngay fagirugun fag ngay tupa anggan ay fanggalangun fag ngay baka at taba. Ay kwa guseganan ya ay fanggalangun fag ngay baka ay ngay kambing at taguk.

Esekyel 20:40

Aroro ngay taw Israel ban namakamulun laman sa angku, sa ku nafili fag buksul at yud e malong ay tangabat tagsis talun Israel, fagayu ban taw Israel gfaning tua angku. Sanya waban nu kaylat au ayu ay nu get au sa ayu te, foni angku ay fagirugun fag ngay fanggalangun ay ay nafalganan fia fag ngay famonun.

Esekyel 40:39

Ay sisad basad dua tigyangan sakbawan at tangbi e duak fagfatungkudan fagfilasan at fagnangirugun fag ngay fagbaugun. Kanya sik ngay fanggalangun laman famalyam asalanan.

Lebitiku 1:10

“Ay sik taw at fanggalangun nu sik tupa way ay mannga sik kambing, fasik tamai at yud e malong.

Lebitiku 14:10

Sis fawaluk menit, masine kanya nu gbuba duak tama tupa ay sik tina tupa, tagsadik banwa ay at yud e malong. Ay kanya gbuba yangay unumk fabudbungguan fangawat tinapay at ke famasuglat langis, laman sik fanggalangun famauseganan Yawi. Ay kanya gbuba yangay sik taya langis.

Lebitiku 16:7

Sanya ginan, kanya gbul duak kambing ay gfabat yangay sas Yawi at daga salubangan, sit sakbawan bale.

Lebitiku 17:4

nu dway sis Yawi at bale, kanya kata sik takamabul fag taw, nu katanya, tuyani anya te, bunwa ya ay kaiban. Nasugu tuy fag faugali laman nu gfon am ay fanggalangun, sis Yawi tua at aturunan sakbawan bale ay wam sa tibak furuan. Foni sa sangay tagfon fanggalangun ay fanggalangun laman sas fagmanabayanun, laman kanya namon sas Yawi.

Lebitiku 17:8

“Am fag ngay taw Israel ay ngay taw tagsiginan tibak talun amatangi gugat te, nusnga sinu si ayu nu gfon at fanggalangun nu si way tibak furuan,

Lebitiku 17:9

ay nu dway sis Yawi at sakbawan bale, tuyani anya te, bunwa ya ay kaiban.

Lebitiku 23:12

Ginanya yangay ban fag menit, gfon am sas Yawi sik tupa tagsadik banwa ay at yud e malong, laman ay fagirugun fag fanggalangun.

Lebitiku 23:18

Ay ginanya foni yangay fituk riangan tupa tagsik banwa ay at yud e malong, ay sik tama baka, ay duak tama tupa. Foni kanya laman sik fagirugun fag fanggalangun gasfuan sik gutluan fag fanggalangun ay sik fanginum fag fanggalangun. Kanya fagayu ay fanggalangun sas Yawi. Ay kafag ngay fanggalangun at ayuk at mabebanglu famauseganan Yawi.

Lebitiku 3:1

“Sik taw at fanggalangun nu sik baka laman sas nasadian sis Yawi at daga salubangan, at masine nu sik baka at yud e malong.

Lebitiku 4:15

Sanya ginan, ngay taw Israel at ngay fagtainan nanamoli sanya fag tama baka tumad at tungud alfuyu at ngay daluap, ay gfabul laman at fanggalangun sas Yawi.

Lebitiku 4:23

Ay nu nasaful te, anke asalanan, masine kanya nu gfon sik kambing at yud e malong laman at fanggalangun.

Lebitiku 4:3

“Dewa sik tagfon fanggalangun way at nasalan ay doma at algan, ay ngay taw Israel nu ntaip way, masine kanya nu namon sas Yawi sik tama baka tumad, at yud e malong, laman famalyam at asalanan.

Lebitiku 4:32

“Ay sik taw at fanggalangun nu sik tupa laman famalyam at asalanan, masine at fanggalangun nu sik tina ay at yud tua e malong.

Lebitiku 5:15

“Sik taw nu nafamabo way Yawi at suguan, siginan nu yud gfon nusnga setaw fag fanggalangun, dewa yud at algan, kanya masine nu gfon sik tupa riangan yud e malong laman at fanggalangun famalyam at asalanan. Ay kanya masine yangay gfon salapi kabyat famayad kafag tupa ay gsud si sangay tagfon fanggalangun at fabudbungguan nu gfabudbungguan. Kanya famalyam asalanan fag fanggalangun.

Lebitiku 5:18

Ay kanya nu nasaful te, anke asalanan, kanya masine nu namon sa sangay tagfon fanggalangun sik riangan tupa at yud e malong, laman famalyam at asalanan. Ay kanya nu dway mafon sik tupa, masine nu gfon salapi, kabyat sik famayad tupa ay gsud si sangay tagfon fanggalangun at famabudbungguan nu gfabudbungguan. Siginan takatanya, Yawi gfalyam kafag taw at ngay asalanan.”

Lebitiku 6:2

“Sik taw nu dway nafaning at faugali, siginan nu gfandaya ay nu gfangkamul tibak taw at ngay nafatigwanan sa anya,

Lebitiku 6:8

Yawi nasugu Muisis laman namoyung sas Arun talamean tuy fag ngay faugali sabaliwa nu gfon fagirugun fag fanggalangun: Masine kafag fanggalangun nu sis fagirugan fagngabak yabi ay faigangi way gugat kadugenya.

Lebitiku 7:16

Dewa katanya, kafag taw at fanggalangun nu nafon way laman namafafasludan at fatuyanan ay mannga laman sas nasadian, oni wan kanya fag yamas ginanya yay fag menit, at sawad kanya yay ban at fakonun sbalabag.

Lebitiku 8:18

Ay Muisis nafon yangay sik tupa riangan laman sik fagirugun fag fanggalangun. Ay Arun talamean nafoli at ngay daluap sas tupa at tungud alfuyu.

Lebitiku 9:2

Muisis nalong sas Arun te, “Buli sik riangan baka tama, ay sik tama tupa yud e malong, ay foni sas Yawi laman sik fanggalangun. Kanya fag baka sik fanggalangun laman famalyam asalanan, ay kafag tupa laman sik fagirugun fag fanggalangun.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Malakyas 1:14

Gfauri au tagsi ayu fag ngay takamuag tagfatuyanan te, nangirug at masine fag ngay fagbaugun, ay aroro mangaro, at fanggalangun at ke malong way. Gfaurianan au takatanya fag taw, aroro au wan at mabalyanan fag Fun ngay talun at fakalimuun. Au, Yawi at Mabalyanan, taglong tuy.”

Tap 15:3

foni angku ay ngay fanggalangun siginan ay ngay fagbaugun. Foni fagirugun fag ngay fanggalangun, ay ngay fanggalangun laman gfafasludan sik fatuyanan, ay at nafalganan fia fag ngay fanggalangun, ay ngay fanggalangun galay fagmafulun. Ay kafag ngay fanggalangun at ayuk at mabebanglu sik famauseganan angku.

Tap 15:8

“Ay nusnga sinu tagfon sik riangan baka laman sik fanggalangun fagirugun ay mannga sik fanggalangun tagfafasludan sik fatuyanan ay mannga sik fanggalangun laman sas fagmanabayanun,

Tap 19:2

“Katatuy yangay sik faugali ku fakaylatun ay fakamulun: Longi sa sangay taw Israel te, tabanani sa ayu sik maraska fag baka at yud e malong ay at yud yay batang gfafakamulun sas gamasun.

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Tap 23:27

Balak nalong yay fia sas Balaam te, “Gewan, gtaban au emu sa tibak talun. Tibaginan ro, Dius kaylat nu glong o at mauri sa sangay taw Israel laman sa angku.”

Tap 23:3

Sanya ginan, Balaam nalong sas Balak te, “Stei way o gugat sim day fanggalangun. Kayayu kyay sirut, tibaginan ro Yawi e longan sa angku. Glong kro sa emu nu nataw Yawi at longan sa angku.” Ay kanya naundaud sas tungud buksul.

Tap 23:30

Nu katanya, Balak nafakamulun Balaam at nalong fagayu sa anya, ay kanya nairug sik baka tama ay sik tupa tama sas galay sik fagirugan.

Tap 28:11

“ ‘Galay fasadik menit si sik magdanun, foni ay fagirugun fag fanggalangun laman sas Yawi. Ay fanggalangun duak tama baka, sik tama tupa ay fituk tupa riangan tagsadik banwa. Ay fanggalangun at yud tua e malong fag ngay fagbaugun.

Tap 28:19

Foni sas Yawi fagirugun fag fanggalangun duak tama baka, sik tama tupa ay fituk tupa riangan tagsadik banwa. Ay fanggalangun at yud tua e malong fag ngay fagbaugun.

Tap 28:31

Foni anya fagayu gasfuan ngay fanggalangun fanginum, saman ya am fanggalangun fagirugun ay fanggalangun laman famauseganan Yawi galay smenit. Masine nu gfon am yud e malong fag ngay fagbaugun.

Tap 29:13

Foni fagirugun fag ngay fanggalangun, ay at ayuk at mabebanglu sik famauseganan Yawi. Sis fasadik menit, ay fanggalangun labi tuluk riangan baka tama, duak tama tupa ay labi ufatk tama tupa riangan tagsadik banwa. Kanya fag ngay fanggalangun dangay at ke malong.

Tap 29:2

Sanya ginan, foni fagirugun fag ngay fanggalangun ay at ayuk at mabebanglu sik famauseganan Yawi: sik riangan tama baka, sik tama tupa ay fituk tama tupa tagsadik banwa. Masine nu gfon am yud e malong fag ngay fagbaugun.

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Uan 1:36

Ay Uan nalag Isus nu gdalan, ay nalong te, “In Dius at Tupa Riangan.”

Uan 10:7

Isus gdog yay glong te, “Matuyan nu glong au ayu te, au wan ngay tupa at sakbawan.

Uan 10:9

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

2 Kurintu. 8:12

Aroro nu gfon am nu ay algan tua fia, Dius kaylat nusnga seyu ay fagmakatuun. Dius wa gfanya nusnga seyu ay fagyudun makatu gfon.

2 Kurintu. 9:7

Ay glong au ayu te, galay am at sadi foni ay dangay fabulunan, aroro Dius kesug ngay taw taguseganan tua nu gfon.

Efesu 2:18

Aroro sa tam Fun Isus, gsud tua tam manangakbang sa tam Mama siginan at Masine fag Falad.

Efesu 5:27

Nu katanya tua, kanya mafasalubang at ngay taw sa anya, masine ay di e kalong nusnga setaw ay di e mauri, nu bunway masine tua ay matuyan.

Deuterunumyu 12:27

Ay foni yangay ban ay fagirugun fag fanggalangun sa ay Dius Yawi, anggan at ngay taguk ay at yamas. Ay ugwagi way ban sas ligung fagirugan fanggalangun at taguk laman sa ay Dius Yawi, dewa katanya, masine wayam kon at yamas.

Deuterunumyu 15:21

Dewa katanya, kanya fag ngay fagbaugun nu e malong way kata tagalbi ay wa glag, ay tiba yak malong, lag am gfon laman ay fanggalangun sa ay Dius Yawi.

Deuterunumyu 17:1

Lag am gfon sa ay Dius Yawi baka ay tupa at ke malong, aroro Yawi maksvn nu kauri takatanya.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.