Kulusas 4:2 - Fanawbuid tagsibaliwas Fakayabian

² Fataglayuni nu mafandarangin am, ay fasfuani mafalganani ay useganani.

Kulusas 4:2 ပူးပေါင်းရင်းမြစ်များ

Ub 15:4

Dewa katanya, siginan am ngay nalong, tibak taw wa gsuyu ya Dius, ay wa kaylat ya gseg anya.

Alubad. 109:4

Dewa ku fagadgalangan ay ku fagdaranginun fag ngay taw gfawayan way gugat angku.

Mateu 26:41

Mataganani ay darangini tua, laman diam gafaskudan asalanan. Ay amatanganan mafalganan tua, dewa katanya, ay bilug mamomuy way.”

Markus 13:33

Mataganani tua gugat ay mafuloani, aroro wam nasaful te, ginanya nu kadasug au.

Lukas 18:1

Isus nafansulitan sat ngay tagadal sabaliwa sik faydayuanan, laman kanya fagayu wa kamomuy ay wa kalufuy gdarangin.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

Fakamulun 1:14

Kanya fagayu gfataglayun tua nu masadi laman gdarangin, gasfuan ngay mangena ay anggan Maria, Isus at mina, ay Isus at ngay faduksay.

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Kulusas 2:7

Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

Kulusas 3:15

Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

1 Samwel 1:12

Kaduge Ana gdarangin sas Yawi, Eli nalag Ana nu gibugan. Ay Eli namatangan te, Ana galangu.

1 Samwel 12:23

“Ay gdarangin kban gugat ayu sas Yawi, aroro kway ban nafakamulun takatanya, umke asalanan kban sas Dius. Ay gfataglayun kban gfoyung sa ayu at matuyan fag ngay ugali.