Kulusas 4:11 - Fanawbuid tagsibaliwas Fakayabian

¹¹ Tam faduksay Isus at ngayan yangay te, Ustu, glong yangay ayu te, O manabayan tuam? Kanya way lang fag tulu iste ku faudgufudan taw Udyu tagfoyung sabaliwas Dius nu gfagtainan. Ay kanya wan tagfabitsug ku amatanganan.

Kulusas 4:11 ပူးပေါင်းရင်းမြစ်များ

Fakamulun 10:45

Ay Pedru at ngay ufud fag ngay taw Udyu tagafanud andulo, aroro at yud Udyu fag ngay taw anke Masine fag Falad yangay.

Fakamulun 11:2

Ay Pedru nu ndasug sas Erusalem, tibak tagafanud fag ngay taw Udyu gfabadbaboan anya. Kafag ngay taw gafanud te, “Fae fakatoglagani yap yud Udyu fag ngay tagafanud laman kanya fagayu manangasadi sa antam.”

Ruma 16:3

Longi sas Prisila ay Akila fag dadwa te, O manabayan tuam? Kanya ku faudgufudan gfakamulun sa em fagmasadiun sa tam Fun Isus.

Ruma 4:12

Kanya yangay at ke ngay fakatoglagan at mama, ay bundi lang nafae fakatoglagan, nu bunway gafanud yangay kata tam mangaguyang Abrayam nu gafanud, gina kanya yud yay nafae fakatoglagan.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

Efesu 2:11

Nu katanya, am at yud Udyu fag ngay taw siginan ngay nu kasalug am, amatangani ay kayaunanan ebi. Ngay taw Udyu gfalingun ayu te, wam e fakatoglagan. Ay gtuyan at ngay sadili te, at ke fakatoglagan, laman gfalag te, kanya tua Dius at ngay taw. Dewa katanya, at ke fakatoglagan at masuad, taw way at nafakamulun sit bilug.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Kulusas 4:7

Tam fakesugun tam faduksay Tikiku at namadungug sa ayu sabaliwa angku. Kanya at matuyan fag fagsuguan ay ku faudgufudan sa tam Fun at fakamulun.

1 Tesalunika 3:2

Ay nasugu ami sa ayu tam faduksay Timuteu, Dius at fagsuguan tagfoyung yangay at Masine fag Barita sabaliwa tam Fun Isus. Kanya wan em nasugu laman gfaksvn ay fagafanudun ay gfabitsug ay amatanganan,

1 Tesalunika 3:7

Nu katanya, em ngay faduksay, dewa ami gafaurianan ay gafanawa, ansun tuami aroro gfataglayun tua nu gafanud am sa tam Fun Isus.

Titu 1:10

Aroro ngayu tagfasagsagan ay tagfandaya at iba siginan at yud matuyan fag longan, kaugat wan ngay taw taglong te, fae fakatoglagani.

Filemun 1:1

Au, Pablu, at maubungan aroro sa tam Fun Isus, ay ste yangay tam faduksay Timuteu, griruk ami sa emu, Filemun, em fakesugun ay em faudgufudan gfakamulun,

Filemun 1:24

Ay anggan Markus, ay Aristarku, ay Demas, ay Lukas, ku ngay ufud tagfakamulun glong yangay emu te, O manabayan tuo?