Kulusas 4:10 - Fanawbuid tagsibaliwas Fakayabian

¹⁰ Aristarku, ku ufud iste sis fagubungan taw, glong ayu te, O manabayan tuam? Katanya yangay anggan Markus, Bernabe at lagbe. Useganani fia fasakboi Markus nu ndasug sanya, kata ku suguan ayu.

Kulusas 4:10 ပူးပေါင်းရင်းမြစ်များ

Fakamulun 12:12

Sanya ginan, Pedru nalao sas Maria at bale. Maria Uan at mina. Uan at ngayan yangay te, Markus. Ay sanya ngayuk tagafanud maful ay gdarangin.

Fakamulun 12:25

Ay Bernabe ay Saulu nu nafosuk wan ngay fanggubukun sa sangay tagafanud, anfoli wan sas Antiukya siginans Erusalem. Ay duama nataban Uan at ngayan yangay te, Markus.

Fakamulun 13:13

Ay siginans furuan Pafus, Pablu ay at ngay ufud nasakay sas sakayan lino laman nangadasug sas Perga sas talun Panfilia. Ay kafag tulu nu ndasug sanya fag furuan, Uan at ngayan yangay te, Markus, naubun at duama ay kanya anfoli sas Erusalem.

Fakamulun 13:5

Ay duama nu ndasug sas Salamina fag furuan daul, nafoyung Dius at longan si sangay taw Udyu at bale fakafulan. Ay ginanya, Uan, at ngayan yangay te, Markus, ggubuk duama.

Fakamulun 19:29

Nu katanya, kafag fagbadbaboanun anrapyag sas fagdaul furuan. Ay kafag ngay taw nagamat Gayu ay Aristarku, Pablu at ufud ay taw Masidunya. Ay kaduge kafag ngay taw gfaurianan duama, ngay taw glagyu siginan at fagmafulan.

Fakamulun 20:4

Ay nu galoun wan, Supater, Pirus at baguama fag taw Berea, nanangalo ay anggan Aristarku ay Sekundu fag ngay taw Tesalunika, ay Gayu ay Timuteu ay anggan Tikiku ay Trufimu fag ngay taw Asya.

Fakamulun 27:2

Ay nasakay ami sa sik sakayan lino siginans furuan Adramitiu, tagsa sangay furuan sis tigyangan dagat sis talun Asya. Ay Aristarku tagsiginans furuan Tesalunika sis talun Masidunya, galo emi.

Fakamulun 4:36

Ay katanya yangay Use at nafakamulun. Nu katanya, ngay nasugu nafangayan anya te, Bernabe, at masuad te, Tagfabitsug Tiba at ngay Amatanganan. Kanya sik taw Lebi siginans furu Sipre.

Ruma 16:2

Aylati fia anya aroro sa tam Fun, kata ay fakamulun sa tibak faduksay, ay gubuki anya nusnga setaw at fagayudanun, aroro kanya nagubuk ngayuk taw, ay au wan at sadi at nagubuk.

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

2 Timuteu 4:11

Lukas way lang ku ufud. Rvbvyi Markus ay adgaloani stae, aroro kanya gbia at fanggubukun sa ku ngay fakamulun.

Filemun 1:23

Epafras ku ufud ste at maubungan aroro sa tam Fun Isus glong emu te, O manabayan tuo?

Filemun 1:24

Ay anggan Markus, ay Aristarku, ay Demas, ay Lukas, ku ngay ufud tagfakamulun glong yangay emu te, O manabayan tuo?

1 Pedru 5:13

Sis furuan Babilunya tam ngay faduksay glong ayu te, O manabayan tuam? Dius nafili yangay anya fagayu kata ayu. Markus ku sisian sas fagafanudun, glong yangay ayu te, O manabayan tuam?