Kulusas 4:1 - Fanawbuid tagsibaliwas Fakayabian

¹ Ngay tagfayafun, malukmei tua ay famatuyani tua ay fakamulun sa ay ngay fagsuguan. Amatangani te, e Fun yangay am sis banwa.

Kulusas 4:1 ပူးပေါင်းရင်းမြစ်များ

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Isayas 58:3

Kanya fagayu gdog yay glong sa angku te, ‘Wami nafangon laman gdarangin, dewa katanya, wo kasalag emi. Nafamababaun ami, dewa katanya, wo yangay kasalag.’ Katatuy ku famalus ayu: At matuyan, kaduge am yud gfangon laman gdarangin, ay sadili way ay fagamatanganun. Gfaidapan am ay ngay tagfakamulun.

Lebitiku 19:13

“Lag am gdaya ay gfangkamul ay ngay iba at ngay fagagbilugun. Lag am gfalangfe nu gbayad am sat nafakamulun sa ayu.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 20:4

Ay nalong sa anya fagayu te, ‘Anggan am, loi wan ay namakamuluni sa ku tanuman, ay gfon kro ayu at kasakan fag famayad.’

Lukas 19:15

“Dewa katanya, kanya nabul at fagmafunanun ay noli wan. Kanya nasugu laman nantaban at fagsuguan, ebi at fagfatigwanan salapi, laman at fagsuguan namasaful sa anya nu seyu galay sadi at nafamut.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.