Ebi gina tam gfaning tam bilug at fakaylatun, tam fagugaliun tam bilug way at fakaylatun, nustua Muisis at Faugali nafamut yay tam ugali takatanya, ay takatanya gfadasug way antam sas fakabulun.
Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.
Gugali am gfaning ste sfagdaul daga at ugali, ay galo yangay am tagfunan kiwang fag falad at ke mauri fag ngay fagmabalyananun. Kanya wan tagfamatangan takamabo fag ngay taw.
Ay am at yud Udyu fag ngay taw, ebi ginan mabulan am aroro sa ay asalanan. Ay dewa katanya, Dius nafaleleg tua ayu gasfuan tam Fun Isus ay nafalyam fagayu tam ngay asalanan.
Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.
