Kulusas 3:5 - Fanawbuid tagsibaliwas Fakayabian

⁵ Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Kulusas 3:5 ပူးပေါင်းရင်းမြစ်များ

Nu Galin 37:22

Ngay barugwak ay ngay sanga fag ngay famasine, mawatan siginan at yud e suglat fag gintu.

Mateu 15:19

Aroro tagsiginan sik taw at amatanganan kasure at mauri fag ngay algan, kata nu gfabul, ay nu gfanugtug, dewa sat ke indugan ay dewa sat yud batang e indugan, ay nu gfangkamul, ay nu kamuag, ay nu kamuagan gfatuyan sabaliwa at iba.

Ruma 1:26

Aroro katanya, Dius nafabayan wan kafag ngay taw nu gugali sat yud matuyan fag fakaylatun. Ngay mangena naubun wan at ugali nu gfasedsegan mangama, at fagfasedseganun at usena way.

Ruma 1:29

Kanya fagayu gugali nusnge wain fag mauri; kata at mauri fag algan, ay tagfangalabian, ay at mauri fag amatanganan, ay tagfanganuran, ay takamabul, ay takamawayan, ay tagfandaya, ay tagfangasulup, ay tagfoyung at mauri fag fakamulun sabaliwa at iba,

Ruma 6:13

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

Ruma 6:6

Saful watam te, tam dan fag ugali anrabing wan sas fasulungan kayu gasfuan tam Fun Isus, laman tam dan fag ugali kamin wan, ay laman wa tam gafagsuguanan ya sas asalanan.

Ruma 7:23

Dewa katanya, e nalag kyay tibak fagmabalyananun si ku bilug, ay kanya gfabadbaboan ku amatanganan. Aroro katanya nafagsuguanan au asalanan at fagmabalyananun tagfakamulun si ku bilug at ngay afud.

Ruma 7:5

Ebi gina tam gfaning tam bilug at fakaylatun, tam fagugaliun tam bilug way at fakaylatun, nustua Muisis at Faugali nafamut yay tam ugali takatanya, ay takatanya gfadasug way antam sas fakabulun.

Ruma 8:13

Aroro nu gfaning way am ay bilug at fakaylatun, kabul ban am. Ay dewa katanya, nu gfabul tuam ay bilug at fakaylatun siginan at Masine fag Falad at fagmabalyananun, gleleg tua ban am.

1 Kurintu 5:1

At matuyan, andasug sa angku sik barita te, si ayu e gfanugtug, ay nu gfanugtug, gtungud yay at yud gafanud. Aroro si ayu at sadi naago at mama at bubay.

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

1 Kurintu 6:13

Tibak taw glong te, “Tam fage ungdanun, kanya fagsuadan fakonun, ay fakonun, tam ungdan at bilug.” Matuyan kanya, ay dewa katanya, Dius ban gsud nangiklas kanya fag dua. Tam fage bilugun bundi sas fagfanugtugun, nu bunway laman namaning tua tam tam Fun, ay tam Fun taggubuk tam bilug.

1 Kurintu 6:18

Lag am gfanugtug. Tibak asalanan, ngay taw at nafakamulun wa gtaip sat bilug, dewa katanya, nusnga sinu at nafanugtug, at sadili wa bilug at fagfauriun.

2 Kurintu. 12:21

Gafanawa au te, nu nadog kban manga ndasug sa ayu, Dius ban manga gfapla way angku si ay daga salubangan. Nu katanya way ban, maksvn nu kabalu au aroro ngayu yay si ayu at ke asalanan, ay at yud yay naubun at fagmauriun ay at fagfanugtugun.

Galasya 5:24

Nusnga sinu at kinsadi sa tam Fun Isus, kanya naubun wan at dan fag ugali ay at mauri fag fakaylatun.

Efesu 4:19

Kanya fag ngay taw we apla ya ay annanad gfakamulun at mauri fagayu, ay maksvn nu kaylat gfakamulun nusnge wain fag fagmauriun.

Kulusas 2:11

Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.

1 Tesalunika 4:3

Dius at fakaylatun diam e malong. Nu katanya, ayayui siginans fagfanugtugun;

1 Tesalunika 4:5

Lag gfaning ay bilug at fakaylatun, kata sik taw at yud natoglag Dius.

1 Timuteu 6:10

Aroro fakesugun salapi, kanya wan fagsigadan fagayu fagmauriun. Tibak taw naubun wan at fagafanudun aroro kesug salapi, nu katanya, ngayu at fakabaluun.

Ebreu 12:16

Galay am at sadi madiriani mandi laman ban diam gfanugtug ay laman ban diam nafae yud e tungkul ay fagafanudun kata Isaw. Kanya e fagnamulun aroro kanya at kaka, ay kanya nafabangsi way at fagnamulun sa sik fakonun.

Ebreu 13:4

Fagayu am atuyani te, fakadadwaun mafanud, ay lag am gfanugtug ay namatugtug, aroro Dius gfaurianan ban nusnga sinu tagfakamulun takatanya.

Ebreu 13:5

Lag am galabian salapi. Useganani wan nusnga seyu ay ramraman. Aroro Dius nalong te, “Kdi gubun ay kdi gfabayan emu.”

Santiagu 4:1

Daginan ay fagbadbaboanun ay ay fakadkaurianun? O nunda bunwa siginan ay ngay mesa fakaylatun tagbadbaboan si ay ngay amatanganan?

1 Pedru 2:11

Ku fakesugun ku ngay faduksay, maksvn nu glong au sa ayu te, am takata sik ngay betaw tagbanwan ste swa daga, ubuni wan ay mauri fag fakaylatun tagfawayan ayu.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.