Kulusas 3:4 - Fanawbuid tagsibaliwas Fakayabian

⁴ Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

Kulusas 3:4 ပူးပေါင်းရင်းမြစ်များ

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Alubad. 73:24

Am ngay fangatulun, si tua gugat angku, ay nataban tuo angku sas fagmanabayanun.

Mateu 13:43

Ay ginanya ban fag menit, at matuyan fag ngay taw masulo kata menit si tam Mama at fagfagtainanan. Fagayu am tagdungugan, amatangani tua fia.

Lukas 17:30

Katanya yangay ban kanya fag menit, au, Taw at Baguama, nu kasure au.

Uan 11:25

Isus glong te, “Au wan tagfadog gfaleleg ay leleg. Nusnga sinu tagafanud sa angku, dewa nbul gdog yay ban gleleg.

Uan 14:3

Ay fagayu ban nu nfalganan wan, kafoli kban ay nantaban ayu, laman nu inda kwan, sanya yangay am.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Ruma 8:18

Nu gamatangan au, tam ngay fagidapun katsi wa mafaladlabian sa takasure ban sa antam fag fagmasineun.

Ruma 8:19

Fagayu at awatan maksvn nu gfanya Dius nu gfasure at ngay sisian.

1 Kurintu 1:7

Nu katanya, diam e kurang fagayu at Masine fag Falad at nafon, kaduge am gfanya tam Fun Isus nu kafoli.

1 Kurintu 15:43

Gina gfoli sik taw dewa yud e fagmasineun ay momuy, kanya ban e fagmasineun tua ay mabitsug gina ban nafadog nafaleleg anya.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Filipus 3:21

Nu ndasug ban ginanya fag menit, kanya gtubus tam bilug ste swa daga ay gfafasine ban kata at bilug. Kanya namakamulun takatanya siginan at fagmabalyananun tagfagtainan sas fagayu nusnga setaw.

1 Tesalunika 4:17

Ay Isus gfaful ban antam sasad linyabu, itam tagleleg, at naguyanan yay, gasfuan at ngay nafaleleg laman namablang tam tam Fun sas kiwang ay magamut ban tam si anya kabavn.

1 Timuteu 6:14

kabavn matuyani nu gfaning o tuy fag suguan laman ban di o e malong anggan tam Fun Isus andasug,

2 Timuteu 1:1

Au, Pablu, tam Fun Isus at nasugu, kata Dius at fakaylatun, laman namoyung au sabaliwa at nafatuyanan sa antam fag leleg, tam fagnamulun nu masadi tua tam sa tam Fun Isus.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

1 Uan 5:12

Nusnga sinu at masadi sas Dius at Baguama e leleg tua ban at yud e fakatabuan. Ay dewa katanya, nusnga sinu at yud masadi sa anya wa ban e leleg at yud e fakatabuan.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.

At Nafasure 2:7

“Nusnga sinu at ke talinga, dungugani at Masine fag Falad at longan sa sangay tagafanud. Ay nusnga sinu tua ban at nababo, kaylat kban kanya nu nangon tagfon leleg fag fun kayu at rawvg. Kanya fag fun kayu sis Dius at fagbanwanan.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

At Nafasure 22:14

“Mauseganan tagbakbak gugat at ngay lanbung, aroro gfasakbo ban anya sas furuan daul ay nangon tagfon leleg fag fun kayu at rawvg.