Kulusas 3:3 - Fanawbuid tagsibaliwas Fakayabian

³ aroro anbul wan ay dan fag ugali ay katsi ay leleg masuksukan sas Dius gfaudgufudan tam Fun Isus.

Kulusas 3:3 ပူးပေါင်းရင်းမြစ်များ

Mateu 11:25

Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.

Uan 14:19

Wa ban glugo ya, tagste ban swa daga fag ngay taw ban sas fagdaul daga wa glag ya angku. Ay dewa katanya, am, lumag yay ban am angku. Ay aroro gleleg au, anggan ban am, gleleg yangay am.

Uan 3:16

Maksvn tua Dius nu kesug fagayu taw ste swa daga, at fagnafonun at mafilian fag Baguama, laman nusnga sinu tagafanud sa anya di gafaurianan nu bunway mul tua ban leleg at yud e fakatabuan kabavn.

Uan 4:14

Ay dewa katanya, nusnga sinu ban at nainum ku fon fag mamam di kadanum ya. Ay kanya fag mamam kata sik bulbug gfamilugan sat basad, laman gfon leleg at yud e fakatabuan.”

Uan 5:21

Nusnga setaw ku Mama nu gfaleleg ngay kinbul, katanya yangay au, at Baguama, gfaleleg kyangay ban nusnga sinu ku fakaylatun gfaleleg.

Uan 5:24

“Matuyan nu glong au ayu te, nusnga sinu tagdungugan ku longan ay tagafanud sat nasugu angku, e leleg tua at yud e fakatabuan. Ay kanya di ban gafaurianan nu bunway anlangfe siginans fakabulun ay mul leleg at yud e fakatabuan.

Uan 5:40

Dewa katanya, wam kaylat nangakbang sa angku laman mul am leleg at yud e fakatabuan kabavn.

Ruma 5:10

Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg.

Ruma 5:21

Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.

Ruma 6:11

Katanya yangay, tapi ay sadili te, anbul wam sas asalanan at fagmabalyananun, ay gleleg tuam laman gfauseganan Dius siginan ay fagmasadiun sa tam Fun Isus.

Ruma 6:2

Ida, deyud. Anbul watam sas asalanan. Nu katanya, lag tam gfataglayun ya nu gasalanan tam.

Ruma 8:2

Siginan at Masine fag Falad at fagmabalyananun, kanya wan tagfaleleg angku sa tam fagmasadiun sa tam Fun Isus, kanya nafalfas angku siginans asalanan ay fakabulun at fagmabalyananun.

1 Kurintu 15:45

Katatuy at longan sit Rirukan te, “Taguna fag taw, Adan, Dius nawat ay nafon anya at leleg tagste swa daga,” ay taguyan fag Adan, tam Isus, tagfon leleg fag falad.

1 Kurintu 2:14

Dewa katanya, at Masine fag Falad nu dway gbanwan si sik taw, kafag taw wa kaylat gbul at matuyan siginans Dius at Masine fag Falad, aroro we tungkul sa anya. Aroro at mafatogdungug antam, siginan tua at Masine fag Falad at gubuk.

2 Kurintu. 5:14

Tam Fun Isus wan at fakesugun tagsugu emi katanya. Aroro nasaful wami te, kanya anbul laman sas fagayu taw, nu katanya, fagayu tam antap yangay tam te, anbul tam gasfuan anya.

2 Kurintu. 5:7

Gugali ami gfaning em fagafanudun, bundi ste swa daga takalag fagayu nusnge wain.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Efesu 3:9

ay gfayamag au sas fagayu taw te, setain Dius at algan at masuksukan nu kafasludan. Dius at nawat fagayu nusnge wain, ebi taguna kanya ya nafasure at algan at masuksukan,

Filipus 4:7

Nu katanya, Dius at yud e gfasud at fagmanabayanun tagdiri ay amatanganan siginan ay fagmasadiun sa tam Fun Isus.

Kulusas 1:5

E fagafanudun tuam ay e fakesugun aroro e fagsegun tuam ay fagnamulun at mafalganan sis banwa. Nasaful wam sabaliwa ay fagfanyaun, gina nafadungug sa ayu at matuyan fag longan, at Masine fag Barita

Kulusas 2:20

Anbul oma am gasfuan tam Fun Isus ay nalfas oma am siginan fagdaul daga at ugali at fagmabalyananun. Ay wain ay fagfaningun yay fagdaul daga at ngay suguan te,

Kulusas 2:3

Dius at fagmamatanganun ay at fagsafulun masuksukan si tam Fun Isus.

Kulusas 3:4

Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

1 Pedru 3:4

Nu bunway ay fagfasineun tagsi tua ay basad ay ugali at yud e fakatabuan fag fagmasineun. Malukmei tua ay masuyui. Katanya at matuyan sas Dius.

1 Pedru 4:2

Ay kaduge gleleg wa gfaning ya at bilug at fakaylatun, nu bunway at fagfaningun Dius tua at fakaylatun.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.