Kulusas 3:2 - Fanawbuid tagsibaliwas Fakayabian

² Katanyai tua gugat ay fagamatanganun, dangay tagste swa daga,

Kulusas 3:2 ပူးပေါင်းရင်းမြစ်များ

1 Krunika 22:19

Nu katanya, fatigwanani ay ngay sadili sa ay Dius Yawi, sas fagdaul ay amatanganan. Namasigad wam namawat Yawi at bale laman e fagfasakboan wam Fagsuadan Yawi at Nasadian ay fagayu fagagbilugun at yud e malong gina gfauseganan Yawi.”

1 Krunika 29:3

Ay aroro kaylat au namawat ku Dius at bale, gfon kwan ku ngay fagagbilugun at mawatan siginans gintu ay salapi, saman ya ku nafaful fag ngay fangawat laman sas Dius at bale.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Alubad. 91:14

Dius glong te, “Gfalangfe au ay gdiri fagayu taw takesug ay tagtoglag angku.

Fangatulun 23:5

Aroro ramraman masakit way nu kamin, kata sik bio taglayugan sis kiwang.

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Mateu 16:23

Ay Isus anbiling ay nasalubang Pedru ay nalong anya te, “Satanas, lag ste ya! Gfataid wayo angku. Aroro am amatanganan bunwa Dius at algan, nu bunway taw way at algan.”

Mateu 6:19

“Lag gfaful ay ngay ramraman ste swa daga aroro ste fatung kon way ay anenay gfamin way, ay tagfangkamul masakbo way ay mafangkamul way.

Lukas 12:15

Ay Isus nalong sanya fag ngay taw at maful te, “Amatangani, lag am gfanganuran nusnge wain, aroro sik taw at leleg amafanud yap tua at ramraman.”

Lukas 16:11

Ay nu dway matuyan nu gagbilug am ste swa daga fag ramraman, wa ban e gfatigwanan sa ayu at matuyan fag ramraman.

Filipus 1:23

Gawabilugan au te, inday tuy fagdua at masine: kabul kwan ay mannga gleleg kyay. Kaylat kwan gfalyam ku leleg katsi laman gfaday tigyangan kwan tam Fun Isus, aroro tuy wan tiba tungud at masine sa angku,

Kulusas 3:1

Dius nafadog wan nafaleleg ayu gasfuan tam Fun Isus. Nu katanya, ay fagamatanganun fasai tua gugat sbanwa, sa tam Fun Isus, at malunggung sis Dius at siun.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.