Kulusas 3:16 - Fanawbuid tagsibaliwas Fakayabian

¹⁶ Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

Kulusas 3:16 ပူးပေါင်းရင်းမြစ်များ

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

1 Krunika 25:7

Kanya fagayu ay at ngay kalongan fag duak sandan waluk safulu e walu saful galubad laman sas Yawi.

Nemyas 12:46

Siginan yay fun Dabid ay fun Asaf at buknga, e ngay tagfangguna wan ngay tagalubad laman gseg ay gfauseganan Dius.

Ub 23:12

Gfaning au at ngay suguan ay gdiri au fia at ngay longan si ku amatanganan. Ay gfamafanud au at ngay longan gtungud tua ku ngay fakonun kayu menit.

Alubad. 119:11

Gfasi ktua ban gugat ku amatanganan am ngay longan, laman ban kdi gasalanan sa emu,

Alubad. 119:54

Nusnga nday au, galubad au sabaliwa am ngay foyungan.

Alubad. 138:1

Yawi, galubad au gfauseganan emu sas fagdaul ku amatanganan sis salubangan ke ngay fagmabalyananun.

Alubad. 28:7

Gfabitsug tuo ay gdiri angku. Gafanud au sa emu sas fagdaul ku amatanganan. Nu katanya, galubad au gfauseganan emu.

Alubad. 32:7

O wan ku fagsuksuanan; gdiri tuo angku sis buknga fagidapun. Ay nafoyung o sa angku ngay alubad sabaliwa nu gfalangfe o.

Alubad. 71:23

Aroro nafalangfe tuo angku, guro au guseganan kaduge au galubad sa emu.

Fangatulun 14:8

Sik taw at ke fagsafulun, saful tua at fagnamakamulunun, dewa katanya, sik taw at yud mamatanganan, gdaya way at sadili.

Fangatulun 18:1

Takamasadiliun fag taw, masaman way siginans fagngayuan, ay wa gfadiuganan sat matuyan fag ngay amatanganan.

Sulumun at Alubad 1:1

Tuy Sulumun at alubad at maksvn nu masine.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 30:29

Dewa katanya, fagayu am Dius at ngay taw nangalubad tuam, kata ay fakamulun sad yabi gina am gfauseganan Yawi. Ay guseganan am kata sik ngay taw tagadgaloan glo sas Yawi at Buksul kaduge e gfawang ngay tulali, laman nanseg anya, Israel at fagsarirungan fag gang.

Isayas 5:1

Nangalubad au sik alubad laman sa ku fakesugun, sabaliwa at tanuman wat ubas: Ku fakesugun e tanuman wat ubas si sik buksul sit masine fag daga.

Eremyas 15:16

Yawi, ebi gina o garingang sa angku, nadungugan au emu, ay guseganan au am ngay longan, ay kabavn si ktua gugat emu.

Mateu 26:30

Ay nu nalubad wan sik alubad kanya fagayu nalo wan sas Buksul Ulibu.

Lukas 2:51

Ay Isus noli wan sas Nasaret gfadgaloan at fagtainan. Ay Isus gfaning at fagtainan at longan. Ay at mina gamatangan gugat takatanya fagayu.

Uan 15:7

Nu gbanwan tuam si angku, ay ku ngay longan gbanwan si ayu, eti nusnge wain ay fakaylatun, ay gfon kwa fia ayu.

Ruma 10:17

Nu katanya, tam fagafanudun kasure siginan tam nadungug, ay nadungug tam takatanya aroro siginan nu e gfoyung sa antam sabaliwas Dius at nafili fag Fun.

Ruma 15:14

Ku ngay faduksay, gafanud au te, mapnu am fagmasineun ay fagsafulun ay saful tuam gfodfoyungan.

1 Kurintu 14:15

Nu katanya, nataw at masine ku fakamulun? Gdarangin au ay galubad siginan ku falad, ay siginan yangay ku amatanganan.

1 Kurintu 14:26

Ku ngay faduksay, katatuy at masine ay fakamulun gina am maful: tiba si ayu tagalubad, ay tiba tagfoyung, ay tiba tagfayamag Dius at longan, ay tiba tagaringang sa sangay fangaringang at yud katogdungug, ay tiba gfayamag kafag ngay fangaringang at masuad. Fakamuluni takatanya fagayu laman gfaksvn ayu fag ngay tagafanud.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

Efesu 5:17

Dangay am yud e fagsafulun, nu bunway atogdungugi tua te, setain tam Fun at fakaylatun.

Efesu 5:19

Fodfoyungani ay alubadi siginans Dius at Longan fag ngay alubad ay siginan ay ngay fafil fag ngay alubad, ay siginan ay amatanganan fag ngay alubad. Nu galubad am, fagdauli tua ay amatanganan at ke fagusegananun sa tam Fun.

Efesu 5:26

laman gfayud e malong ay gfasine anya fagayu siginan nu kasurung sasad mamam ay siginan Dius at Longan.

Kulusas 1:28

Kanya wan em fakamoyungun sabaliwa tam Fun Isus sas fagayu taw. Gfamatangan ami sas fagayu taw ay gfayamag ami ay kamoyung kaksvn em fagmakatuun, laman fagayu taw manansalubang sas Dius, ay di e malong aroro siginan at fagmasadiun sa tam Fun Isus.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Kulusas 4:6

Faylatani nu gkamatoan am, kata sik fakonun at mataba, laman ngay taw kaylat tua gdungugan, ay mafabalus tuam ngay taw nu e fagintoun sa ayu.

1 Tesalunika 1:8

Aroro siginan ayu tam Fun at longan andasug sas Masidunya ay sas Akaya, ay fagayu taw nusnga nday fag talun, nasaful yangay sabaliwa ay fagafanudun sas Dius. Nu katanya, wami e fagyalongun ya sanya baliwa.

1 Tesalunika 4:18

Nu katanya, fadfamatangani tua takatanya fag ngay longan laman gfabitsug ay ngay amatanganan.

2 Tesalunika 3:15

Dewa katanya, lag am gfangayan anya te, ay fawayan, nu bunway famatangi anya aroro kanya ay faduksay.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

2 Timuteu 3:15

Siginan ngay nu masisian o, saful wo Dius at Longan, tagfae fagsafulun emu sabaliwas fakalangfean siginan am fagafanudun sa tam Fun Isus.

Titu 3:6

Siginan tam Fun Isus tam Tagfalangfe, Dius nafon sa antam at Masine fag Falad,

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.

Santiagu 3:17

Fagsafulun tagsiginans Dius: taguna, di e malong, ay manabayan tua, ay malukme, ay mafamaning, ay mafangafanyu ay masine, ay di e fagfili, ay di kamuag.

Santiagu 5:13

Nusnga sinu si ayu at ke fagagwantanun, kanya darangini. Ay taguseganan, alubadi fauseganani tam Dius.

1 Uan 2:14

Griruk au sa ayu, ku ngay sisian, aroro natoglag tuam tam Mama. Griruk au sa ayu, ngay mama, aroro natoglag wam tagsiginans fakasigadan. Griruk au sa ayu, ngay baguama, aroro mabitsug tuam, ay aroro Dius at longan gbanwan tua si ay ngay amatanganan, ay aroro nababo wam Satanas.

1 Uan 2:24

Ay am, bakvdi ay nadungug siginan ebi taguna laman e fagmasadiun tuam sat Baguama ay anggan sat Mama.

1 Uan 2:27

Tam Fun Isus nafon sa ayu at Masine fag Falad. Nu katanya wam gayudan ya tibak takamoyung, aroro at Masine fag Falad tagfoyung ayu nusnge wain fagayu. At ugali matuyan ay kanya wa kamuag. Ay faningi at foyungan ayu te, banwani gugat sa tam Fun Isus.

2 Uan 1:2

Kesug ami ayu, aroro at Matuyan gbanwan tua si antam ay gufud antam kabavn.

At Nafasure 14:3

Ay kanya fagayu galubad sik bagu fag alubad sis salubangan faglunggungan ay sas ufatk tagleleg fag awatan ay sa sangay fagtainan. We taw masaful kafag alubad nu bunway kafag 144,000k taw at kinlangfe tagsiginans fagdaul daga.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

At Nafasure 5:9

Ay kanya fagayu galubad sik bagu fag alubad te, “O wan at masine gbul at mafabilugan fag fafil ay at malusi kafag ngay fandafut. Aroro anbul o, ay siginan am taguk nabayad o ngay taw laman sas Dius, siginans fagayu kasugfunanan, ay fagayu fangaringang, ay fagayu gaban taw, ay fagayu talun.