Kulusas 3:1 - Fanawbuid tagsibaliwas Fakayabian

¹ Dius nafadog wan nafaleleg ayu gasfuan tam Fun Isus. Nu katanya, ay fagamatanganun fasai tua gugat sbanwa, sa tam Fun Isus, at malunggung sis Dius at siun.

Kulusas 3:1 ပူးပေါင်းရင်းမြစ်များ

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Alubad. 16:11

Nafoyung o sa angku dalan tagsas leleg at yud e fakatabuan, ay gfon tuo angku fagusegananun sim daga salubangan, ay fagmabayanun at yud e fakatabuan.

Fangatulun 15:24

Ke fagsafulun fag taw nu glao, sa tua sdalan tagsas leleg laman masaruy fakabulun.

Takamoyung 10:2

At ke fagsafulun fag taw kaylat tua gfakamulun at masine, dewa katanya, at yud e fagsafulun kaylat way namakamulun at mauri.

Mateu 22:44

‘Tam Fun nalong sa ku Fun te, Malunggungi sa ku siun baliwa, ay namababo au emu sa am ngay fawayan.’

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Mateu 6:20

Ay fagfafulun ang yakman ay fagmaramramanun sas banwa. Aroro sanya we fatung ay we anenay ay we gfamin ay nafaful. Ay we tagfangkamul masakbo sanya laman nanfangkamul.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Markus 12:36

Dabid yangay at nalong gina at Masine fag Falad nafamatanganan anya te, ‘Tam Fun nalong sa ku Fun te, Malunggungi sa ku siun baliwa, ay namababo au emu sa am ngay fawayan.’

Markus 14:62

Ay Isus nabalus te, “Au wan. Ay lumag ban am angku, Taw at Baguama, nu malunggung au sit Mabalyanan at siun ay nu kadasug au siginan sad linyabu sis kiwang.”

Markus 16:19

Ay tam Fun Isus nu nalong wan sat ngay tagadal takatanya, e nafabat anya sas banwa ay kanya nananmalunggung sas Dius at siun baliwa.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 20:42

Dabid yangay tagfoyung sas Alubad fag fafil te, ‘Tam Fun nalong sa ku Fun te, Malunggungi sa ku siun baliwa,

Lukas 22:69

Dewa katanya, Au, Taw at Baguama, nanmalunggung kban sas Dius at mabalyanan at siun baliwa.”

Fakamulun 2:34

Bunwa fun Dabid at nasas banwa, dewa katanya, kanya nalong te, ‘Tam Dius nalong sa ku Fun te, Malunggungi sa ku siun baliwa,

Fakamulun 7:55

Ay at Masine fag Falad antayuk sas Esteban, ay kanya natangda sas banwa ay nalag Dius at fagmatuyanun ay nalag yangay Isus nu malindug sit siun baliwa.

Ruma 8:34

Nu katanya, sinu ya at mafaurianan antam? Tam Fun Isus bundi lang anbul ay nadog naleleg, nu bunway kanya malunggung yangay sis Dius at siun, ay gwabilug antam gdarangin sas Dius.

Ruma 8:6

Tagamatangan gugat sabaliwa at bilug at fakaylatun, at fakadasugan ban sa ways fakabulun. Ay tagamatangan tua gugat sabaliwa at Masine fag Falad, kanya ban e leleg tua ay e fagmanabayanun.

2 Kurintu. 4:18

Ay em fagfanyaun katsi bundi tagste swa daga takalag, aroro fagayu tagste swa daga e fakatabuan way ban. Ay dewa katanya, at yud kalag, kanya tua ban at yud e fakatabuan kabavn.

Efesu 4:10

Ay at natustus ste swa daga kanya yangay at kinkabat sa tiba tungud fag banwa laman siwa anya fagayu nusnge wain.

Efesu 5:22

Ngay mangena, faningi tua ay mesa mangama kata nu gfaning am tam Fun.

Kulusas 2:20

Anbul oma am gasfuan tam Fun Isus ay nalfas oma am siginan fagdaul daga at ugali at fagmabalyananun. Ay wain ay fagfaningun yay fagdaul daga at ngay suguan te,

Kulusas 3:2

Katanyai tua gugat ay fagamatanganun, dangay tagste swa daga,

Ebreu 1:13

Kabavn Dius wa batang glong sas nusnga sinu fag tagbarita te, “Malunggungi sa ku siun fag tigyangan, nu dyakmay ban au nafasa am daga darafa am ngay fawayan.”

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 10:12

Ay tam Fun Isus sayginan way gfon fanggalangun laman famalyam tam ngay asalanan. Ay sanya ginan, kanya malunggung sas Dius at siun.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 8:1

Katatuy fagdaul ku foyungan ayu te, e tiba tungud tam fag tagfon fanggalangun at malunggung sis banwa sat mabalyanan fag Dius at siun.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.