Kulusas 2:4 - Fanawbuid tagsibaliwas Fakayabian

⁴ Nafoyung au sa ayu takatanya laman diam gadayan nusnga sinu ban fag takamoyung takamaylatan nu gfoyung.

Kulusas 2:4 ပူးပေါင်းရင်းမြစ်များ

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Mateu 24:4

Ay Isus nabalus te, “Mataganani tua laman diam gadayan nusnga sinu.

Markus 13:22

E kadasug ban ay kamuag te, ‘Au wan Dius at nafili fag Fun,’ ay ‘Au wan at sadi Dius at taglong.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Fakamulun 20:30

Siginan yangay ban ayu takamuagan fag ngay takamoyung, kanya ban fagayu, namalyam ngay tagafanud sas Isus at ngay fagafanudun, at fakaylatun te, laman namaning am anya.

1 Kurintu 2:4

Ku longan ay ku foyungan bunwa at mafaylatan ay at mamatanganan fag longan, nu bunway siginan tua at Masine fag Falad at nafalag fag fagmabalyananun,

2 Kurintu. 11:3

Dewa katanya, gamatangan au gugat te, ay ngay amatanganan manyayu siginan at matuyan ay nu gafanud am sa tam Fun Isus, kata Eba nu gadayan ule.

Galasya 2:4

Fakatanyaun, aroro ngay taw takamaningan te, gafanud, ansuglat si antam laman masuksuk ginsaful te, tain tam Fun Isus nu gfalfas antam, ay kanya kaylat nu gdog tam gafagsuguanan Muisis at Faugali.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Efesu 4:17

Katatuy ku longan sa ayu siginan tam Fun te, lag am gugali ya kata at yud Udyu fag ngay taw at ugali ay at yud e tungkul fag ngay amatanganan.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

Kulusas 2:8

Dirii laman diam gatabanan sa sangay foyungan at yud e tungkul ay takamuagan, kata tam ngay mangaguyang at fagsafulun ay siginan fagdaul daga at ugali. Takatanya fag foyungan bunwa siginan tam Fun Isus.

2 Timuteu 2:16

Saruyi at yud e tungkul ay at mauri fag kamatoanan aroro nusnga sinu tagfakamulun takatanya kaugat way nu kayayu siginans Dius.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

1 Uan 2:18

Ku ngay sisian, katsi munakbang wan at fakatabuan fag ngay menit. Ay nadungug wam te, kadasug ban tagfawayan tam Fun Isus. Ay dewa katsi ngayu wan tagfawayan tam Fun Isus. Nu katanya, nasaful watam te, katsi munakbang wan at fakatabuan fag ngay menit.

1 Uan 2:26

Nariruk au sa ayu sabaliwa ngay taw tagfandayan ayu.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 20:3

Ay naukas anya sas lusung ay nadingding ay nafaksvn laman wa kaluang ya, laman wa nanfandaya ya sas fagayu talun at ngay taw, yakmay ban antabu kafag sadik libuk banwa. Ay nu nlangfe ban kafag sadik libuk banwa, gdog yay ban gfalfas anya sik kadugayun sirut.

At Nafasure 20:8

ay gduksun laman nandaya fagayu talun at ngay taw sas ufatk fugungan daga, at masuad Gug ay Magug, ay kanya namaful kafag ngay taw laman namalganan namawayan. Kafag ngay taw kayu slagnas sis tigyangan dagat.