Kulusas 2:18 - Fanawbuid tagsibaliwas Fakayabian

¹⁸ Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

Kulusas 2:18 ပူးပေါင်းရင်းမြစ်များ

Fakasigadan 3:13

Ay Yawi nainto wa vtv sas mangena te, “Nataw am nafakamulun?” Ay mangena gbalus te, “Ku fagnaonun kafag rawvg, nadayan au ule.”

Ub 38:2

“Wain am fagawabiluganun sa ku fagsafulun? Am ngay longan tagfatuyan te, wo e fagsafulun.

Isayas 57:9

Ay nanamuba am langis ay famaebebanglu sa ay fagsegan Mulek. Ay nasugu am at nanrvbvy tibak fagsegan sa tangayayu fag talun, ay dewa sa sangay fagfolian nanrvbvy yayam.

Esekyel 13:3

‘Au, Fun Dius Yawi, glong au te, afanyuan ban at yud e fagsafulun fag ngay taglong, at foyungan tagsiginan way at sadili amatanganan, ay yud batang gtaginfan.

Daniel 11:38

At fagsegan sik dius way tagiklas at maaladan fag ngay furuan. Kanya gfauseganan kafag dius at ngay mangaguyang at fagyudun toglag. Kanya gfon fanggalangun gintu, salapi, ay mafanud fag ngay gang ay tiba yak mafanud fag famonun.

Tap 25:18

aroro ebi kanya fag ngay taw natuyan ayu te, at ngay fawayan. Ebi gina am sis Peur, kafag ngay taw ay Kusbi, ngay taw Midyan at tagfangguna at baguina, nafaylatan ayu. Dewa katanya kanya fag mangena anbul gina faurianan andasug sas talun Peur.”

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Ruma 1:25

Kanya fagayu natubus at matuyan fag foyungan sabaliwas Dius sas fakamuagun. Ay kanya fagayu at fagsegan ay at fagfaningun ngay awatan way, abat ngate, Takawat, at matuyan tam fagfausegananun kabavn ban. Anud.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

1 Kurintu 13:4

At ke fakesugun fag taw mafangagwanta tua ay malukme, ay di gfangalabian ay di kamatungudun,

1 Kurintu 3:3

Aroro gfaning yayam ay bilug at fakaylatun. Gfangalabian yayam ay gawayan, takatanya ay fakamulun gfatuyan te, gfaning yayam ay bilug at fakaylatun ay fagdaul daga at ugali.

1 Kurintu 4:18

Ay tibak taw sanya kamatungudun aroro gamatangan te, kwa ban kadasug ya sanya.

1 Kurintu 4:6

Ku ngay faduksay, ami Apulus ay fagfaningan laman e tungkul tuam, ay sumaful am at masuad sik faydayuanan te, “Lag glangfe at Rirukan.” Ay laman nusnga sinu am wam e kamatungudun te, ami fag ngay nasugu at sadi gtungud tua em iba.

1 Kurintu 8:1

Katatuy ku famayamag nu saman baliwas fakonun at nafon sat yud matuyan fag ngay fagsegan. Nasaful watam te, fagayu tam e fagsafulun watam. Ay kafag fagsafulun gbuba antam sas fakamatungudunun, ay dewa katanya, fakesugun gfaksvn tam fagafanudun.

1 Kurintu 9:24

Nasaful wam te, fagayu taggudgunan gtarung, ay dewa katanya, sadi way tagbabo. Nu katanya, fasinei fia nu gtarung am laman ban mababo tuam.

2 Kurintu. 11:3

Dewa katanya, gamatangan au gugat te, ay ngay amatanganan manyayu siginan at matuyan ay nu gafanud am sa tam Fun Isus, kata Eba nu gadayan ule.

2 Kurintu. 12:20

Aroro gafanawa au te, gina kban andasug sanya, e lagan kway ban manga ku fagyudun guseganan si ayu, ay e lagan yangay ban am manga ay fagyudun guseganan ku fakamulun, ay gawayan way ban am manga, ay galabian ay iba, ay kadkadotaman, ay gbadbaboan, ay glong at yud matuyan sabaliwa ay iba, ay ginasan sat yud matuyan, ay kamatungudun, ay gugali at yud matuyan fag ugali.

Efesu 4:17

Katatuy ku longan sa ayu siginan tam Fun te, lag am gugali ya kata at yud Udyu fag ngay taw at ugali ay at yud e tungkul fag ngay amatanganan.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

Deuterunumyu 29:29

E ngay masuksukan nusnge wain, ay Yawi tam Dius way lang at nasaful, dewa katanya, kanya nafoyung sa antam at foyungan, ay masine nu gfaning ban tam gugat kanya fag nasadian anggan ban tam ngay kasugfunanan.

Filipus 3:14

Gfataglayun au sitsigons fakatabuan laman namul au at famonun fag leleg at yud e fakatabuan, magamut si tam Fun Isus, siginan Dius at nauroan angku.

Kulusas 2:23

Ngay taw at amatanganan, kafag ngay foyungan kata tua at mamatanganan fag taw at foyungan, aroro kafag ngay tagfandaya maksvn nu gseg ngay tagbarita, ay wa matuyan nu kamababaun ay gfaidapan at sadili. Dewa katanya, takatanya fag ngay suguan wa mafafaragang tam bilug at fakaylatun.

Kulusas 2:4

Nafoyung au sa ayu takatanya laman diam gadayan nusnga sinu ban fag takamoyung takamaylatan nu gfoyung.

Kulusas 2:8

Dirii laman diam gatabanan sa sangay foyungan at yud e tungkul ay takamuagan, kata tam ngay mangaguyang at fagsafulun ay siginan fagdaul daga at ugali. Takatanya fag foyungan bunwa siginan tam Fun Isus.

1 Timuteu 1:7

Kafag ngay taw kaylat nu sik tagfoyung fia Muisis at Faugali, deyud fia nasaful at longan ay at foyungan at fagfabulunun te, togdungug.

1 Timuteu 4:1

Mayamag wan at Masine fag Falad at longan te, sa ban taguyan fag ngay menit tiba bank taw gubun at fagafanudun, ay nangalo takamuagan fag ngay falad ay ngay bara at ngay foyungan.

2 Pedru 2:14

Kafag ngay taw kabavn gdama gugat sa sangay mangena ay gamatangan sas fagfanugtugun, ay wa gfaragang nu gfakamulun sas asalanan. Kanya gtaban at ngay mamomuy fag taw sas asalanan, ay annanad wan sas fagfanganuranun. Kanya ban fagayu umfaurianan.

1 Uan 2:26

Nariruk au sa ayu sabaliwa ngay taw tagfandayan ayu.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.

At Nafasure 13:14

Ay e nafon sa anya fagmabalyananun gfakamulun at ngay madulo. Ay siginan at ngay madulo kanya nafandaya ngay taw sas fagdaul daga. Kanya nasugu sa sangay taw te, “Awati sik takata tagfangagat fag mela at nabasingan fiso ay at kinfia yay.”

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

At Nafasure 3:11

Munakbang wan nu kadasug au. Bakvdi fia tagsi ayu fag ugali laman ban nusnga sinu fag taw we maago siginan ayu ku fagnamonun ban sa ayu fag famonun.