Kulusas 2:16 - Fanawbuid tagsibaliwas Fakayabian

¹⁶ Nu katanya, lag am gafanud tibak taw dewa glong sa ayu te, mauri way ay fakamulun, sabaliwas fakonun ay fanginum, ay sabaliwa ay ngay fagmafulun ay anggan gina am maful sabaliwa Magdanun nu bagu Kasure, ay Famiangalay fag Menit.

Kulusas 2:16 ပူးပေါင်းရင်းမြစ်များ

2 Fun 4:23

Ay at mangama nainto te, “Wain fagkatsiun yay nu glao o? Katsi bunwa fagmafulun sabaliwa Magdanun nu Bagu Kasure ay bunwa Famiangalay fag Menit.” Ay at mangena gbalus te, “Dewa ro.”

1 Krunika 23:31

Ay kanya fagayu ggubuk yangay nu gfon ngay fagirugun fag ngay fanggalangun sas Yawi galay Famiangalay fag Menit, ay galay fagmafulun sabaliwa Magdanun nu Bagu Kasure, ay sa tiba yak fagusegananun. Ay kanya fagayu e ngay faugali nu seyuk taw Lebi at namakamulun sa kafag ngay fakamulun ay nu setain nu gfakamulun.

2 Krunika 31:3

Ay fun Esekyas nafon yangay at ngay fagbaugun laman at fanggalangun at fagnangirugun sis balabag ay sis fafun, ay at fanggalangun gina famiangalay fag menit, ay laman sas fagmafulun sabaliwa Magdanun nu Bagu Kasure, ay sa tiba yak fagmafulun, kata at marirukan sis Yawi at Faugali.

Nemyas 10:31

Ay nafatuyanan yaymi fia te, wa ban mi gbul siginan em yud gaban at gutluan ay nusnga setaw at famaloun gina Famiangalay fag Menit, ay tiba yak menit at mafasamanan. Ay galay ban fafituk banwa, wami gtanum sa em ngay daga, ay wa ban mi get ya famayad at ke ngay bedan sa emi.

Nemyas 10:33

Kanya fag salapi famul tinapay laman at fanggalangun sas Dius at daga salubangan, ay gutluan fag ngay fanggalangun, ay ngay fagirugun fag ngay fanggalangun at fagfonun kayu menit, ay fanggalangun sis Famiangalay fag Menit, ay fanggalangun galay fagmafulun sabaliwa Magdanun nu Bagu Kasure, ay tiba yak fagmafulun, ay tiba yak fanggalangun at mafilian, ay fanggalangun laman famalyam ngay taw Israel at ngay asalanan. Ay tiba at salapi, famul tiba yak fagagbilugun si em Dius at bale.

Nemyas 8:9

Kaduge ngay taw gdungugan nu e gfayamag kafag Faugali, kanya fagayu gwayway. Nemyas fag fun sirut, ay Esra fag tagfon fanggalangun ay tagfoyung Dius at Faugali, ay ngay taw Lebi tagfayamag kafag Faugali, nalong te, “Katsi fag menit sik nafasaman sa ay Dius Yawi, nu katanya, lag am gwayway.”

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 81:3

Uyupi budyung galay fagmafulun sabaliwa Magdanun nu Bagu Kasure, ay gina magdanun mabalulang.

Isayas 1:13

Faragangi wan nu gfon am sa angku ay ngay fanggalangun, wa ngap e tungkul. Kauri kway gayuk ay ngay famaebebanglu fag lune at ayuk. Maksvn nu kauri au ayu galay am maful sabaliwa Magdanun nu Bagu Kasure ay Famiangalay fag Menit, aroro dewa ngap am maful, mauri way ay fakamulun.

Esekyel 4:14

Sanya ginan, nalong au te, “Yawi, ku Fun, lag o gsugu angku te, fakamuluni takatanya. Nasaful wo, kwa batang gfasuya ku sadili, siginan nu masisian au dasug katsi. Kwa batang kon nusnga setaw fag fagbaugun at kinbul, ay tibak mangilafang at nafabul, ay kwa yangay batang kon nusnga setaw fag fagbaugun at yud masine ay am nafatuyan te, masuya.”

Esekyel 45:17

Ay kafag tagfangguna namon fagirugun fag ngay fanggalangun, gutluan fag ngay fanggalangun, fanginum fag fanggalangun, famalyam asalanan fag fanggalangun, ay fanggalangun laman sas fagmanabayanun. Kanya namon takatanya fag ngay fanggalangun galay fagmafulun sabaliwa Magdanun nu Bagu Kasure, Famiangalay fag Menit, ay tiba ya at fagmafulun. Kanya namon kafag ngay fanggalangun laman famalyam ngay taw Israel at ngay asalanan.

Amus 8:5

Kanbang wam daul ay fagmafulun galay magdanun ay Famiangalay fag Menit nu katabu, laman namalao am ay ngay gutluan, ay nanfamuagan am nu gfabudbungguan ay nu gtas trigu.

Tap 10:10

Ay fawangi yangay ay ngay budyung gina am maful si ay ngay fagmafulun gina sit nafalganan fag buknga, ay gina am maful sabaliwa magdanun nu bagu kasure, ay gina am gfon ay ngay fagirugun fag ngay fanggalangun ay ay ngay fanggalangun laman sas fagmanabayanun. Kanya fag ngay budyung tagfamatang angku sabaliwa ku nasadian sa ayu. Au wan ay Dius Yawi.”

Mateu 15:11

Bunwa fakonun tagfasuya taw, at longan way at mauri tagfasuya anya.”

Markus 7:19

Aroro fakonun kadasug sas ungdan ay gtaglayun sas alangan, ay wa kadasug sat amatanganan.” Isus at fagnalongun katanya nafoyung te, fagayu fakonun masine wan.

Fakamulun 15:20

Nu bunway namoyung way tam sa anya fagayu te, ‘Lag kon nusnge wain fag fanggalangun at nafon sa sangay taw at nawat fag fagsegan, ay lag gfanugtug, ay lag namatugtug, ay lag kon yamas fagbaugun at yud nafataguk ay anggan taguk.’

Ruma 14:10

Wain am faglongun sabaliwa am faduksay te, mauri at fakamulun? Ay wain am fagfalingunun am faduksay? Fagayu ban tam nansalubang tam sas Dius at daga salubangan.

Galasya 4:10

Nustua, e nafili am menit, magdanun ay banwa, ay tiba yak buknga.

Kulusas 2:20

Anbul oma am gasfuan tam Fun Isus ay nalfas oma am siginan fagdaul daga at ugali at fagmabalyananun. Ay wain ay fagfaningun yay fagdaul daga at ngay suguan te,

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

Ebreu 9:10

Kafag ngay tagfon fanggalangun at ngay nafakamulun sa way lang baliwas fakonun ay fanginum ay ngay balyawvtan nu gfegus, ay tagste swa daga fag ngay ugali. Takatanya fagayu sik famanya way yakmay andasug Dius nu gfabagu fagayu nusnge wain.

Santiagu 4:11

Ku ngay faduksay, galay am at sadi, lag am glong at mauri sa ay iba. Aroro taglong mauri ay tagfauri at faduksay, gfauri Muisis at Faugali. Ay nu gfauri way o kafag Faugali, bunwo sik tagfaning ya, nu bunway sik tagfili way o te, o mauri ay mannga duan.

1 Samwel 20:18

Sanya ginan, Yunatan nalong sas Dabid te, “Balabag ban sis fagmafulun sabaliwa Magdanun nu Bagu kasure, ngay taw ban sumaful te, wo sanya aroro we malunggung sim faglunggungan.

1 Samwel 20:5

Dabid nalong te, “Balabag ban fagmafulun sabaliwa Magdanun nu Bagu Kasure, ebi ginan gfasfuan au am mama nu gfangon. Dewa katanya, katsi aylati nu nanuksuan au sas gamasun sitsigons fatuluk fafun.