Kulusas 2:11 - Fanawbuid tagsibaliwas Fakayabian

¹¹ Aroro siginan ay fagmasadiun sa tam Fun Isus anke fakatoglagan tuam, bundi takalag si ay bilug fag fakatoglagan, nu bunway siginan tua nu gubun am at mauri fag ngay ugali ste swa daga. Takatanya fag fakatoglagan tagsiginan tam Fun Isus.

Kulusas 2:11 ပူးပေါင်းရင်းမြစ်များ

Eremyas 4:4

Ngay taw Uda ay taw Erusalem, fasinei wan ay ngay amatanganan si ku daga salubangan, aroro nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri. Umfasludan ban takatanya aroro sa ay nafakamulun at mauri.”

Markus 14:58

“Nadungug ami tuy fag taw nu glong te, ‘Nanrasras kban Dius at bale, ngay taw at nawat, ay nu nlangfe ban tuluk menit, nangawat au at sadi, bundi taw at ke awatan.’ ”

Lukas 2:21

Nu nlangfe waluk menit, nu nafae fakatoglagan wan kafag sisian gfaning taw Udyu at faugali, at fagtainan nafangayan anya te, Isus, kata tagbarita at nalong gina kafag sisian yay yud ansalug.

Fakamulun 17:24

“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale,

Fakamulun 7:48

“Dewa katanya, Tiba Tungud fag Dius wa gbanwan sis taw at nawat fag bale. Kata at taglong at longan te,

Ruma 2:29

At matuyan fag taw Udyu, bunwa at nafae fakatoglagan aroro gfaning Muisis at Faugali, nu bunway at natubus tua at amatanganan siginan nu gfaning at Masine fag Falad. Dius guseganan tua takatanya fag taw, ngay taw deyud kaylat anya.

Ruma 6:6

Saful watam te, tam dan fag ugali anrabing wan sas fasulungan kayu gasfuan tam Fun Isus, laman tam dan fag ugali kamin wan, ay laman wa tam gafagsuguanan ya sas asalanan.

Ruma 7:24

Afanyuan kway lang. Sinu ban manga tagfalangfe angku tuy fag bilug tagfadasug angku sas fakabulun?

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Galasya 5:24

Nusnga sinu at kinsadi sa tam Fun Isus, kanya naubun wan at dan fag ugali ay at mauri fag fakaylatun.

Efesu 4:22

E nafoyung ayu te, ay fagfangalabianun gdaya ayu laman namamin ayu, ay nu katanya, ubuni wan ay dan fag ugali anggan ay dan fag ngay fakamulun.

Deuterunumyu 10:16

Nu katanya, fabalii wan ay ngay amatanganan, ay lag am kamaogatun ay ngay amatanganan.

Deuterunumyu 30:6

Ay sanya ginan ban ay Dius Yawi gfabali ay ngay amatanganan ay anggan ay ngay kasugfunanan at ngay amatanganan, laman ban kesug tuam fia anya, ay ngaduge tua ban nu gleleg am.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Ebreu 9:11

Ay Dius at Nafili andasug laman tiba tungud fag tagfon fanggalangun. Ay kanya nafosuk sa antam sik fagmasineun, gtungud tua tam fagdalanun katsi. Ay katsi kanya gfakamulun sis fagnansegan Dius fag bale ramit, bunwa taw at nawat ay wa ste swa daga.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.