Kulusas 2:10 - Fanawbuid tagsibaliwas Fakayabian

¹⁰ Ay siginan ay fagmasadiun sa tam Fun Isus, ay leleg ansak tua. Kanya wan tiba tungud sas fagayu fagmabalyananun ay fagmafunanun sas fanfalad.

Kulusas 2:10 ပူးပေါင်းရင်းမြစ်များ

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Uan 1:16

Aroro kanya maksvn nu magalang ay matuyan, fagayu tam mul tam at fagmagalangun yud e fakatabuan.

1 Kurintu 15:24

Ay sanya ginan ban kadasug wan fakatabuan, ay gina ban tam Fun Isus nababo fagayu funan, ay tagfangguna ay at mabalyanan sas falad, kanya ban gfon wan sa tam Dius tam Mama fagmafagtainanun.

Efesu 3:10

laman fagayu tagafanud katsi gfasaful sa sangay fun ay sa sangay tagfangguna sis banwa, sabaliwas Dius at fagsafulun at yud e fakatabuan.

Efesu 3:19

Ay laman sumaful am tam Fun Isus at fakesugun, dewa tam yud nasaful fagdaul at fakesugun. Nu katanya tua, umtayuk wam fia fagdaul Dius at fagmadiusun.

Kulusas 2:15

Ay siginan takatanya, Dius nababo wan ngay tagfunan ay at ke ngay fagmabalyananun sas fanfalad. Kanya nafalag sas fagayu taw te, at fawayan nababawan wan.

Kulusas 3:11

Nu katanya, fagayu taw gsud way, dewa taw Gresya, ay taw Udyu, ay at ke fakatoglagan, ay at yud e fakatoglagan, ay at nafoyungan fag taw, ay at yud yay nafoyungan, ay sik fagsuguan, ay yud fagsuguan. Tam Fun Isus way lang at mafanud, ay kanya tagsi ayu fagayu.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.