Kulusas 2:1 - Fanawbuid tagsibaliwas Fakayabian

¹ Kaylat au nu sumaful am te, se aksvn nu gugatan au gfakamulun laman sa ayu, ay sas fagayu tagafanud sis Laudisya ay anggan yangay sas fagayu at yud batang glag angku.

Kulusas 2:1 ပူးပေါင်းရင်းမြစ်များ

Fakasigadan 30:8

Ay Rakel nalong te, “Maksvn nu gawayan ami duksay ay nababo au anya.” Nu katanya, kanya nafangayan at munama te, Naftali.

Lukas 22:44

Ay Isus gfaksvn nu gdarangin aroro maksvn nu kabalu, ay at fangenit nu ganting sas daga, kata sik taguk.

Fakamulun 20:25

“Ay saful kwa te, gina au kamoyung, nafoyung kwa sa ayu sabaliwa Dius nu gfagtainan, ay katsi glong au sa ayu te, siginan ban katsi, wa ban tam gdog ya gladlagan.

Fakamulun 20:38

Ay maksvn nu kabalu aroro Pablu at nalongan te, “Wa ban am gdog ya lumag angku.” Sanya ginan, nanangufud wan sas sakayan lino.

Galasya 4:19

Ku ngay sisian, gdog au gidapan kata sik mangena tagafasalugun yakmay kban nalag te, siwa ayu tam Fun Isus at ugali.

Filipus 1:30

Katsi, ansadi am sa angku gfabadbaboan kata ay nalag ku fagidapun ebi ay ay nadungug fag fagidapun tagsi yay gugat angku dasug katsi.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

Kulusas 1:29

Gugatan au gfakamulun takatanya siginan tam Fun Isus at fon angku fag fagmabitsugun.

Kulusas 2:5

Dewa au yud sanya gamatang ktua gugat ayu. Guseganan au aroro ay ugali masine tua, ay maksvn tua nu gafanud am sa tam Fun Isus.

1 Tesalunika 2:2

Nasaful wam te, naidapan ami ay nafalingunan sis furuan Filipus. Dewa katanya, tam Dius nafabitsug tua em amatanganan laman gfoyung ami sa ayu at Masine fag Barita dewa ngayu tagsalag emi.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”