Kulusas 1:9 - Fanawbuid tagsibaliwas Fakayabian

⁹ Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Kulusas 1:9 ပူးပေါင်းရင်းမြစ်များ

Alubad. 119:99

Ku fagtogdungugun ayu yap tua ku ngay takamoyung, aroro kabavn ku fagamatanganun am ngay foyungan tua.

Alubad. 143:10

O wan ku Dius, nu katanya, foyungi angku laman gfaning ktua am fakaylatun. Nangus am Masine fag Falad gtaban tua gugat angku sat masine fag dalan.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Fakamulun 12:5

Ay kaduge Pedru maubungan, ngay tagafanud maksvn nu gdarangin anya.

Ruma 12:2

Lag am gfaning fagdaul daga at ugali, nu bunway asamani way ay tubusi ay amatanganan laman sumaful am Dius at fakaylatun, at masuad at masine ay tagfauseganan fia anya, ay at matuyan fia.

1 Kurintu 1:5

aroro siginan nu masadi sa anya ankaksvn tuam sas nusnge wain, dewa ay longan ay ay fagsafulun,

Efesu 1:8

gasfuan at famonun sa antam fag fagsafulun ay fag fagmamatanganun,

Efesu 5:10

Rvbvyi tua te, inday fag ngay ugali tagfauseganan tam Fun.

Efesu 5:17

Dangay am yud e fagsafulun, nu bunway atogdungugi tua te, setain tam Fun at fakaylatun.

Efesu 6:6

Dewa e glag ay deyud e glag, katanyai tua ay fakamulun, dangay am lang gfauseganan taw nu bunway aroro am wan tam Fun Isus at ngay fagsuguan, magani tua fia sa ay amatanganan nu gfakamulun am tam Dius at fakaylatun.

Filipus 1:4

Galay au gdarangin ayu, guseganan au

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Kulusas 4:5

Mamatangani tua nu gfadgaloan am at yud gafanud ay lag gfangulan ay buknga.

1 Tesalunika 1:3

Ay guseganan ami sa tam Dius tam Mama at daga salubangan galay ami namatang ay ngay nafakamulun siginan ay fagafanudun, ay anggan ay nafakamulun at masine siginan nu mafangesug am, ay nu gagwantan am siginan ay fagsegun sa tam Fun Isus.

1 Tesalunika 5:17

kabavn darangini,

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

Filemun 1:4

Kabavn guseganan au sas Dius galay au gdarangin emu,

Filemun 1:6

Ay gdarangin au te, gina o gfoyung sam iba sabaliwa am fagafanudun, sumaful o fia fagayu at masine tam nabul siginan tam Fun Isus.

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.

Santiagu 3:17

Fagsafulun tagsiginans Dius: taguna, di e malong, ay manabayan tua, ay malukme, ay mafamaning, ay mafangafanyu ay masine, ay di e fagfili, ay di kamuag.

1 Pedru 2:15

Aroro Dius kaylat at yud mamatanganan fag ngay taw nu ddi e fakamayudun sabaliwa ayu, siginan nu gfakamulun am at matuyan.

1 Pedru 4:2

Ay kaduge gleleg wa gfaning ya at bilug at fakaylatun, nu bunway at fagfaningun Dius tua at fakaylatun.

1 Uan 2:17

Ay fagdaul daga umkamin ban, anggan at fagfangalabianun, ay dewa katanya, nusnga sinu tagfaning Dius at fakaylatun, gleleg tua ban kabavn.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

1 Samwel 12:23

“Ay gdarangin kban gugat ayu sas Yawi, aroro kway ban nafakamulun takatanya, umke asalanan kban sas Dius. Ay gfataglayun kban gfoyung sa ayu at matuyan fag ngay ugali.