6 at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.
Ay e gfoyung ban sas fagdaul daga at Masine fag Barita sabaliwas Dius nu gfagtainan, laman sas fagayu talun at ngay taw sumaful. Ay sanya ginan, kadasug wan at fakatabuan.
Loi wan ay faetagadali angku sas fagayu talun at ngay taw. Fasurungi anya fagayu sa tam Mama at ngayan ay at Baguama at ngayan ay at Masine fag Falad at ngayan.
Ay tibak bvtang antong sat masine fag daga, ay natugbung ay anbia ay narawvg tua. Sik raug at bilug, tuluk safulu, ay tiba unumk safulu ay tiba sik sandan.”
Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.
Ay aroro sanya fag ngay taw, gfon au ku sadili sa emu laman sik fanggalangun at yud e malong, laman ban kafag ngay taw, matuyan te, umsik yud yangay e malong.
Ay kadasug ban sik buknga, ay kafag buknga katsi wan, at matuyan fag ngay tagseg, gseg tam Mama siginan fia at falad ay fagmatuyanun. Takatanya tua fag ngay taw tam Mama at fagrvbvyun tagseg anya.
Ay kanya fagayu nu nadungug takatanya, namaragangan ay gseg Dius. Ay nalong te, “Nu katanya, Dius nafon sik buknga sas yud Udyu fag ngay taw laman gubun at ngay asalanan, ay laman magbilug yangay leleg at yud e fakatabuan.”
At sadi tagdungugan emi, at ngayan Lidya, kanya siginans furuan Tiatira. Kanya sik tagfalao at mafanud fag lanbung masialungan, ay sik tagseg yangay Dius. Ay Dius naluang Lidya at amatanganan laman gafanud Pablu at foyungan.
laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’
Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan.
Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.
dewa katanya, katsi ansure wan ay ansaful siginan Dius at ngay taglong at Rirukan, ay gfaning at yud e fakatabuan fag Dius at suguan, laman fagayu taw gafanud tua ay galo anya.
Ay andasug tuami laman namoyung sa ayu at Masine fag Barita sa baliwa tam Fun Isus. Ay satu nu dway ro mi andasug sa ayu, nasawe wan nu kamatungudun ami.
Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.
Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.
aroro em foyungan fag Masine fag Barita andasug tua sa ayu bundi lang sis longan nu bunway siginan tua at Masine fag Falad at fagmabalyananun, ay maksvn nu gafanud ami te, em foyungan matuyan. Ay gina ami si ayu, nalag wam em ugali at masine; nafakamulun ami takatanya laman sa ayu.
Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.
Em ngay faduksay tam Fun at fakesugun, guseganan ami gugat sas Dius aroro sa ayu. Guseganan ami aroro siginans fakasigadan Dius nafili wan ayu laman gfalangfe, aroro Dius at Masine fag Falad at fagmabalyananun nafasine ayu laman diam e malong ay laman gafanud tuam sat matuyan.
Gtoglag au Silas te, sik matuyan fag faduksay. Kanya at nagubuk angku nu griruk au sa ayu tuy fag rirukan at munagud, laman gfaksvn ay amatanganan ay gfatuyan ayu te, Dius at nafakamulun sa ayu gfalag te, kanya magalang tua. Banwani sat fagmagalangun.