Kulusas 1:5 - Fanawbuid tagsibaliwas Fakayabian

⁵ E fagafanudun tuam ay e fakesugun aroro e fagsegun tuam ay fagnamulun at mafalganan sis banwa. Nasaful wam sabaliwa ay fagfanyaun, gina nafadungug sa ayu at matuyan fag longan, at Masine fag Barita

Kulusas 1:5 ပူးပေါင်းရင်းမြစ်များ

Alubad. 31:19

Kasakan tua am nafalganan fag ngay fagmasineun sas fagayu taw tagsuyu emu, ay sas fagdaul daga at ngay taw nalag.

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 13:26

“Em ngay faduksay, Abrayam at ngay kasugfunanan ay am at yud Udyu fag ngay taw tagfaning Dius, sa antam at fagfonan kanya fag barita sabaliwas fakalangfean.

Fakamulun 23:6

Ay Pablu nu nasaful te, tibak taw tagsanya taw Saduseu ay tiba yangay, taw Fariseu, mabitsug nu garingang sanya fag ngay tagfangguna te, “Ku ngay faduksay, sik taw au Fariseu, anggan ku mama taw yangay Fariseu. Ku fagafauriananun katsi aroro e fagsegun au te, fagayu ban taw dewa nbul, gdog yay gleleg.”

Fakamulun 24:15

Ku fagsegun kata yangay kafag ngay taw at fagsegun te, fagayu ban taw gdog yay gleleg, at mauri man ay at masine fag ngay taw.

Ruma 10:8

Nu bunway katatuy way at longan, “Dius at Longan munakbang si emu, ay si wa am bibig ay si am amatanganan.” Kanya wan at longan em foyungan sabaliwa nu gafanud sa anya.

1 Kurintu 13:13

Ay tuy fag tulu sanya tua gugat: fagafanudun, ay fagsegun ay fakesugun, dewa katanya, tagtungud, fakesugun tua.

1 Kurintu 15:19

Tam fagsegun sa tam Fun Isus nu katsi way lang fag leleg, itam wan at afanyuan sas fagayu taw.

2 Kurintu. 5:19

Katatuy ku longan at masuad: siginan tam Fun Isus, Dius nafafoli fagayu taw sa anya, ay wa ban gamatangan ya kafag ngay taw at asalanan. Ay kanya nafatigwanan wan sa emi takatanya laman namafoli ami ngay taw sa anya.

2 Kurintu. 6:7

Gfoyung ami at matuyan, siginan Dius at fagmabalyananun. Dius at fagmatuyanun kanya wan em famawayan ay em famalabag.

Galasya 2:14

Ay nu nalag au te, at ngay fakamulun wa matuyan ay wa gfaning at Masine fag Barita at fagmatuyanun, sis salubangan fagayu taw nalong au sas Pedru te, “Sik taw Udyu oma o, ay dewa katanya, gfaning yay o at yud Udyu fag ngay taw at faugali. Wain am fagfabulunun sas yud Udyu fag ngay taw te, faningi taw Udyu at faugali?”

Galasya 2:5

Dewa katanya, wami nafaning at fakaylatun nusdi alay, laman ban si tua ayu at Masine fag Barita at fagmatuyanun.

Galasya 5:5

Dewa katanya, em fagsegun ay em fagafanudun siginan at Masine fag Falad, Dius gtap tua emi kata nu yud ami e asalanan.

Efesu 1:13

Ay kanya nafasadi yangay ayu sa tam Fun Isus nu nadungug am at matuyan fag longan, at Masine fag Barita tagfon fakalangfean. Ay aroro anke fagafanudun tuam, kanya nafon tua sa ayu at Masine fag Falad, laman at famatuyan te, kanya nafili ayu.

Efesu 4:21

gina am nadungug sabaliwa anya. Ay sa ay fagmasadiun sa anya ansaful tuam at matuyan fag foyungan sabaliwas Isus.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

1 Tesalunika 2:13

Guseganan ami sas Dius aroro naylat tuam em foyungan. Ay nafaning bunwa taw at longan, nu bunway Dius tua at longan. Ay kanya fag longan gfataglayun gfasine ay leleganan, am fag ngay tagafanud.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

1 Timuteu 1:15

Tuy at matuyan fag longan tam fagfaningun fia ay tam fagafanudun: tam Fun Isus andasug ste swa daga laman namalangfe ngay tagasalanan. Ay au wan at maksvn nu mauri sas fagayu.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Titu 1:2

Tuy fag fagsafulun ay fag fagafanudun tagfon antam fagsegun te, e leleg ban tam at yud e fakatabuan. Kanya fag leleg Dius at nafatuyanan gina yay yud e fagdaul daga, ay kanya di kamuag.

Ebreu 7:19

Aroro Muisis at Faugali wa mafafasine nusnge wain. Ay katsi e nafadasug sa antam sik fagsegun tagtungud tua ebi tam fagsegun. Ay siginan kanya fag fagsegun manangakbang tua tam sas Dius.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.

1 Pedru 3:15

Amatangi tua gugat tam Fun Isus ay fagfausegananun ay ay fagfaningun. Kabavn mafalganani nu gfayamag am sas nusnga sinu fag taw taginto sa ayu sabaliwa ay fagsegun.

2 Pedru 1:12

Gfamatang ktua gugat ayu, dewa am nasaful wan takatanya fagayu, ay dewa am maksvn wan sa ay nabul fag fagmatuyanun.

1 Uan 3:3

Ay fagayu taw at ke fagsegun takatanya, matuyani fia at ugali kata tam Fun Isus nu matuyan.