Kulusas 1:23 - Fanawbuid tagsibaliwas Fakayabian

²³ Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:23 ပူးပေါင်းရင်းမြစ်များ

Alubad. 125:5

Dewa katanya, aiyani wan am ngay taw takamabo, kata sik taw at nalao sat mabaraud fag dalan. Ay fagamuti anya sa sangay taw tagfakamulun at mauri. Israel, sumawa nangus fia emu fagmanabayanun!

Takabalu 3:66

Yawi, aroro sa am dotama, fafaloi anya fagayu ay fabuli, laman kanya fagayu kalyam wan siginans fagdaul daga.

Esekyel 18:26

At matuyan fag taw nu nafaragang way nu gfakamulun at masine ay kanya nu nafakamulun way at mauri, kanya ban kabul aroro sat asalanan.

Sefanias 1:6

Namamin kyangay tagtalyuyan ay at yud kakbang sa angku.

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Lukas 6:48

Kanya kata sik taw takawat at bale ay naali ngabasad, ay at turuk antungkud sas gang. Lugwak nu ndasug sat bale, di guigan at bale, aroro mogat tua.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Fakamulun 1:17

Kanya sik nasugu oma kata emi ay ggubuk yangay kamoyung.”

Fakamulun 1:25

laman sik nasugu yangay at nangungbus Udas at naubun fag fakamulun, aroro kanya andasug wan sat fagnangadasugan at mafalganan laman sa anya.”

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Fakamulun 2:5

Ay ginanya sis Erusalem, e ngay taw Udyu tagseg Dius, siginans fagayu talun sas fagdaul daga.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 26:16

Ay katsi, malindug o. Ansure au sa emu laman gfili emu sik fagsuguan ay sik tagfoyung sabaliwa am nalag katsi ay ku fagnamalagun yay ban sa emu.

Fakamulun 4:12

Ste sfagdaul daga we mafalangfe antam nu bunway Isus.”

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 5:5

Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

1 Kurintu 3:5

Sinu nunda Apulus? Ay sinu au, Pablu? Ami, Dius waymi at fagsuguan, ay siginan emi nafanud am sa tam Fun Isus. Ay mesa ami gfakamulun tam Fun at nafatigwanan sa emi fag fakamulun.

2 Kurintu. 10:1

Siginan tam Fun Isus at fagmagalangun ay nu kamababaun, au Pablu glong au sa ayu te, dungugani angku. Tibak taw glong te, nu magamut au si ayu malukme ktua, ay nu nyayu au siginan ayu maksvn nu gfangagras au.

2 Kurintu. 11:23

O kanya fagayu tam Fun Isus at ngay fagsuguan? Au amatuyan kyap tua kanya fag ngay taw nu sik fagsuguan au. Nalong au takatanya kata sik tagfansaful, aroro nu gfakamulun au gtungud tua kanya fag ngay taw nu gfakamulun. Ngayu ginan au kaubung, ay kwa mafatap ya te, kayu ginan nya nu gafalangan au. Ay ngayu ginan au gsalubang sas fakabulun.

2 Kurintu. 3:6

Kanya wan at nafon emi fagmakatuun laman tagfakamulun sat bagu fag nasadian, bundi takata at kinriruk sis Muisis at Faugali, nu bunway siginan tua at Masine fag Falad. Aroro kafag faugali at fungfung fakabulun way, ay at Masine fag Falad at fon leleg tua.

2 Kurintu. 4:1

Dius mafangafanyu tua, nu katanya kanya nafili emi laman gfakamulun ami sa baliwa at bagu fag nasadian, ay di kamomuy em amatanganan.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

Galasya 4:11

Nu katanya, gafanawa au te, fangulan way ban manga ku ngay nainlufuyan laman sa ayu.

Galasya 5:5

Dewa katanya, em fagsegun ay em fagafanudun siginan at Masine fag Falad, Dius gtap tua emi kata nu yud ami e asalanan.

Galasya 5:7

Ebi masine oma ay ngay fakamulun. Sinu at nasalag nu gfakamulun am at matuyan?

Galasya 6:9

Nu katanya, lag tam kamomuy gfakamulun at masine. Nu ndasug ban sit filian fag menit, matuyan mul ban tam at famonun nu ddi tam anmomuy.

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Efesu 2:21

Galay sadik fangawat nafasugfun sa anya, nu katanya, ankata sik bale at mafasinean at nafasaman laman sa tam Fun.

Efesu 3:17

Tam Fun Isus nangus gbanwan si ay ngay amatanganan aroro gafanud tuam sa anya. Ay gdarangin kyangay te, maksvn am sis Dius at fakesugun, kata sik kayu tangabasad at lalid,

Efesu 4:16

Siginan anya fagdaul at bilug matuyan tua nu gdiuganan nu masine tua fagayu at afud at fakamulun, ay fagdaul at bilug mataglu tua ay karabung tua ay kaksvn tua sas fakesugun.

Deuterunumyu 2:25

Siginan katsi fag menit, gfon au sas fagayu talun sas fagdaul daga sik fakalimuun sa ayu. Fagayu at nadungug sabaliwa ayu gtadtaruyan kalimu.”

Deuterunumyu 4:19

Lag am galo sa tagseg nusnge wain tagsis banwa kata menit, magdanun, ay ngay galeme. Yawi nafasanya kanya fagayu laman sas fagayu tagbanwan sis fagdaul daga.

Kulusas 1:25

Dius nafili angku laman sik fagsuguan sas Isus at ngay taw laman namayamag au sa ayu tam Dius at longan fagayu,

Kulusas 2:7

Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

1 Tesalunika 3:3

laman nusnga sinu si ayu di kamomuy aroro siginan ay ngay nadalan fag faurianan. Nasaful wam te, Dius nafalganan sa antam takatanya.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

1 Tesalunika 5:8

Ay aroro siwa tam sad mayamag, masine nu mafalganan tua tam. Masine nu gsulun tam tam fagafanudun ay fagmafangesugun kata sik famalabag si tam dubdub. Ay masine yangay nu gsulun tam tam fagsegun fakalangfean, kata sik famalabag si tam alfuyu.

2 Tesalunika 2:16

Tam Fun Isus ay anggan tam Dius tam Mama takesug antam, nafon antam at yud e fakatabuan fag fagmasunun ay fag fagsegun siginan at fagmagalangun,

1 Timuteu 1:12

Guseganan au sa tam Fun Isus at nafon angku fagmabitsugun, aroro natuyan angku te, sik fagfatigwanan, ay nafili angku laman at fagsuguan.

1 Timuteu 2:7

Siginan takatanya, Dius nafili angku laman sik takamoyung ay sik nasugu sas yud Udyu fag ngay taw, laman gfoyung au sabaliwas fagafanudun ay fagmatuyanun. Ku ngay longan matuyan, ay kwa kamuag.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Titu 3:7

laman siginan Dius at fagmagalangun kanya gtap antam kata nu yud tam e asalanan, laman magbilug tam tam fagsegun fag leleg at yud e fakatabuan.

Ebreu 10:38

“Ku ngay taw at matuyan gleleg tua ban siginan at fagafanudun sa angku, ay dewa katanya, kanya ban nu natalyuyan way angku, kwa ban guseganan ya anya.”

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 3:6

Ay dewa katanya tam Fun Isus matuyan tua nu gfunan Dius at ngay taw, aroro sia wan Dius at baguama. Ay itam wan Dius at sisian nu maksvn tua tam fagafanudun ay gbakvd tua tam fia tam fagsegun.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 6:19

Tam fagbakvdun fag fagsegun, kanya wan at mogat ay at maksvn, tagfatawad tam leleg. Kanya ndasug tsiuy baliwa fantaba fag ramit, sat Mafasamanan fia fag Suluk.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.

1 Uan 2:27

Tam Fun Isus nafon sa ayu at Masine fag Falad. Nu katanya wam gayudan ya tibak takamoyung, aroro at Masine fag Falad tagfoyung ayu nusnge wain fagayu. At ugali matuyan ay kanya wa kamuag. Ay faningi at foyungan ayu te, banwani gugat sa tam Fun Isus.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.