Kulusas 1:22 - Fanawbuid tagsibaliwas Fakayabian

²² Dewa katanya, siginan tam Fun Isus at nabulanan, ansadi tuam sas Dius laman namasalubang ayu sa anya yud e malong ay matuyan.

Kulusas 1:22 ပူးပေါင်းရင်းမြစ်များ

2 Samwel 22:24

Dius nasaful te, fagdaul ku amatanganan sa way lang anya, ay gsaruy ktua fagmauriun.

Ub 15:15

Dius wa fia gafanud at ngay tagbarita; tagsis banwa fag ngay awatan nu dway fia masine sit daga salubangan,

Ub 25:5

Magdanun ay ngay galeme nu dway e masuad sas Dius,

Alubad. 51:7

Lisgisi sa angku sik balugu laman umfegus au. Fegusi angku laman ku amatanganan umsine kata sik dingin at barugwak nu malaksi.

Lukas 1:75

ay laman masine tua ay matuyan tua tam fakamulun sis Dius at daga salubangan, kaduge tam gleleg.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

2 Kurintu. 11:2

Gafanawa au ayu kata Dius nu gafanawa ayu, aroro kata am sik diaga ku nafatuyanan sa sik mangama, ay kanya fag mangama we tiba nu bunway tam Fun Isus.

2 Kurintu. 4:14

Aroro saful wami te, Dius wan at nafadog nafaleleg tam Fun Isus, ay kanya yangay ban gfaleleg anggan emi kata anya, ay gbuba ban antam sat day tigyangan.

2 Kurintu. 5:18

Dius wan tagfakamulun takatanya fagayu. Ay tam Fun Isus nafafoli antam sas Dius, ay kanya nafili emi laman namafoli ami ngay taw sa anya.

Efesu 1:4

Aroro siginan tam fagmasadiun sa anya, kanya nafili antam siginan yay nu yud nawat fagdaul daga, laman umsine tam ay di tam e malong sas Dius at daga salubangan. Aroro kesug tua antam,

Efesu 5:27

Nu katanya tua, kanya mafasalubang at ngay taw sa anya, masine ay di e kalong nusnga setaw ay di e mauri, nu bunway masine tua ay matuyan.

Kulusas 1:28

Kanya wan em fakamoyungun sabaliwa tam Fun Isus sas fagayu taw. Gfamatangan ami sas fagayu taw ay gfayamag ami ay kamoyung kaksvn em fagmakatuun, laman fagayu taw manansalubang sas Dius, ay di e malong aroro siginan at fagmasadiun sa tam Fun Isus.

1 Tesalunika 4:7

Dius at fagnauroun antam laman wa tam namaning ya fagmauriun nu bunway laman di tam e malong.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 10:10

Aroro tam Fun Isus nafaning tua Dius at fakaylatun, tam ngay asalanan nalyam wan, siginan tam Fun Isus nu gfon antam at sadili.

Ebreu 10:20

Ay gsakbo tam sanya sa sik bagu fag dalan tagsas leleg tam Fun Isus at naluang sa antam. Kanya kadasug tsi baliwa fantaba fag ramit daul, ay kanya we tiba nu bunway Isus at bilug.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

1 Pedru 3:18

Aroro tam Fun Isus sayginan way kabul, laman sas fagayu taw at asalanan. Kanya dewa yud e asalanan anbul laman sa sangay taw at ke asalanan, laman gtaban antam sas Dius. E nafabul at bilug taw ay nadog yay naleleg sit falad,

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

Udas 1:24

Tam Dius tagdiri ayu laman diam gasalanan, ay kanya yangay tagfayud e malong ayu laman mafakbang ayu sat daga salubangan ke fagusegananun.