Kulusas 1:12 - Fanawbuid tagsibaliwas Fakayabian

¹² gina am guseganan sa tam Mama, aroro kanya nafasine ayu laman e afud tuam sat fagnamonun at nafalganan sat ngay taw tagbanwan sad mayamag.

Kulusas 1:12 ပူးပေါင်းရင်းမြစ်များ

1 Fun 6:7

Ay gina namawat Yawi at bale, nafadasdas wan ngay gang siginan at fagnamulan, nu katanya, we kadungug ya atuk siginan nu gagbilug ngay fagagbilugun sa nu gbale, kata sanbung fag famulpug, ay famadalusan kayu ay tiba yak fagagbilugun.

1 Krunika 29:20

Sanya ginan, Dabid nalong sas fagayu taw te, “Fauseganani ay Dius Yawi.” Nu katanya, ngay taw nafauseganan Yawi at ngay mangaguyang at Dius. Kanya fagayu natudan ay namalub laman gfauseganan Yawi, ay at fun.

Alubad. 116:7

Yawi matuyan tua sa angku. Nu katanya, mafae fagmanabayanun ktua ku amatanganan.

Alubad. 36:9

Aroro o wan takata sik bulbug tagfon leleg. Siginan am fagmayamagun, em ngay amatanganan ansine tua.

Alubad. 79:13

Gina ban o nabalus emi, am nafili fag ngay taw, kata ngay tupa sim fagnamafangonan, gfauseganan ban mi gugat emu, ay anggan ban sat fadogan em ngay kasugfunanan dumungug yangay sabaliwa emu.

Alubad. 97:11

Dius at fagmayamagun gyamag sat matuyan fag ngay taw, kata menit nu gdamlag, ay gfon fagusegananun.

Fangatulun 16:1

Taw wan tagamatangan nusnga setaw at fagnamakamulunun, dewa katanya, Yawi tua at namafasludan.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Daniel 2:23

Nu katanya, gfauseganan au emu ku Fun, ku ngay mangaguyang at Dius. O wan at nafon angku ku fagsafulun ay ku fagmabitsugun. Ay nafon tuo sa emi em fagetun sa emu te, foyungi emi fun Nabukudunusur at taginfan.”

Mateu 25:34

“Ay arodi au, ay Fun, glong au sa tagsi ku siun te, ‘Ku Mama nafon ayu fagmasineun. Gewan, agbilugi at fagfagtainanan at nafalganan sa ayu siginan ebi fagdaul daga at fakasigadan.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

Uan 4:23

Ay kadasug ban sik buknga, ay kafag buknga katsi wan, at matuyan fag ngay tagseg, gseg tam Mama siginan fia at falad ay fagmatuyanun. Takatanya tua fag ngay taw tam Mama at fagrvbvyun tagseg anya.

Fakamulun 20:32

“Ay katsi gfatigwanan au ayu sas Dius ay sat longan sabaliwa at fagmagalangun. Kanya wan tagfaksvn ayu ay gfagbilug at mafalganan sa ayu ay sas fagayu at ngay nafili.

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Ruma 11:17

Am at yud Udyu fag ngay taw kata wayam sik malyaman fag fun kayu at ngay sanga at kinsugfun sat matuyan fia fag fun kayu. Ay nafaungbus ayu sat kin-gatvng fag sanga at fakagatvngan. Nu katanya, ankaksvn am siginan kafag fun kayu at lalid.

Ruma 15:27

Kanya fagayu maksvn nu guseganan gfon aroro katanya wan at matuyan, aroro kanya e bedan sa tam ngay faduksay sis Erusalem. At yud Udyu fag ngay taw e kwa wan sas fanfalad baliwa, siginan sangay taw Udyu. Nu katanya, at masine at yud Udyu fag ngay taw nu ggubuk yangay anya fagayu siginan takalag fag famonun.

Ruma 8:17

Ay aroro Dius tua tam at ngay sisian, nangagbilug yangay ban tam Dius at nafalganan sat ngay taw gasfuan tam Fun Isus. At masine nu gagwantan yangay tam kata anya ebi, laman nangagbilug ban tam at fagmasineun.

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

1 Kurintu 8:6

nu sa antam sadi way tam Dius tam Mama at nawat fagayu nusnge wain, ay gleleg tam laman gfaning tam anya. Ay sadi way tam Fun, Isus, ay siginan anya ankawat fagayu nusnge wain, ay siginan yangay anya tam fagelelegun.

1 Kurintu 9:23

Gfakamulun au takatanya fagayu laman mafafamoyung au at Masine fag Barita, laman ban e kwa kyangay tam Fun at famonun.

2 Kurintu. 11:14

Wa madulo takatanya. Aroro anggan Satanas mafaning yangay kata sik tagfae fagmayamagun fag tagbarita.

2 Kurintu. 5:5

Dius wan at nafalganan takatanya sa antam, ay kanya nafon sa antam at Masine fag Falad laman tagfatuyan te, matuyan gtubus ban tam bilug.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Efesu 2:18

Aroro sa tam Fun Isus, gsud tua tam manangakbang sa tam Mama siginan at Masine fag Falad.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

Efesu 4:6

Sadi way Dius, fagayu taw at Mama. Kanya gtungud tua sas fagayu, ay takawat fagayu, ay tagsis fagayu.

Efesu 5:11

Lag am gfagamutan ngay taw tagfakamulun at yud masine, tagfaning fagmadulumun. Abat ngate, falagi way sa anya fagayu te, mauri at ngay fakamulun.

Efesu 5:20

Kabavn fauseganani tam Dius tam Mama aroro sas fagayu nusnge wain, siginan tam Fun Isus at ngayan.

Efesu 5:4

Ay lag yangay gugali nusnga setaw fag mauri ay at yud e tungkul fag fagkamatoanun ay at yud masine fag alaman, nu bunway useganani tua sas Dius.

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

Kulusas 2:2

Katanya ku fakamulun laman umkaksvn at ngay amatanganan, ay umsadi sas fakesugun, ay laman kanya fagayu tumogdungug ay sumaful fia sabaliwa Dius at algan at masuksukan, we tiba nu bunway tam Fun Isus.

Kulusas 3:15

Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

Kulusas 3:17

Ay fagayu ay fakamulun, ay anggan ay longan, fakamuluni sa tam Fun Isus at ngayan, ay siginan anya useganani sas Dius tam Mama.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 12:23

Ay andasug wam sas Dius at ngay taw at maful, at natuyan te, at ngay sisian taguna kasalug. Kanya fagayu at ngay ngayan marirukan tua sis banwa. Ay andasug am sas Dius tagwabilug fagayu taw, ay sat matuyan fag ngay taw at ngay falad, Dius at nafayud e malong.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Santiagu 3:9

Siginan tam leplep glong tam at masine sa tam Fun. Ay sanya ginan yangay glong tam sabaliwa tam ngay iba te, “Dius faurii anya,” kanya dewa ankawat kata Dius.

1 Pedru 5:1

Maksvn nu glong au sa ayu tagfagtainan ngay tagafanud te, au sik fagtainan kyangay, at nalag tam Fun Isus at ngay naidapanan, ay e afud kyangay at fagmasineun takadasug yay ban.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

At Nafasure 22:14

“Mauseganan tagbakbak gugat at ngay lanbung, aroro gfasakbo ban anya sas furuan daul ay nangon tagfon leleg fag fun kayu at rawvg.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.