Isayas 9:9 - Fanawbuid tagsibaliwas Fakayabian

⁹ Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Isayas 9:9 ပူးပေါင်းရင်းမြစ်များ

1 Fun 22:25

Ay Mikaya nabalus te, “Sumaful ban o, gina ban o nababawan, ay nananuksuan sam bale at masuksuk fag suluk.”

Fangatulun 16:18

Sik taw takamatungudun, at fakadasugan sa ways faurianan, ay takadasug sa anya, fagidapun way.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 28:1

Afanyuan Samarya; kanya kata sik sangbo barugwak, tagalangu fag ngay taw Israel at fakamanagsagun. Furuan Samarya sisad datag, sit masine fag daga, dewa katanya, at kasinean kalyam way ban kata sik barugwak takalangke.

Isayas 28:3

Kanya ban nansiad Samarya, kafag sangbo barugwak, ngay tagalangu fag ngay taw Israel at fakamanagsagun.

Isayas 46:12

Dungugani angku, am fag ngay taw takamabo, ay at yud matuyan.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Isayas 7:2

Ay Uda at fun nu nadungug te, Sirya at fun ay Israel at fun ansadi namawayan taw Uda, kanya fag fun ay fagayu at ngay taw gtadtaruyan kalimu, kaksvn sik fulug nu guig sik fun kayu.

Isayas 9:8

Fun Dius nalong te, “Namaurianan kban ngay taw Israel, Akub at ngay kasugfunanan.”

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Esekyel 30:19

Katanya ban ku faurianan sas talun Igiptu ay kanya ban fagayu sumaful te, au Yawi.”

Esekyel 33:33

Ay nu nfasludan ban takatanya fagayu sanya fag ngay taw, kanya ban fagayu sumaful te, e taglong oma si anya.”

Esekyel 7:27

At fun ban umke fakabaluun ay at ngay fagsuguan ban umyud e fagsegun. Ngay taw ban tumadtaruyan kalimu. Namaurianan kban anya fagayu kata at nafakamulun. Ay namaurianan kban anya fagayu nu setain nu gfauri tibak taw. Nu katanya, kanya ban fagayu, sumaful te, au Yawi.”

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Malakyas 1:4

“Ay ngay taw Edum ban lumong te, ‘Em furuan ban dewa anrasras, gfadog yay ban mi kawat.’ ” Nu katanya, Yawi at Mabalyanan glong te, “Kanya ban fagayu dewa nafadog nawat at furuan, grasras kyay ban fia. Ay kanya ban fagayu kangayan te, ‘At mauri fag talun at ngay taw,’ ay ‘Yawi at fakadotamaun fag ngay taw.’

Malakyas 3:13

Yawi nalong yangay te, “Glong am mauri sabaliwa angku. Dewa katanya, ginto yayam te, ‘Nataw nunda em nalong at mauri sabaliwa emu?’

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”