Isayas 9:7 - Fanawbuid tagsibaliwas Fakayabian

⁷ Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Isayas 9:7 ပူးပေါင်းရင်းမြစ်များ

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

2 Fun 19:31

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 37:32

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

Isayas 40:10

Yawi tam Fun kadasug, ay namagtainan e fagmabalyananun. Kanya kadasug wan gbuba at ngay famonun sat ngay taw.

Isayas 42:13

Yawi namawayan kata sik tagfawayan at mafalganan. Kanya guro sik famasaful te, namawayan wan, ay namabo at ngay fawayan.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Daniel 2:35

Arodi vtv, anrufa wan kafag fagsegan at mawatan sanbung, lutuk, tansu, salapi ay gintu, ay ankata sik upa sis fagruyusan, lalab at fagfalayugun nusnga nday, dewa katanya, kanya fag gang at kintong sas fagsegan at ngay darafa ansik buksul daul ay ankapnu sas fagdaul daga.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Uan 12:34

Ngay taw gbalus anya te, “Muisis at Faugali at foyungan emi te, Dius at nafili fag Fun gbanwan ban kabavn. Wain am fagnalongun te, ‘E gfabat ban Taw at Baguama’? Sinu nunda ‘Taw at Baguama’?”

Ebreu 1:8

Ay sabaliwa at Baguama, Dius nalong te, “Dius, am fagfagtainanan kabavn tua ban. Ay nu gfagtainan ban o, matuyan tua.

Ebreu 7:24

Dewa katanya Isus gleleg tua kabavn, ay kanya sik tagfon fanggalangun kabavn ban.

At Nafasure 19:11

Ay sanya ginan nalag au banwa nu maluangan. Ay si ku salubangan sik kabayu malaksi. Ay tagsakay sanya at ngayan Mafanud ay Matuyan, aroro kanya matuyan nu ginsaful taw at asalanan ay nu gfawayan.