Isayas 9:6 - Fanawbuid tagsibaliwas Fakayabian

⁶ Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Isayas 9:6 ပူးပေါင်းရင်းမြစ်များ

2 Samwel 7:13

Ay kanya ban at namawat ku bale laman sa ku ngayan, ay gtuyan au te, at ngay kasugfunanan tua ban gugat tagfunan kabavn.

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

1 Fun 2:33

Uab ay at ngay kasugfunanan ban nangus e asalanan gugat aroro at nafabulan Abner ay Amasa. Ay Yawi nangus gfafanabayan sas Dabid ay sat ngay kasugfunanan, ay at ngay kaiban ay at ngay nangungbus ban anya gfunan.”

1 Fun 2:45

Ay Yawi namadante angku, ay Dabid at kasugfunanan ste way kabavn.”

Nemyas 9:32

“O wan em Dius at mabalyanan, at matuyan ay at madulo. Gfafasludan tuo am nasadian ay gfasure am fagmafangesugun. Falangfei emi siginan em fagidapun. Ay katsi gagwantan ami at maksvn fag fagidapun, anggan em ngay fun, ngay tagfangguna, ngay tagfon fanggalangun, ngay taglong, ay anggan em ngay mangaguyang, siginan yay Asirya at ngay fun gfaidapan emi dasug katsi.

Alubad. 45:3

Taudani am fiso sim fagwan, aroro o wan at maseganama fag tagfawayan. Ay o wan at mabalyanan ay at mauseganan fag fun!

Alubad. 45:6

At mabalyanan, nu gfagtainan o, we fakatabuan, ay matuyan tua nu gfunan o.

Alubad. 45:7

Kesug tuo fagmatuyanun, ay kauri o at mauri. Nu katanya, Dius nafili emu, ay nafon emu at mauseganan, gtungud tua sam ngay iba.

Alubad. 50:1

At mabalyanan fag Dius, Yawi garingang. Kanya guro gfaful sas fagdaul daga at ngay taw, siginans fakamenitan anggan sas fakayabian.

Alubad. 72:17

Amatangi tua ban nangus gugat kafag fun at ngayan, kaduge ban e menit. Dius nangus gfae ramraman sas fagayu talun, aroro siginan kafag fun, ay tibak talun at ngay taw lumong te, Dius nafae ramraman kafag fun.

Alubad. 72:3

Ay umkayu nangus at ngay fananumun at rawvg tagsi sangay buksul, ay anggan nangus at ngay taw umke fagmanabayanun aroro at fun matuyan tua.

Alubad. 72:7

Kaduge ban nangus kanya gfunan, at matuyan fag ngay taw umke fagmanabayanun. Ay umke ramraman ban nangus kaduge e magdanun.

Alubad. 85:10

Fagmafangesugun ay fagmatuyanun masadi; fagmanabayanun ay fagyudun e malong masadi yangay.

Alubad. 89:5

Yawi, am ngay awatan sis banwa ay anggan ngay tagbarita maful gfauseganan emu, aroro matuyan tuo ay nafakamulun o at ngay madulo.

Fangatulun 8:23

Siginan yay ebi, kanya nawat wa angku. Sanya kwan gina yud e fagdaul daga, ay e dagat, ay e ngay bulbug, ay e ngay buksul, ay e ngay fungsu, ay e ngay gamasun, ay anggan ngay lukbu.

Isayas 10:21

Ay at kinsawad ban at ngay amatanganan umfoli sat Mabalyanan fag Dius.

Isayas 11:5

Kanya mafalganan gugat gugali at matuyan ay at mafangesug, kata sik taw tagsulun at famutus at fagwan laman mafalganan namakamulun.

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 28:29

Kanya fag fagsafulun siginan tuas Yawi at Mabalyanan. Masine at ngay fangatulun, ay maylat at fagsafulun.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 37:32

Aroro e sawad ban tagleleg sis furuan Erusalem, sas Buksul Siun. Yawi at Mabalyanan at namafasludan takatanya.”

Isayas 53:10

Dewa katanya, Yawi nafalganan anya sas fagidapun ay faurianan. Ay Yawi dewa nafili anya sik fanggalangun laman famalyam ngay taw at asalanan, kanya ban lumag yay fia at fadogan fag ngay kasugfunanan ay mul ban yud e fakatabuan fag leleg, ay siginan ban anya umfasludan Yawi at algan.

Isayas 53:2

Yawi at fagsuguan tagfaning anya kaksvn tua kata sik tanum at bagu gtugbung ay taglalid tua dewa sat matat fag daga. Kanya wa masine ya ay we famaylatan ya laman kakbang tam anya.

Isayas 53:5

At matuyan, siginan tam fakamaboun kanya anke fakarukan, ay kanya nafalangan aroro sa tam fagmauriun. At nadalan wan fag fagidapun at nafae fagmasineun antam, ay siginan at faginke fakarukan anfia tua tam.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Agay 2:9

Katsi, ku bale ban amasine yap tua ebi taguna. Nu katanya, namae fagmanabayanun kban tuy fag furuan daul. Au, Yawi at Mabalyanan, taglong tuy.”

Mateu 1:1

Katatuy Isus tam Fun at ngay mangaguyang nu gdaddagan. Kanya Dabid ay Abrayam at kasugfunanan.

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:16

Aroro kanya maksvn nu magalang ay matuyan, fagayu tam mul tam at fagmagalangun yud e fakatabuan.

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

1 Kurintu 15:25

Aroro masine tam Fun Isus nu gfagtainan yakmay ban nafasa at daga darafa at ngay fawayan.

2 Kurintu. 5:19

Katatuy ku longan at masuad: siginan tam Fun Isus, Dius nafafoli fagayu taw sa anya, ay wa ban gamatangan ya kafag ngay taw at asalanan. Ay kanya nafatigwanan wan sa emi takatanya laman namafoli ami ngay taw sa anya.

Deuterunumyu 10:17

Aroro ay Dius Yawi, gtungud tua tibak dius ay tibak fun. Kanya at mabalyanan tua ay at madulo fag Dius. Kanya di e fagfili ay wa gbul famaylatan fag famonun.

Kulusas 2:3

Dius at fagmamatanganun ay at fagsafulun masuksukan si tam Fun Isus.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 1:8

Ay sabaliwa at Baguama, Dius nalong te, “Dius, am fagfagtainanan kabavn tua ban. Ay nu gfagtainan ban o, matuyan tua.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.

Tagfangguna 13:18

Ay Yawi at tagbarita gbalus te, “Wain am fakaylatun gyasafulun ku ngayan? Maidap way katogdungug.”