Isayas 9:3 - Fanawbuid tagsibaliwas Fakayabian

³ Yawi, gfayu ban o kanya fag ngay taw, ay gfon ban o sa anya fagayu sik maksvn fag fagusegananun. Kanya ban fagayu guseganan sam daga salubangan kata ngay taw taguseganan gina fanggutluan, ay kata yangay sik ngay taw taguseganan gina gafudan at nabul fag ngay ramraman siginan at nababo fag ngay fawayan.

Isayas 9:3 ပူးပေါင်းရင်းမြစ်များ

Nemyas 9:23

Nafayu o at ngay sugfun kata ngay galeme sis banwa. Ay nataban o anya fagayu sas talun am nafatuyanan sat ngay mangaguyang, laman nangadasug ay nangagbilug kanya fag talun.

Ub 12:23

Kanya gfabitsug tibak talun at ngay taw ay giklas tibak talun, ay gfabia tibak talun ay sanya ginan gfarapyag anya fagayu.

Alubad. 107:38

Dius nafon sa anya fagayu nusnga setaw, ay nafayu at ngay kasugfunanan. Ay ankayu yangay anggan at ngay fagbaugun.

Alubad. 119:162

Guseganan au am ngay longan, kata sik taw at nalag ngayuk ramraman.

Alubad. 4:7

Nu guseganan au sa emu, natungud tua ngay taw at nangayu at gutluan nu guseganan.

Isayas 10:26

Au Yawi at Mabalyanan, gfaurianan kban anya fagayu kata ebi ku nafakamulun sa sangay taw Midyan munakbang sis Gang Ureb, ay kata yangay ku nafakamulun sa sangay taw Igiptu gina au nafalubgub anya fagayu sasad dagat.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 14:5

Yawi nafalyam wan at mauri fag ngay fun at fagmabalyananun,

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:15

Yawi, nafabia tuo em talun, ay nafadugdug tuo em ngay taba daga, ay aroro katanya gfauseganan tuami emu.

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 54:1

Yawi nalong te, “Erusalem, o takata sik mangena tagaranas, alubadi. Alubadi ay uroi useganani, o at yud batang gidapan gfasalug. Aroro am mangama ban dewa naubun emu, umke sisian ban o ayu yap tua sik mangena ke mangama at sisian.

Isayas 55:12

Am fag ngay taw Israel, duksuni useganani siginans talun Babilunya, aroro Dius wan tagufud ayu. Ngay buksul ay ngay fungsu kata sik ngay taw tagalubad guseganan. Ay fagayu fun kayu kata wa sik ngay taw tagfantalaptapan.

Isayas 61:10

Guseganan au sas Yawi ku Dius, aroro kanya nafalangfe tua ay nafae fagmatuyanun angku, kata nu nafae lanbung angku. Ay ankata au sik mangama at nangadadwa at ke lanbung masine kata ngay tagfon fanggalangun, ay kata yangay sik mangena at nangadadwa at mafasinean.

Isayas 61:7

Abat ngate ban am gafalingunan, ay gutluan ban duak kayu ay fagsegun, nu katanya, maksvn ban nu guseganan am. Ay kabavn ban manabayan tua nu gbanwan am.

Isayas 65:14

Ku ngay fagsuguan ban galubad tua guseganan, dewa katanya am ban gwayway wayam kabalu ay gidapan ay ngay amatanganan.

Isayas 65:18

Nu katanya, kabavn useganani ay mafuli laman sa ku ngay fagnamakamulunun. Aroro furuan Erusalem ban namasik fagusegananun au sa sangay taw, ay tagbanwan ban sanya fag ngay taw gfae fagusegananun yangay sa tibak taw.

Isayas 66:10

Fagayu am takesug Erusalem useganani ay segi gasfuan anya,

Eremyas 31:7

Yawi glong te, “Alubadi ay uroi laman sas Akub at ngay kasugfunanan, aroro kanya wan tiba tungud fag gaban taw. Useganani ay uroi te, ‘Yawi, falangfei am ngay taw, at kinsawad tagleleg sis Israel.’ ”

Usea 4:7

Am fag ngay tagfon fanggalangun gina am ankayu, ankayu yangay ay ngay asalanan sa angku, ay natubus am angku, at matuyan fag Dius, sat yud e tungkul fag ngay fagsegan.

Lebitiku 26:13

Au wan ay Dius Yawi, at nafalfas ayu siginans talun Igiptu, laman diam gafagsuguanan ya sa sangay taw Igiptu. Nafalfas kwan ayu, nu katanya, wam e fakaplaun ya.

Sakaryas 10:8

Nanguro au ay namaful ku ngay taw Matuyan wan namalangfe au anya fagayu ay namayu au at ngay kasugfunanan kata ebi taguna.

Sakaryas 8:23

Ay ginanya ban fag menit, safuluk taw tagsaman at fangaringang at yud gbanwan sanya, nangakbang sa sik taw Udyu ay glong te, ‘Kaylat ami nangalo ayu aroro nadungug ami te, Dius galo ayu.’ ”

Lukas 11:22

Ay tibak taw tagtungud yay nu mabalyanan nu nafawayan ay nababo anya, namul kafag taw at fagsegun at famawayan ay nangafud at nabul fag ngay ramraman.

Fakamulun 8:8

Nu katanya, sanya fag furuan at ngay taw maksvn nu guseganan.

Filipus 4:4

Kabavn useganani sa tam Fun. Gdog au glong te, useganani!

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.

Tagfangguna 5:3

Am fag ngay fun ay fag ngay tagfangguna, dungugani! Galubad ami ngay famauseganan sas Yawi, Israel at Dius!

Tagfangguna 7:22

Ngay taw Israel fag tuluk sandan kaduge gfawang at ngay budyung, Yawi nafasagsagan ngay taw Midyan at ngay amatanganan, ay kanya fagayu gbadbasingan sit fagmafulan. Ay tiba nalagyu sabaliwas Bet-Sita munakbang sas Serera sitsigons Abel-Mekula munakbang sis Tabat.

Tagfangguna 8:12

Seba ay Salmuna nalagyu, dewa katanya, Gidyun nafafalo ay nagamat kafag duak fun, nu katanya, Seba ay Salmuna at ngay tagfawayan wa saful ya at fakamulun.

1 Samwel 30:16

Ay kanya nataban Dabid ay at ngay tagfawayan, ay kanya fagayu natunggu ngay taw Amalek nu grapyagan gfangon ay ginum fanlangu ay guseganan aroro ngayu at nabul ramraman siginan sa ngay taw Filistia ay sangay taw Uda.