Isayas 9:20 - Fanawbuid tagsibaliwas Fakayabian

²⁰ Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Isayas 9:20 ပူးပေါင်းရင်းမြစ်များ

Takamoyung 4:5

Ngay taw at momuy we fagsafulun, nu katanya, gakabulun wan sas fanlunus.

Isayas 10:4

Wa ban am e balyawvtan ya sangay at nantudan magamut ngay natabanan ay mannga nantaygilidan magamut at ngay kinbul. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 14:30

Ay namafangon au fia ku ngay taw tagafalingunan ay namabanwan manabayan. Ay namabul au am ngay kasugfunanan at kinsawad siginans lunus.

Isayas 3:1

Fun Dius, Yawi at Mabalyanan, namalyam ban ngay taw Erusalem ay ngay taw Uda at ngay fagsegun: at fakonun ay at fanginum,

Isayas 49:26

Namaon kban sa sangay taw at nafalingun emu at sadili bilug, ay kanya ban fagayu umkata sik ngay tagalangu aroro nainum at sadili taguk. Nu katanya, fagayu ban taw sumaful te, au wan Yawi, at nafalangfe ay at nafalfas emu, Akub at Dius at mabalyanan.”

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Isayas 51:19

Duak faurianan at kindasug sa emu: am ngay fawayan narasras wan emu, ay am ngay taw nadalan at maksvn fag fanlunus. Nu katanya, we sawad ya am ngay taw laman tagfasun emu.

Isayas 8:21

“Kanya ban fag ngay taw lumao nusnga nday fag afud talun Israel, ginlufuyan ay ginlunusan. Nu katanya, kanya ban fagayu umdotama ay lumong at maksvn nu mauri sat fun ay sat ngay fagsegan. Ay kanya ban fagayu dewa natangda sas banwa

Isayas 8:22

ay nadama sas daga, at lagan ban fagidapun way ay fagmadulumun ay fagafanawaun. Ay gaiyan ban anya fagayu sat maksvn fag fagmadulumun.”

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 19:9

At ngay fawayan ban nanligung kanya fag furuan yakmay ban ngay taw tagbanwan sanya at fakonun ankamin. Nu katanya, sanya ban umke fanlunus ay kanya ban fagayu kon at ngay ibama ay anggan at ngay mesa sisian.’ ”

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Mikas 6:14

Nu katanya, dewa ban am kon, wam kapsug. Ay dewa ban am gfungsu ay gutluan, bunwa ban am at nangagbilug, aroro ay ngay fawayan ban nangago ayu.

Sakaryas 11:9

Sanya ginan, nalong au sa ku fagalagaun fag ngay tupa te, “Bunwa au ya ay tagalaga. Fagayu takabul kabul wan, ay fagayu tagafaurianan gafaurianan wan, ay at sawad, to sanya kadkagatan.”

Markus 3:24

Sik fun at fagfagtainanan fag ngay taw nu gawayan way gugat, abandi kalyam wan kanya fag fagfagtainanan.