Isayas 9:2 - Fanawbuid tagsibaliwas Fakayabian

² Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Isayas 9:2 ပူးပေါင်းရင်းမြစ်များ

Ub 10:21

nu sa kwa ban at mabalu ay at madulum fag buknga, ay kway ban kafoli ya.

Alubad. 107:10

Tibak taw gidapan aroro masiukan salambitan, ay maubungan sit madulum fag fagubungan,

Alubad. 107:14

Ay kanya nagatvng wan ngay salambitan fansiuk kafag ngay taw, ay nafalfas siginan at madulum fag fagubungan.

Alubad. 23:4

Kwa kalimu dewa au glao sat madulum fag dalan, aroro o wan ku ufud. Am famalang ay am tulag tagdiri ay tagfasun angku.

Alubad. 4:8

Nu katanya, manabayan tua nu gtiug au, aroro gdiri tuo gugat angku.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Isayas 9:1

Dewa katanya, tagidapan fag ngay taw at fagmadulumun kalyam ban. Ebi, Yawi nafabayan wan taw Sebulun ay taw Naftali at talun nu kapla. Dewa katanya, sik menit ban kanya gfasik masulo kafag duak talun. Sanya wan fag ngay talun ngay taw at dalan siginans tigyangan dagat tagsas Liskung Urdan. Kafag ngay talun, Galilea at fagagbilugun, at yud Udyu fag ngay taw at fagbanwanan.

Amus 5:8

Ay Dius nawat ngay galeme tagfulan at ngayan te, Pleyades ay Uryun. Dius yangay tagfae yamag ay dulum, ay tagfae menit ay yabi. Kanya nafatulbu dagat at mamam sas linyabu, laman gfae arak. At ngayan, Yawi.

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 12:46

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Efesu 5:8

Ebi gbanwan am sis fagmadulumun, ay katsi tam Fun nafasa tua ayu sad mayamag. Ugalii at masine kata nu si am sad mayamag.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

Tagfangguna 5:30

“Malgau kanya glugo nu gbul ay nu gafud nusnge wain at nabul siginan at fagawayanan: sadi ay duak mangena sas galay sik tagfawayan, ay at mabyat fag lanbung laman sas Sisera, ay sat mina tagridrirukanun fia fag lanbung.”